العودة   منتديات عتيبه > الأقسام الشعرية والأدبية > منتدى الشعر الشعبي المنقول

منتدى الشعر الشعبي المنقول لطرح الشعر الشعبي المنقول والمساجلات الشعرية

إضافة رد
كاتب الموضوع (فارس نجد) مشاركات 3 المشاهدات 1147  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
قديم 03-19-2008, 02:07 PM   #1
معلومات العضو
عضو جديد

الصورة الرمزية (فارس نجد)
رقم العضوية : 12722
تاريخ التسجيل: Mar 2008
مجموع المشاركات : 13
قوة التقييم : 0
(فارس نجد) is on a distinguished road
من افضل المساجلات بين الشعار الشاعر سعد سعيد نوار الملحي السبيعي ودسمان السبيعي

[poem=font="Simplified Arabic,6,black,bold,normal" bkcolor="transparent" bkimage="" border="groove,7,red" type=0 line=0 align=center use=ex num="0,black"]

الشاعر سعد بن سعيد الملحي السبيعي يقول=

يا هل الركايب موميات السفايف=الهن ثلاث سنين وبطونهن حيل
الهن زمان يلقطن الحوايف=وشرابهن عقب الضمى جاري السيل
من عجلهن وريلهن بالعدايف=كنهن على قطع الفيافي مغاليل
امدربات وكلبوهن عسايف=بنات مفجوج النحر وابتر الذيل
لازرفلن جاء لرواسي وحايف=مع الرمل ولا الحزوم المصاقيل
احمولهن وحمول أهلهن خفايف=حاسنيهن لاجل السفر والغرابيل
ماحملوهن بالحمول الكلايف=غير الاشدة والرسن والمعاميل
سود المدامع ولأذاني شرايف=وكنهن من الزيله لاقفن مجافيل
كنه وبرهن مثل وصف القطايف=وخشومهن كنها صبغ فوقها نيل
مدامني طايح وحالي مهايف=تكفون شيلوني على اردوفهن شيل
وتنحرو بيتٍ على البعد نايف=بيتٍ ينادي بالشحم للمشاكيل
تلقون في بيته جميع الكلايف=فيه الشحم والطيب والبن والهيل
ثم نزلوني وأزهموا يابن هايف=ثم قولو اني طحت وانهرت بالحيل
ولاعاد يلحكم ملام وحسايف=البيض فال وجيهكم يا مراسيل
أعوام اقضيها طريح الوطايف=صبرت صبراً هدني واتعب الحيل
واليوم من وقتي ودنياي عايف=شربت كاس الموت خمسة فناجيل
أكتم ونيني والعباير ذرايف=أغرقت جيبي وأغرقاً المناديل
وأنا سبب جرحي عديم الوصايف=أسقاني الموت الحمر والبهاذيل
يحكم علي حكمٍ مثل حكم نايف=اليا حكم حكمٍ بعيد من الميل
ماهوب ياويلي ولاهوب رايف=ولاله علي حجه ولاله دواليل
العود زملوقٍ من الوسم زايف=والخد برق لاح في ظلمه الليل
ياحض من يجمع قلوب الولايف=ترجح موازينه نهار المكاييل
ومن عاد بزهم غيركم يابن هايف=عورٍ عليكم طيحتي يارياجيل
والفرق ماهو في الرتب والوظايف=الفرق في روس الرجال الحلاحيل
وانته من اللي يتعبون الرهايف=لاد الحميدي لااعتلت عجت الخيل
أفعالهم مثل الجبال النوايف=تاريخهم معروف جيل بعد جيل
ألحق عليه قبل طوف الطوايف=وإلا أحسبوني من حساب المهابيل
والا قولوا يالله عليك الخلايف=تعوضوا في بالليالي المقابيل
ولاصار ماجبت القضى والنصايف=ويش عاد عذرك يارفيع المنازيل
والله لاقول ذل وتردى وخايف=ولاعاد به فوق البسيطه رياجيل



