حكم المباراه حسين عبدالغنى يطرد لاعب الهلال

[ç£àSsْIç]

سلمان

شوف وانا اخوـوك انا اعرف لي هلالي ( تملص ) من هلاليته وتجرد منها وشجع النصر ..
كان عايش في نعيم البطولات .. ولذة الإنتصارت المتتالية ..

وماذا حدث بعد ذلك ؟

تخيل تدهورت حالتة .. حاله لايسر العدو قبل الصديق :( ,
تخيل ثمان سنوات وهو يردد بعد كل مباراة أغنية عبدالكريم عبدالقادر ..

آجــررر الصوت .. آجررر الصوووت من جـرحٍ بـرآنـي .. الا والــجرح اكبـر من زمـاني :(
ومن وين أبتدي :( .. ياجرحي النـدي :( .. حسبي على الاااااااايام ~ ~ ~ والـحظ الـردي :(

وبـعد كل موسم كـروي يردد ..

وهــممممممم كل الـمواعييييييييد وهمْ :(
تعب تعب كـل المواعيييييييييييييييد تـعبْ :(

واتـم بعيد .. وتتم بعيد < البطولات

وش ذا الحياة الكئيبه ياولـد
تراجيديا * تراجيديا مافيه أكشن مافيه بطولات

وتبيني أشـجع النصر , فال الله ولا فالك ياشيخ

بعدين بقولك حاجة .. مشجعين النصر وقف تزايدهم من منتصف الـتسعينيات الميلادية
اي مشجع للنصر من بعد هذا التاريخ تأكد انه اما ان يكون مُـغرر به من قبل فئه ضاله عن الطريق الصحيح لكرة القدم

او انه مايعرف كورة ابد ويشجع الفريق الاضعف
وهاذي حاجة غريزيه الانسان ميّال للضعيف والمسكين ..
والنصر مسكين الكرة السعوديه والحلقة الاضعف فيها

ولعُمري ان هولاء المشجعين مشجعيين (وقت)
يزول تشجيعهم بزوال السبب ..

بالنسبة للسيطرة على الإعلام فلا غرابه
إذا كان أكثر من نصف الشعب السعودي هـلآلي( بالاحصائيات) والإعلامي من الشعب .
شيء طبيعي ان الإعلام بيكون اغلبه هلآلي

نظرة خويك صحيحه 100%
لكنه اخطاء في شيء الاقوى هو وسط ليفربول ومن ثم ياتي الهلال ..
وسلمني عليه .. ولاعدمنا نظرة الفنية ثلاثية الابعاد

دامك جبت طاري القرن .. والهلال زعيم القرن في نصف الكرة الأرضية

جميع اندية السعودية (ممتاز- اولى ثانية - ثالثة - مناطق )
اندية امارتية (الاهلي الاماراتي) قطرية ( الريان ) بلاتر ابن همام ..رئيس ليفربول بكبرة ..
جميعهم قامو بتهنئة الهلال على هذا الإنجاز الاسطوري ..

تخيل امس اتابع برنامج ريفيرس على قناة قناة فنون ..
حتى المذيع مشعل الشايع قال نبارك للهلال حصولة على هذا اللقب !! تخيل :o

وسط هذه الزحمة والتبريكات بقي نادي واحد يمشي على نظام .. سوي نفسك مادريت
النصر ماكلف نفسة وبارك للجار .. اللي مايفصل بينهم إلا شارع :/

وهذا ان دل على شيء فهو يدل على ان هذا الكيان نكره لاوجود له

المصيبة ان صحافة الاصفر البراق مشتغله تشكيك في اللقب
والمصيبة الأعظم انهم قبل شهرين كانو يشيدون في الاتحاد المانح لهذا اللقب ويمجدون فيه ..

لانهم كانو يعتقدون ان الإتحاد بيفوز فيه !!
فاز الهلال وتغير كلامهم ( وهذا مُثبت) !!

