يالله أنك لاتعيد العسكرية

[الأمير الفارس]

هذة قصة وقصيدة للشاعر :/عوض العطشان الشلوي من اشهر شعراء قبيلة الشلاوي وقال في هذة

القصيدة قبل حوالى سبعين سنة حينما انظم في السلك العسكري وحيث انة يروي ليس متعود

على ان يأمرة احد فقرر ان يفصل وقال هذة الابيات والذي اسمع بعض الناس يرددها عن طرق

الخطاء دون ان يعرفون من قائلها


اليكم القصيده كامله......



[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياللة انك لاتعود العسكرية = والزمان اللى علي البدلة حداني

لبسوني لبس ماهيب لية = درعوني باللبوس المشبهاني

دربوني مثل تدريب المطية = والصعب منا يعود مــطــوعاني

العريف المستلم طبق علية والخفارة طولت والنوم جانــــي

ياللة انك لاتحملنا زرية = حيث حنا للمعاصي ماندانـــــــــــي

ياوجودي وجود حمرعيد هية = ساقطامنهاالحقب والبـــطاني

فوقها قرماًبباكوراً قوية = من وارء العارض يبا دارشــــــــهراني

قطر القرابةوقدم قيهمية = مع زوال الظهر يوم الشوف دانـــي

هسها العرقوب والديرة ردية = لين دم الجوف بالذرعان حانــي

او وجودة وجد عرباًفوق طية = في لهيب القيض معطيتن ثماني

هملن اعيالهن بارض خلية = واصبح اعيـــــــــــالهن ذيهبانــي

لين جن البير ليهي جاهلية = ماعليها لاورود ولا محــــــــــاني

بركن بشمس تصهرهن شوية = كل منهن كنة الخرص العماني

لوبغيت ادلة طرا الطاري علية = واستحس القلب والهاجوس جاني

يوم اشوف الدين مرتجد علية = والظهر عريان والجوع يحداني

طالباً رزق تحطة في يــدية = ماعلى بابة شريف ولاهداني[/poem]

وبعد ماسمعت قصيدتة الشمرية وهي من بنات شمر واعجبت بهذة القصيدة وردت علية وقالت .....

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وسع الملعب لقاف الشمرية = وسعة للحق انا بطلق عنانــــــــــي

خلني لاتحط قيدك في يدية = ولعت الفاظ شعري والمعانــــــــــــــي

جمرةٍ كتمانه صعبٍ علية = كل شاعر لكتم شعرة يعانــــــــــــــــــــــي

يشتعل من شان يستهدي بضية = كل طرقي في دروب الليل عاني

هزني شاعراً سمعتة في عشية = عسكري يشتكي مر الزمانـــي

قال ربي لاتعاود العسكرية = والزمان اللى على البدلة حدانــــــــي

قلت اكيد الرجل واقع في بلية = اومصيبة صكتة بين المحانــــــــــــــي

قال وشهو دربوني كالمطية = واتضح مقصود شعرة وبانــــــــــــــي

طارقلبي واثري الدعوى كذية = ماقول الا يادنة دان دانـــــــــــي

استلمها جاتك نصح اخت لخية = ولا ابي من وقتك الا لي ثواني

قم وصلي واردع النفس الشقية = واحمد اللى يرتجيةانس وجان

الله اللي مدلك رزق وعطية = حرك بحمدة يدينك واللسانــــــــي

لاتشتكي اشهد ان العسكرية = غصن رزق وارف رطب ودانـــــي

كم بيت من وراها شب ضية = يعرفون اللحم دايم بالصوانـــــــي

كم راسب في الفصول المدرسية = مالقى في غيرهارزق ومكاني

جندي وراتبة خمس وكم مية = نعمت مايجحدها كودالجبانــــي

اضربو للعسكري احلى تحية = لوة جندي اشهد انة راعي شاني

حي عينة لغفلت عين البرية = اسهرة لجل الوطن حب وتفاني

اللي لا صحنا رمى روحة هدية = يوم غيرة من غلا روحة اناني

لاتلومني بحب العسكرية = لو اغني دهر حبة ماكفانـــــــــــي

خيرها طوق بعد ربي يدية = رزق ابوي وشغل اخوي بهالزماني

وانا بنت لاجحود ولاغبية = واحمد اللي بالرضاء دايم كسانــــــي

عند هذا البيت وقفت المطية = واكتمل ردي عسى المقصود باني[/poem]

منقول