ورد الشاعر دسمان مناحي السبيعي يقول=


حضرت فكري والقلم والصحايف=يوم المشاعر شوقتها التماثيل
شردٍ تعلن فوق روس الشعايف=ما صخروهن ناقلين المفاتيل
مقيالهن في عاليات الطنايف=مايردن الا قراح الشهاليل
الهن طويلات الشغايا مصايف=والهن عسيرات المراقي محاويل
ساعة صفقت إلهن نصني عطايف=واليوم اسجلهن على الطرس تسجيل
وخلاف ذا ياراكبينٍ وجايف=عوص النجايب مقفيات مقابيل
مع صحصح البيداء تبارى صفايف=هوجٍ هجاهيجٍ هجاجٍ جهاجيل
فجٍ مهاضيعٍ ضمارٍ ضفايف=جردٍ مقاويسٍ نشاشٍ مخاليل
قطم الفخوذ الموميات الحذايف=شيب المحاقب قاطعات الدهاكيل
بيض اللواحي زاهيات الشنايف=ورقابهن مثل المطارق ذواحيل
عوصٍ مضاريسٍ خفاف نحايف=مع مشيهن اتقول يعزف مواويل
لاجاء لغزلان الاشدة صرايف=ثنوا يدين المسرفات الهواذيل
عند الذي يشكي علينا العجايف=من لوعه الفرقا دموعه زعاجيل
اصخى لنا بأبيات شعرٍ طرايف=نوادرٍ ماهيب تحتاج تأويل
وأثنا علينا في بيوت نضايف=ألذ وأحلى من حليب المباهيل
شقحٍ رعن زملوق عشب اللغايف=يرعونهن عوج العصي بالدرابيل
رد الثناء واجب وتركه سلايف=وأنا بمدح أهل الوفاء شره وبخيل
يابن نوار العمر عندك تلايف=ومن طيب ذاتك ما تصر المحاصيل
من روس ربعٍ ضربهم فالنعايف=أولاد مالح مبعدين المصاويل
تشكي غرام معسلات الشفايف=سود المحاجر لابسات الخلاخيل
يم الرياض وصاحبك فالذلايف= امشوعٍ له في حراضه مداهيل
فالقيض ينزل في علو الحتايف=وإن جاء الربيع من الطرف لا الغراميل
وأنا معك بالمذهبات الصلايف=أحوف وارمي واتخطى المحابيل
اما نجيب جريو قلبك نكايف=والا نروح وقيل روحة هل الفيل
إللي غزوا يبغون هدم السقايف=وأرسل عليهم ربنا طير ابابيل
لكن حنا غزونا له هدايف=ما قصدنا هدماً ولاكيد تضليل
غزو نبي سيد البني سيد العفايف=طرح الشبك راع الرموش المضاليل
إلا إنها بالمال جبنا لفايف=شهبٍ زهن من صورة العود تجميل
والجاه وعلومٍ ماهيب الزهايف= ومسايس الغصن العوج بالتماهيل
فإن كان حضك عن عشيرك مسايف= مافي يد المخلوق قوه ولاحيل[/poem]

التوقيع : (فارس نجد)
لنا سيفاً صقيل فالملاقا والخطر مــاهـــاب

مضرينه على شيل الجماجم من حناجرها

(سبيع الغلبا)

الشاعر/سعد بن سعيد بن نوار الملحي السبيعي

سعيد محمد السبيعي
(رنــــيـــــه)
(فارس نجد) غير متواجد حالياً   رد مع اقتباس
قديم 03-21-2008, 09:51 PM   #2
معلومات العضو
عــمـــر
عضو مميز

رقم العضوية : 6947
تاريخ التسجيل: Mar 2007
مجموع المشاركات : 5,545
الإقامة : الــكــويــت
قوة التقييم : 29
عــمـــر is on a distinguished road

[align=center]يعطيك العافيه

على نقل القصيدتين , وصح السان شعارها

ولاهنت[/align]

عــمـــر غير متواجد حالياً   رد مع اقتباس
قديم 03-21-2008, 10:05 PM   #3
معلومات العضو
بوح الخاطر
عضو مميز

الصورة الرمزية بوح الخاطر
رقم العضوية : 11813
تاريخ التسجيل: Dec 2007
مجموع المشاركات : 6,235
قوة التقييم : 30
بوح الخاطر has a spectacular aura aboutبوح الخاطر has a spectacular aura about

صح الله منطوووق الشاااعرين ولا تهووون أخووي .. ويعطيك العافيه عالنقل ..

التوقيع : بوح الخاطر
بوح الخاطر غير متواجد حالياً   رد مع اقتباس
قديم 03-22-2008, 12:11 AM   #4
معلومات العضو
(فارس نجد)
عضو جديد

الصورة الرمزية (فارس نجد)
رقم العضوية : 12722
تاريخ التسجيل: Mar 2008
مجموع المشاركات : 13
قوة التقييم : 0
(فارس نجد) is on a distinguished road

الله يعافيكم

(فارس نجد) غير متواجد حالياً   رد مع اقتباس
إضافة رد

العلامات المرجعية


أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع




Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها