منتدى أخبـــار الشعــر والشــعراء (يختص بأخبار الشعر والشعراء ..والمسابقات الشعريه..ومقابلات الشعراء)

إضافة رد
كاتب الموضوع خيّال الهيلا مشاركات 41 المشاهدات 23243  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
قديم 10-12-2009, 02:09 PM   #31
معلومات العضو
ابـن روق
عضو جديد

الصورة الرمزية ابـن روق
رقم العضوية : 18450
تاريخ التسجيل: Sep 2009
مجموع المشاركات : 12
قوة التقييم : 0
ابـن روق is on a distinguished road

الشـاعر والفارس
فيحان بن ثمر الرقاص الحافي العتيبي

من امراء الحفاه

توفي الشاعر فيحان بن ثمر الرقاص الحافي العتيبي سنة 1350 هـ
تقريبا ً عندما خرج من سجن الاحساء وقد كسرت رجله في أحد المعارك
اللتي جرت بين قبيلة الحفاه وأحد القبايل المعاديه لهم في ذلك الوقت .
وكان هذا بالقرب من مدينة الشعراء وقد طلبوه آل مسعود أهالي الشعراء بأن يبقى
عندهم حتى يجبر كسره . فوافقوا جماعته الحفاه على ذلك في بادي الامر لكون السـّعو
عندهم في ذلك الوقت هو الهجن فقط وهذا مما يأثر على نقله فبقي عند آل مسعود مكرما ً
معززّا ً ولكنه طوّل في المده دون أن يجبر كسره . وبعث بهذه القصيده إلى جماعته الحفاه
وعندما جاءتهم القصيده وسمعوها حرّكت مشاعرهم فما منهم إلاّ أرسلوا أربع من الهجن وعليها
ثمانيه من خيار رجال القبيله إلى الشعراء فطلبوا من معازيب فيحان أن يسمحوا لهم
بنقله إلى ديرته ونقلوه بعد ذلك في ناقله تشبه لنعش الميّت على أكتافهم حيث ينقله اربعه
وأربعه راكبين على الهجن فاذا تعبوا اللذين ينقلونه نزل اللذين على الهجن وقاموا بحمله.
استمروا على هذه الحاله حتى وصلوا الى اهلهم اللذين كانوا نازلين على الاشعريه