الله أكبر امس زين .. واليوم كـخه

لكن نجد لهم العذر خصوصاً إذا مارجعنا لقصة الهلالي المتملص ..
فحياتهم الكروية كئيبه .. وعربة البطولات فارغة .. والعربة الفارغه أكثر ضجيجاً

والصرآخ على قـدر الألـم

[ç£àSsْIç]

,,

برايفت كلاسيك ممكن توقع لي

[سلمان]

بعد اعتذاري للاخ البارق عن خروجي عن مجال الموضوع ( زي العاده )




انا كنت ناوي ارد بكره منها امخمخ واكون بكامل قواي العقليه وانا ارد
لاكن تعرفون الي في بطنه شي مايقدر ينام الى لين يقوله


كلاسيك

هلا ياهلا بسنشيرو البطل المغوار

هيا تعالو نشاهده كبار وصغار ( من هنا بدا التشجيع الهلالي ):170:


صاحبك النصراوي المتملص من الهلال ما قال لك خل العتب يا لايمي هذا النصر عالمي :102:

وبعدين وهم واجر الصوت مالها اي دخل في النصر يمكن الرجال منطرب

لاكن سبحان الله عودنا الاعلام الهلالي والجمهور الهلالي على الدق با الاغاني :107:

واضح ان الاخوان راعين طرب:170: ( الله يستر لاينتهي ها الطرب بمداهمة الهيئه :170:)


وعن كلامك عن جمهور الشمس

اعتذر منك اخوي غلطان :85:

سبق وان حظرت الصراحه لمباره للهلال وكنت مع الجمهور الازرق في مباره بين الهلال والاتحاد

الصراحه الصراحه كان الجمهور من الفئات التاليه اندر ايج ( تحت السن القانوني ) وفئه كبيره ايضاً هوات تفحيط ينتظرون متى تخلص المباره علشان ( هز الحديد) او منهم درو ان تذاكر المباره مجانيه وقالو شياً بلاش ربحه بين وفئه من الكدش وطيحني وقله من الاشخاص الي باين عليهم الاتكيت لاكن الغالب حسب ماشفت
( من متابعين سبيس تون ( لاحد يزعل ) هذا الي انا شفته وهذا الرائي الي عندي :107:



اما عن جمهور النصر

وعن جمهور النصر
اخو واحد من اصحابي في العمل عمره تقريباً 8 سنوات تصدق انه وقت مايلعب النصر لو تناديه يسفهك واذا كان فيه مبارة ديربي ينشب لبوه واخوانه الى يروح الملعب

يعني صحح معلوماتك للحسن فيه ناس تحمس مع النصر صغار سن

يعني انا مثال تقريباً بديت تشجيع النصر والحماس معه من نعومة اظافري فترات يهدا الحماس بسبب مشاغل الحياه لاكن الحب الاول لايزول

وعن كلامك انهم مايعرفون شي عن الكوره اقول سمله عليهم جمهوركم موب مقصرين في الامر ذا

كثيره النقاط الي عندي ( احس العالم يقولون صارت السالفه من يرد اطول من الثاني )

وعن نظريه صاحبي ( شف انا اشهد ان ويلي ورادوي من افضل المحترفين في الدوري السعودي)

لاكن ملاحظ صار يجيكم جنون العضمه يا الربع ها اليومين
وعلا قولتهم خالد عزيز هو القادر على كبح جماح شفشنكو ايام مونديال 2006
يا ثاني افضل وسط في العالم بعد ليفربول هههههههههههههههههههههههههههه


وعن نصف الشعب هلالي
ياخوي تقولون الكذبه وتصدقونها

يعني افهم من كلامك ان جمهور النصر انا والبدر وخمس طعش واحد وان جمهور الاتحاد 13 شخص ولاهلي 12 شخص والشباب ثلاثه والرابع يدرس في كندا

يمكن احصائياتك مبنيه على ان الفئه العمريه للشعب السعودي دون 18 سنه قرابة النصف
ممكن اصدق من ها الناحيه

او والله اعلم

مثل ماعودنا اعلامنا العربي

ان الشعب البطل صوت للرئيس بنسبة 99.9%

يعني زياده على ان اعلامنا متواضع وفقير ( كذاب )

لا ويطالبون بحرية الصحافه ( بدون حريه كذابين)

يعني وش نرجي من الاعلام الي انتقد الشيخ الشثري وجاينا اليوم الثاني يتكلم في النصر
طبعاً بنقول اعلام كذاب ومتملق ويبحث عن الربح المادي با المواضيع الاستفزازيه




وعن نادي القرن يا مشجع القرن

اول شي احب اعرفك على قارة اسياء

تايلند الفلبين النيبال ماينمار بروناي ماليزيا اندونيسياء الهند باكستان منغوليا بنغلادش سيرلانكا كمبوديا فيتنام وغيرهم

يعني عادي تصير زعيمهم تفضل خذها مانبيها

يعني تراها قاره بريلين نص دولها :102: من ناحية كرة القدم اقصد

وصراحه موضوع نادي القرن تكلمنا فيه في السابق وزعلو علينا الاخوان واقدم اعتذاري لهم
وتم حذف الموضوع


