لياضاق صدري

[جهز الهرس]

لياضاق صدري ما تضيق علي ادروب
...............................نصيت الفجوج اللي وساع ٍمناكبها
على فاكس لندكروزهوغايت المطلوب
................................من البازعي لوحاته اللي مركـبها
يكفي ليا شفته عن الاكل والمشروب
.................................ولا اظن غيره شي للعين يعجبها
على بصمت السواق تشغيلته بسلوب
.............................تقول اشتغاله راعي فلوس يحسبها
واله شاشة ٍ تخبرك من كل حدب وصوب
................................خبرها على البرهان محد ٍ يكذبها
تعلمك وين الشرق والغرب والجنوب
...............................ضمنها خبير ٍ محترم عقب جـربها
خبير ٍ من اليابان بصناعته موهوب
..............................ليا راق مخه عقب ماكان معـطبها
شريته على وقت الغلا من وكيل اجيوب
..................................وكيل ٍ يحاول سمعته مايخـربها
على اخرمديله ماذكربه ولاعذروب
...............................صعيب ٍ على ناس ٍ تفتل شواربها
يبونه لكن السعرهوعيبه المحسوب
...............................غلا قيمته بعض الرياجيل يتعـبها
يازينه ليامنه مشا صبح والللا غروب
......................سرى الليل عقب الشمس غابت بمغربها
ليادق سلفه واستدارالكفروالهوب
.................................زوياه تسمع للهوى يوم يعقبها
مع الخط الاسود يطوي البعد طي الثوب
...........................على قو مشيه سرعته ما تحس بها
يطوف المواتر كلها نوب واللانوب
...............................يهدي لياجا المرصد اللي يراقبها
ليازان مشيه ثم غنيت با المسحوب
............................تجيني بيوت الشعرواخذ من اطيبها

جهزمسيميرالهرس