لقيت في صدرك مواطي قدم لص

[ظافر العتيبي]

آخر ما جادت به القريحه لعله يحوز على اليسير من رضاكم
[poem=font="Simplified Arabic,5,purple,bold,normal" bkcolor="transparent" bkimage="backgrounds/11.gif" border="double,7,indigo" type=1 line=0 align=center use=sp num="0,black"]
جيت الطبيب اللي على الصدر مختص=اباه يعمل لي على الصدر تشخيص
ثم حط سماعه على الصدر قال اص=اسمع لي بصدرك حساس ووصاويص
نبي نسوي لك اشاعه ونفحص=ونمحص اللي داخل الصدر تمحيص
سوى الاشاعه قال ياصاحبي بص=لا يدخل بصدرك احد دون ترخيص
لقيت في صدرك مواطي قدم لص=والقلب مقصوص من الصدر تقصيص
وانته عن اللي سارقٍ قلبك ابخص=قلت ايه داري به وعن وضعه ابخيص
هذاك ما يرخص لو الناس ترخص=وانا بعد عنده ترى ماني رخيص
بيني وبينه قلبي النص بالنص=لا والله الا كله بدون تنقيص
يرص ويوزع واقول امش ما اقص= مافيه تكويشٍ ولا فيه تخبيص
مادام هذي علتي ياطبيب اص= ماني بفي حاجة علاجٍ وتشخيص[/poem]