(خالد الحميداني المطيري يوضح سبب إستبعادهـ)

[زيـاد الدعجـاني]

[align=center]بسّم الله الرَحمن الرحِيم

اولاً اتقدم بالشكر والتقدير لجميع من ساندني ودعمني وقدم لي المشوره وتابع كل تحركاتي كبيرها وصغيرها ويعلم الله انني لا أستغرب هذا الإهتمام من ابناء عمومتي سواء القريبين مني او ابناء قبيلة مطير ومن ابناء وطني المملكه العربيه السعوديه وهذا الفضل سأحفظه ماحييت .

وأحب وعبر منتدى الصمان ان أدلي بهذا التصريح الإعلامي حول ملابسات القرار الذي بموجبه استبعدت من المشاركه في الحلقه الثالثه من برنامج شاعر المليون في نسختها الثانيه والتي كانت مقرره هذا اليوم الثلاثاء الموافق 29/12/1428هــ .

أحب أوضح لكم انه كان هناك بروفه لنا نحن الشعراء كانت يوم امس الاثنين الموافق 28/12/1428 وكنت مؤكد الحجز من الرياض الى ابوظبي وفي الليله التي قبلها الم بي عارض صحي مفاجيء ودخلت على اثره المستشفى وطافت الطائره ثم قمت بتأكيد الحجز على الرحله الاخرى من عصر نفس اليوم واتصلت على الاخ عبدالله المصعبي منسق الحجوزات للشعراء وابلغته ماحصل لي بالضبط وقال مافيه اي مشكله ثم كلمني الاخ سالم المزروعي بعد ذلك بقليل وقال يؤسفني انه تم استبعادك بقرار من الاداره وحاولت التفاهم معه وان هناك عذر مبرر ومثبت ولكن دون جدوى .
وان المليون والبيرق بالنسبه لي هي قبيلتي والبرنامج يضيف للشاعر ولايصنعه وهذه تحيه خاصه لابناء قبيلتي اللذين اشعروني بأهتمامهم


وهذه قصيدتي التي كنت سأشارك بها..

[poem=font="Traditional Arabic,6,sienna,normal,normal" bkcolor="transparent" bkimage="backgrounds/15.gif" border="double,4,darkred" type=2 line=0 align=center use=ex num="0,black"]
اخيل الكواكـب بالمـدار تسيـر=ولله كــل الامــر والتدبـيـر
تاخذني افكاري وتصحي مواجعي=وادور طبيـبٍ بالعـلاج خبـيـر
حكيـمٍ بتدبيـره عليـمٍ بواجبـه=يقرأ الحدث قبل الامـور تصيـر
لجة هواجيسي وهاضت مشاعري=غدى لهـا بيـن الظلـوع نفيـر
ماكل قولٍ يطرب اللـي يسمعـه=ولاكل من يسمـع معـه تفكيـر
لو حلل العـراف كلمـة شاعـر=ماتكسر السلعـه مـن التسعيـر
بديت المعاني في جزيلٍ من الوفاء=ود وفخر في صفحـة التحريـر
ابن العرب والمملكـه هـي داري=رمز السلام اللـي علمهـا غيـر
دارٍ معـزي عزهـا واسسـهـا=على العـدل بالصـارم الشطيـر
مطفي مشاعيل الجهالـه والفتـن=مشعـل قناديـل الهـدى تنويـر
واصبح وطن في قلب كل سعودي=به يلتقـي درب الامـن والخيـر
لي الشرف اني من ابناء شعبـه=وارض العرب هي بيتي الكبيـر
واللي يصير من العـراق لغـزه=فـي انعكاساتـه لهـا تأثـيـر
من واقـعٍ فيـه انكسـار الامـه=كسرٍ معه كـم يصعـب التجبيـر
بالعقل لامنـك سبـرت اغـواره=كنـه تـراه بمجهـر التكبـيـر
اوضاعنا تفرض علينـا الوحـده=حنـا بحاجـة صحـوة الضميـر
امـانـا بالله ثــم بـالـقـاده=وضروفنـا ماتحتمـل تأخـيـر
تملـي فرقتنـا ووحـدة غيرنـا=وايماننـا فـي وحـدة المصيـر
تنـازع الامـه يهـدم مجـدهـا=من التكاتـف ينهـض التطويـر
تبدي لنا شمس السلام وتشـرق=تجلي ضلام العنـف والتهجيـر
اذا اجتمعنـا واتحـد مفهمـونـا=يجـي لنـا بيـن الامـم تقديـر
يبقى الامل حلـمٍ نحـب نعيشـه=يطرب عليـه السمـع والنظيـر
والشعر غصنن كل مامال بالحشا=غنـا ولاغنـا علـيـه الطـيـر [/poem][/align]