وهي حريه شخصيه

ياخي مانحبكم غصب نبارك لكم

انا عندي حريه

البس الي ابي
واقول الي ابي

وابارك للي ابي

وعن اعلامنا الي تقول عنه مشكك ياخوي لو تجمع كل الي قالوه

مايجي ربع الي قاله اعلامكم الموقر

هي سالفه طويله

والصراحه

انا بديت اتخوف


الاخت العزيزه سيوف

تقول في الاهدات

انها تبي شاعر يقول فيني قصيدة هجاء

ليش وانا خالك

الصراحه يوم جيت ابي اطلع من باب بيتنا

طالع متلطم خفت ان احد يغتالني او يبتليني ( ليش حرية الرائي جريمه )





ومشكور ابو حميد على التوقيع

تسلم لي يا ماي كزن


ولاحد يزعل مني

الدعوه مزوح وترطيب اجواء

[شموخ النايفات]

اتمنى ان الملك عبدالله يلغي اسم [overline]نادي الهلال ونادي النصر [/overline]
ويشكل ناديين جدد و يوزع الاعبين بالقرعه على كل نادي
الي ودي فيه من هالحوسه ^_^
متعصبين الهلال والنصر بيجتمعون على نادي واحد ولالا
تهقون سلمان واحمد يشجعون نفس الفريق

[ç£àSsْIç]

صاحبك النصراوي المتملص من الهلال ما قال لك خل العتب يا لايمي هذا النصر عالمي

آخر عهدي فيه كان متمركي ويردد بكل اسى وحزن :(

كـل يوم نقول اليوم تتحقق الأحلام :( .. ياقلبي يامحرووم من فرحـة الأيام :(
كـل يوم نقول اليوم تتحقق الأحلام .. ياقلبي يامحرووم من فرحـة الأيام

تـاهت خطاوينا .. ومنهو بدنيا اليوم يـأخذ بـ ايادينـا

/
|
/

من يصدق الآحسـاس < ( الصقور ) .. وين الـنصر يانــاس
كـل شي متغيرررر . في عــالم يـحيـر

وبننتظر ونــخاف .. يطوول الإنتظار
.............................. يطوول الإنتظار

بعدين اي عالمي الله يرحم والديك !
متى خبرك بالكلام ذا ؟ الف واربع ميه وحطبه .. ست الآف وسبع مية سنة قبل الميلاد :/
وين الحاضر ؟ وين الماضي التليد اللي يرعب الخصوم ؟

وين وين وين ؟ ... :(

,,

سلمان بالله كيف تشجع فريق ينهزم من شباب من عدوكم ومنافسكم اللدود ( بزعمكم ) !!
ولا بعد وفريق شباب الهلال مطرود منه لاعب !

كيف تشجع فريق افراده إذا سجلو هدف يفرحون على طريقة الدجاجه !

يقولك صحفي سأل عالم ذرة بريطاني ( مستغرباً ) كيف يحدث هاذا ؟
كيف يفوز شباب صغار على شيبان يعتبرون الاقوى لدى الفريق الخصم ! ومع الطرد ايضاً ؟

فـ أجاب مـقهقـاً عشرة هلاليين شجعّان .. خيرٌ من عشر دجاجات ونفر بخاري

النفر البخاري يقصد به الرز , احسبه كذلك والله اعلم بالنوايا

,,

مسالة الجمهور :-

هاذي مسألة منتهية من زمان .. وبالضربة القاضية ( دن دن دن دن دن )
أكبر شركة إستفتاء في امريكا ( زغبي ) (وهي من قامت بـ إستفتاء سباق الرئاسة الاخير في امريكا ! )
جـت هنا بطلب ( هـلآلي - نـصراوي ) واثنينهم تكفلو بتكاليف الشركة .. كانت الدعوى تحدي بينهم ,

وش النتيجة ؟
أكتساح رهيب لجمهور نادي القرن الآسيوي بـنسبة 42 %
والنصر يغرد وحيداً في آسـفل السرب بـنسبة 11 % من مشجعين كورة القدم

ما اقتنعتو ..