يـقـول حافـيّـاً مـولّـع ومــولاع
جايّـه مـن الدنيـا همـوم وغرابيـل
منه الضميـر وواهـج القلـب يـلاّع
كمـا يلـوع الشعـف لـدن السنابيـل
ياراكب اربع ربع مـن عقـب مربـاع
شعـل شمعليّـات رمـل ٍ مرامـيـل
فج ّ ٍ مناكبهـن علـن لمـس الأقـواع
يعـرج بهـن إليـا عطـن ّ المداهيـل
خضـع الرقـاب ومشيهـن بالتخـوّاع
قطـم الفخـوذ لحومهـنّـه معـازيـل
عصو عصاو وبالعصا عصو وأطـواع
ومربعـات ٍ فـي سجـا كلّهـن حيـل
مافوقهـن الا الجـواعـد والانـطـاع
وعيـال فـي دوج الغـداري دواليـل
مسراحهن من ديـرة المـد والصـاع
دار بخيلـه ميـر أهلـهـا مشاكـيـل
إلهـن صـلاة الصبـح بغثـاه منشـاع
منشـاع مرميّـات خطـو المغـازيـل
والدرب من بيـن العرايـس ليـا تـاع
والعصـر يـم الخنفسـيّـه مخالـيـل
انصو فريدة شعر من حيـث الاسنـاع
وماجذبكـم شـوف مــد الدرابـيـل
لازم يطالعكـم مـع اللـيـل لـمّـاع
نـارا ً يقـرّب جمـرهـا للمعامـيـل
اول شببكـم خمـس طبخـات ٍ اتبـاع
بـريّـة ٍ مـابـهّـرت بالزبنـجـيـل
وبيـت ٍ يشيّـد يـوم حلّـو بالاسـراع
بيـت ٍ لشـرّاب الحشايـش مداهـيـل
ونجـر ٍ يلجلـج والمخاليـق هـجّـاع
تلقـى رويمـي يقرعـه تالـي الليـل
ومجـالـس ٍ ماقطّـعـت بالتلـمّـاع
من جاء محيّا ً بـه ومـن راح ماسيـل
في ضف ابو نايف حمى قاصر البـاع
يـوم الخفـاف يجانبـون الزمامـيـل
يلوذبـه مـن كـان ميّـس ومـرتـاع
لـن رفّعـوا لقطيّـهـن المساحـيـل
ولا الغفيلـي بسلّـة الهـنـد قـطّـاع
سيف ٍ مصقّل مـن خيـار المصاقيـل
حـوّاف للاعـداء وفـارس وقـطّـاع
وحـزام بالكربـه وبالصبـر حلحيـل
وبن خنيصر في ضحى الكـون بيّـاع
يهـوي عليهـم مثـل طيـر النبابيـل
وغيره ليـا شـاف المساييـر شـوّاع
ويفّرق اللـي يلزمـه مـن محاصيـل
ماهـو معيثـيـر ٍ خبـيـل ٍ وقـبّـاع
وإن جاك في وسط المجالس ليـا فيـل
وفيهم ترى ابن التوم للهجـن مـزواع
ربعي ذوي ربعـي كـرام ومشاكيـل
إرجـال عــرف ٍ وللـديـن تـبّـاع
وعيّـات لغصـون البلنـزي نواتـيـل
إمخضبّـه بايمانهـم كــل مـسـواع
للريـم فــوق أرقابهـنّـه عرابـيـل
غازي وضيف الله على كـل الانـواع
ربع ٍ علـى كثـر الخسـاره مراحيـل
ومعجب عشير إمخوتمت عشر الأصباع
وابو سنـد خصّـوه ذيـب الرياجيـل
ثم انصوا اللي رفقتـه تبـر الاوجـاع
برجس سعد قلبـي ليـا ضـدّه الشيـل
ومن عقب برجس درّجوا لاخو هـزّاع
فازع حديـد الهنـد عطـب المواشيـل
وباق العرب صدقان لكـن إلـي نـاع
ماكـل ّ ٍ اتعبلـه أركـان ومراسـيـل
مايبهج الضميـان ضحضاحـة القـاع
ولايبـرد الحـسّـات زود التعالـيـل
ولاواحـد ٍ جـايـز بلـيّـا تمـتّـاع
ولاوداي ٍ يخضـر جنابـه بـلا سيـل

ــــــــــــــــــــــــــــ****ــــــــــــــــــ ــــ
كان من اخوي ابن جلوي في الاحساء،وقد قام بإخراج أحد آل مره من السجن بعدما نخاه ،وعندما علم ابن جلوي قام بسجنه معاقبتاً له ، وبعد ذلك أطلقه ثم اشترى له ذلول وعاد لقبيلته وفي الطريق اخذ يتوجد على دياره وانشد يقول قصيده منها :





واهنّي من زرفلت به بكرةٍ حره
معطي مزاليج والا معطٍ الجودي
ابعد عن الهاجري وقفا عن المره
لا كان ما جاء من الاجواد منقودي
ربعي عتيبه من العارض اليا الحره
سقم المعادي لا جاك العلم مردودي
والعلم الاخر ليا عقبوا على الجره
والسبر جاهم من اللي قدم مطرودي
صاح المصيح وركبوا كل حزبرّه
ثم ثار عج الرمك وازداد بارودي
هذي طريحه تزر الدم وتثرّه
وهذي قلاعه والاخرى تصقل العودي
ان جا نهارٍ جباله منه محمرّه
والشيخ ينخى هل العادات بفلودي
لعيون من حبنا واللي لحق شرّه
فعلٍ يداوي كبود ويجرح كبودي