موقع كورة اكبر موقع رياضي من ناحية الاعضاء سواء ستفتاء ( وموقع كورة مشهود له بالحياد )
وماهي النتيجة ؟ اكتسساح ازرق كالعادة :)

ما اقتنعتو ..
قبل شهرين تم أفتتاح موقع spl التابع للاتحاد السعودي لبيع المنتجات الخاصة بالاندية ( اكواب - ستكرات الخ .. )
هالموقع على ذمة الدكتور حافظ المدلج بلغ عدد زواره في اول يوم من افتتاحة 80 الف زائر !
ماعلينا .. ادخل الموقع وشف بنفسك البضائع الأكثر مبيعاً .. واكحل عينك بالاكتساح الازرق

ماقتنعتو ..
جعلكم ما اقتنعتو ابـد .. وانا مكلفٍ فيكم

بعدين لوتلاحظ إنك تناقض نفسك ..
في البداية تقول جماهير الهلال بما معناه ( صغيره في السن - طائشه )

بعدين تقول سالفة انهم أكثر شعبية اطمروها .!
طيب كلنا ندري ان نسبة الشباب في الكنق دوم تشكل 60 % ! يعني اكثر من النصف ,
إذا كانت جماهير الهلال تشّكل الغالبية العضمى من السكان أكيد بيكونون من الشباب !!

,,

قارة اسياً اللي ماتأهلت لها كنصر من عشر سنين .. يارباااه
قاراة اسيا اللي تاهلت لكاس العالم عن طريقها بقرار مكتبي خطيير
آجل فايزين بكاس اسيا عام 98 وتلعبون في كاس العالم 2000 . طمرتو الفريق الياباني اللي فاز بكاس اسيا 2000 :/

قارة اسيا تزعمها الهلال وانتزع لقبها من اعتى الفرق اليابانيه .. الايرانية . الكورية .. العراقية (سابقاً)
وانتزع لقبها 6 مرات في رقم قيآسي بيبطي وهو ماتحطم =)

,,
بالنسبة للتهنئة أحب اقولك ان التهاني متواصلة والبارح وصلت تهنئة
من النائب الثاني الامير نايف بن عبدالعزيز
ولسىىىىىىىىىى ^_*

وانا عندي قناعة بـ إن عدم تهنئة نادي النصر .. هي اغلى تـهنئة

,,

جمهور الشمس

دايماً دمووع .. قصدي دايماً نسمع هالجملة !
للأمـانة حاولت بشتى الطرق إني احصل عامل مشترك بين هذا اللقب ونصركم المزعوم ..
بحثت وبحثت وبحثت .. ووجدت أن العامل المشترك بين نادي النصر وجماهيره , والشمس هـو [ سـّواد الوجـه ]

معليش إذا كنت قاسي في الوصف .. وتقلبو كلآمي من منطق كروي ريآضي لاغير ’
وللأمـانة سواد الوجة رياضياً دائماً مايكون ( نصراوي) . والأمثلة كثييير , وان بغيتو سردنا =)

اصفر ؟! .. قلتّ الالوان

ازرق .. واكتفي بقول الشاعر مدغم ابو شيبة
لـو لم يكن اجمل الالوان ازرقـها .. ما اختراه الله لوناً للـسماواتي

فريقكم كـخه , فريقنا كويس

,,

وعلى كثر الكلام لحد يشره . ويشيل في خاطره
عيوني تصافقن .. والارهاق نال مني الشيء الكثير ,

ومنك لله ياأحـمد الشقيري انت وبرنامجك :/
دوام كلية من الساعة 7 إلى 5 و وش دعوى :/

نروح للعميد نشتكي له الحال .. يقول في اليابان :o يدرسون 500 ساعة في السنة

نخلص منه . للمعمل .. يجيك الاستاذ ,
في اليابان يشركون الطلاب في الشرح قبل مايشرح الاستاذ .. بنطبق هالنظرية :/
وقتها فـكرت بجدية إني اسحب الحزام واجربـعّه جربعه في المعمل :o

يالله قوم يافلان وتكلم عن كذا كذا كذا :-
فلان : لق لق لق لق لق لق لق << غلط
قم يافلان 2 : لق لق لق لق لق لق لق < ايضاً غلط

والأستاذ معصب وش ذا غلط غلط غلط ..

قم يافلان ياللي في الزاوية وجاوب
فلان 3 : والله ماعندي شيء .. ماقصرو الإخوان <

وش دعوى جالسين في برنامج انت ووجهك يومك تتفلسف قم اطلع برا
وافتحو كتبكم واقرا يافلان مانتم بوجية يابان وعلم < طيب وشدخلنا انت اللي تقوله :85:

المشكلة اليابان واليابان .. وثلاثة اسابيع على الرسّام

7

هاذي رسمتي هذا الاسبوع , مافية إلا قوة فيسات , وكعبّ الصفر يامكعب ّ .. ودئي يامزيكـا
ياعمي الواحد يشتغل في البيت على الثري دي والفوتو شوب من سنين وانت تقوله رسّام :/

,,

والله من الفايض في السوالف عندي :/
المهم ياسلمان انت معزوم الليلة في إحتفالية فوز الهلال على الاهلي بأذن الله
اترك نصرك (المزعوم ) وتعال وافرح معنا ودعنا نحتسي[s][mark=#170101] الـجعة [/mark][/s] حليب المُـعيز سوياً

تحياتي وأشواقي

[سلمان]

الصراحه انا لست بملحن
او شاعر
او صاحب محل تسجيلات

ولي ثلاث ايام ابحث عن العنوان الانسب

ـــــــــــــــــــــــــــــــــــــــــــ


وداعتك يا مسجلين العناوين

سجل على العنوان

لا وحسافه

حسافه يا الوطن كيف
تربي

واخر شي يطلع ابنائك هلاليه

كيف تعلمهم التربيه الوطنيه

واليوم الثاني

ويرفعون الاعلام الرومانيه

كيف تعلمهم نبذ العنصريه

واليوم الثاني

ينادون با الطائفيه


مسكين يا وطن


لعمري ان اكون من ال 11% الي يقولهم أحمد
خير من اكون ؟؟؟؟؟؟؟؟؟؟؟


دائماً المفكرين والعناصر المفيده في المجتمع ( تكون قله )

وبقية الشعب عليها السلامه



أحمد

شف خلني اشرح لك

مامعنى شعار النصر وسبب اختياره الون الاصفر والازرق

الون الاصفر اطال الله في عمرك لون يرمز الى ارض الجزيره العربيه وطني
ومن مشتقات الون الاصفر الون الذهبي لون الذهب
وايضاً الون الاصفر هو لون الشمس
التي ترمز الى العطاء
اما الون الازرق يا عزيزي في شعار النصر فهو يرمز الى الماء او الخليج العربي والبحر الاحمر

مايستفاد

علمنا النصر ان الوطنيه هي ان احب ارض وطني وان اخلص الى بره وبحره
وان اقدم لبلدي اسماء ايات العطاء وأن اكون كا الشمعه احترق لكي انير للاخرين
وأن اجعل النصر هدفي ومطلبي


عارف بتقول اها بس :85:


وعن صاحبك النصراوي اطال الله في عمرك

بحثت الحقيقه عن لمدة ثلاث ايام

فلما وجدته

قلت خلني اختبر الرجال

وكان معي شعار الهلال

فا حينما حط عينه عليه

انتابته قشعريره وقال

دنيا وبيها أعيش غصباً عني وعنك


فحن قلبي له واخرجت له شعار النصر

فقال لي
أحبك لو تكون حاضــر أحبك لــو تكـون هاجــر
ومهما الهجر يحرمني راح امشي معاك للآخر

فسكت وعلمت ان الرجال منطرب شوي


بس احمد عني سؤال يوم بتقول

حنى لاعبين بكاس العالم بقرار مكتبي ومدري ايش


عندي سؤال

لعبتم انتم طيب في كاس العالم ؟

بتقول لي انلغت البطوله عام 2002 الظاهر ابي اقول لك مشكلتكم موب مشكلتي


وعن قولك لاعبين النصر دجاج وماني عارف ايش

شف حبيبي


انت اتوقع انك تكره النصر ولاعبيه وكل شي لون اصفر مدري ليش:107:

على عكسي انا

انا صراحه عكسك فيه بعض لاعبين الهلال استلطفهم كا الشلهوب وهوساوي والدعيع
وفيه بعض لاعبين الهلال ما اطيق لهم شوف

والزبده الزبده اني اكره الكيان الازرق كا كل لاكن اني اكره الهلال علشان شخص شخصين
لاوسبب كرهي للهلال نظرة الغرور وانهم ينظرون للاخر بنظره دونيه وانهم الصح والباقين حاقدين ومغرضين

والزبده الزبده

ناديكم كخه والنصر اكوس نادي

وبعدين

ها علمني

احتفلت بعد مباراة الاهلي ولا انطقيت

انا الحقيق وقتها بغيت اقول لك احمد مالها داعي تنطرح في احتفالك
لانك بتلقاني اقول في الاهدات كلاسيك العفجه انطرح




وترا الدعوه مزوح والحقيقه انا شطحنا شطحه بعيده عن الموضوع


وعن الكليه يا احمد

شف على بلاطه ان ولد عمك واعرف النفسيات واعرف وش يصلح لك
والمثل يقول الي اكبر منك بيوم اعلم منك بسنه

احمد اسحب ملفك من الكليه
وعليك بشغلة الابا والاجداد العسكريه يا بعدي
مايجي عمرك اربعين سنه الى وانت رقيب وكرشتك قدامك تاخذ جوله لحالها


وبس

ايه صح

احمد لاتنسى ترسل لي دفاترك وكتبك علشان اوقع عليها ممكن تحمس مع الدراسه لاوقعت لك على دروسك

[ç£àSsْIç]

صاحب محل تسجيلات

احسه يكتب الرد وهو يوزن بعود

وسجـل عندك .

يـوم أقــبل [mark=#002bff]حبيـبي [/mark].. قـلت[mark=#0000ff] يـاشمس [/mark]غـيبي ~ ~ انورت دنـيتي

[mark=#3300ff]

وآآآه يـاهو قــهر .. مـالي غـير ~~ الـنظـر :(

[/mark]

..

ينادون با الطائفيه

لطفك ياالله ! .. سلمان يدافع عن الشيعة .. يارباااااااااه :(

..

الون الاصفر الون الذهبي لون الذهب

سلمان قل فـالصو .. شمـّام

اي شيء بس لاتجيب طاري الذهب الله يرحم والديك
لان آخر شخص في العالم ممكن يتكلم عن الذهب هو النصراوي

أدري انك كتبت هالجملة مجازاً ..
وانك كتبتها وانت متلطـم ومغمض عيونك من الخجل
لكنك اخطئت ونجد لك العذر .. وجل من لايخطىء

..

انت اتوقع انك تكره النصر ولاعبيه وكل شي لون اصفر مدري ليش

الحمدلله شخصياً اسوي إعادة تهيئة للنفسية قبل النوم عشان اقوم مروقّ .
عشان كذا ماعندي مشاكل مع احد .. ولا اكره احد ,

وفي الكوره انا احب الهـلال فقط ,
وعلى قولة محمد الكثيري الله يوسع في مدخله ويسكنة فسيح جناتة :(
" تعلمت وأنا أحبو أن أكون هلالياً، فالهلال لي اليوم، ولأولادي غداً ولأحفادي في المستقبل.
الهلال هو عجين أمي وقصيدة أبي، الهلال يمثل لي عشقا وولهاً وهذا هو الفرق بين الهلاليين وغيرهم، هم يشجعون، ونحن نحب "

..

احتفلت بعد مباراة الاهلي ولا انطقيت

ايوالله احتفلت كالعادة .. ويالله لاتغير علينا .. هالنعمة اللي في ايدينا ,
بس ماتلاحظ اني من قبل بداية المباراة دعوتك للإحتفال ؟

هاذي هي الثقة .. وهذا هو الهلال .. إتحداك تجيب لي نصراوي يتفأل بالفوز قبل المباراة حتى ولو كانت مع الوحدة !
لان الشخصية النصراوية . مهزوزه . مظطربـة لاتعرف الهدوء والثقة !

..

بالنسبة لسحب الملف والعسكرية ..
فال الله ولا فالك .. ووش تطلبنا ياسلمان
العسكري >> مسحوب جوازه
العسكري >> لايبيع ويشتري , وإذا جاء يفتح محل يفتح بسم زوجتة

العسكري ...
تدري وشلون خلنا ساكتين .. وبلاش من التغلغل في العمق أحتراماً للعسكر الموجودين معنا

المهم الواحد لازم تكون نظرتة للأفضل ويحط له هدف مميز ويسعى لتحقيقة .
ومافيه شيء صعب .. كل مافي المسئلة " شد حيلك " .. والفيل إذا شـد حيله يطـير !

والله يسعدكم كلبوكم دونيا واخره

جـزآك الله خير ,

..

وبالتوفيق للجميع
وفرصة سعيده

ç£àSsْIç< ماشاء الله عليك انت يلي نكك كذا ما ادري وش اسمه
انت الظاهر لو تكتب عشرين الف صفحه ماعندك مشكله ..
اشوفك لو واحد قالك سلام عليكم
رديت عليه رد طووووووووووووووووووووووووووووووويل

شكلك تحب الفلسفه