ـــــــــــــــــــــــ****ــــــــــــــــــــــ
ويقول فيحان وقد كسرت رجله في احدى المعارك سنة 1330هـ فنقل ( الشعراء ) كسيرا , وفيها جبرت رجله واقام فيها فتره طويله
حتى برئت رجله , وقد احتفى به اهل الشعراء واكرموه مدة اقامته فيها ضيفا على اميرهم ابن مسعود


يقول الحافي مولع ومولاع = لاعه من الدنيا تعوس وغرابيل
منه اليقين وخزنة القلب تنلاع = كما يلوع الشعف لدن السنابيل
ومصونعه من ضيفة الصدر صوناع = صوناع قيل وقال من يبدع القيل
ياراكب اربع ربع من عقب مرباع = اربع سنين مربعات وهن حيل
عوص عصا ومع العصا عوص واطواع = شعل شمعليات حيل مراميل
فج مناكبهن عن حس الاكواع = يعرج بهن اليا عطن الدواهيل
ابـن روق غير متواجد حالياً   رد مع اقتباس
قديم 04-25-2010, 05:16 PM   #32
معلومات العضو
ابن مجيديع
عضو جديد

رقم العضوية : 21015
تاريخ التسجيل: Apr 2010
مجموع المشاركات : 9
قوة التقييم : 0
ابن مجيديع is on a distinguished road

مشكور على الموضوع الي طرحته
تحياتي ابن مجيديع

ابن مجيديع غير متواجد حالياً   رد مع اقتباس
قديم 05-16-2010, 01:23 PM   #33
معلومات العضو
سعد بن نويشي
عضو نشيط

الصورة الرمزية سعد بن نويشي
رقم العضوية : 12773
تاريخ التسجيل: Mar 2008
مجموع المشاركات : 159
قوة التقييم : 17
سعد بن نويشي is on a distinguished road

[marq="3;right;3;scroll"]لك الشكر والتقدير ياخيال عتييبه وتقبل تحياتي فكرة رائعه ونتمى لك التوفيق
أخوك ســـــــعد بن نويشي[/marq]

سعد بن نويشي غير متواجد حالياً   رد مع اقتباس
قديم 05-16-2010, 02:05 PM   #34
معلومات العضو
حفيد الشيوخ
عضو جديد

رقم العضوية : 13563
تاريخ التسجيل: Jun 2008
مجموع المشاركات : 24
قوة التقييم : 0
حفيد الشيوخ is on a distinguished road

اشكر صاحب الفكره شكرا جزيلا

على هذا الموضوع الراااائع
وانا حبيت اذكر اسم شاعر كبير ولو بنكتب عنه لانستطيع ان نوفيه حقه

ونظرا لضيق الوقت لدي اكتفي بذكر اسمه وان شاء الله ان احدكم يتبرع بكتابة سيرته الذاتيه والشعريه الجميله

انه الشاعر
عبدالرحمن العطاوي

شاعر هوازن

ولكم احترامي

حفيد الشيوخ غير متواجد حالياً   رد مع اقتباس
قديم 02-25-2011, 02:57 PM   #35
معلومات العضو
بنت فواز
عضو جديد

رقم العضوية : 22685
تاريخ التسجيل: Feb 2011
مجموع المشاركات : 13
قوة التقييم : 0
بنت فواز is on a distinguished road

ابحث عن الاعلامي عبدالرحمن العتيبي
اين اجده تكفون وهو اللذي كان قبل ال5سنوات يعمل في مجلة ليلة خميس

بنت فواز غير متواجد حالياً   رد مع اقتباس
قديم 05-16-2011, 02:25 AM   #36
معلومات العضو
كحيلاان
عضو جديد

رقم العضوية : 23097
تاريخ التسجيل: May 2011
مجموع المشاركات : 11
قوة التقييم : 0
كحيلاان is on a distinguished road

موضوع يستحق المتابعه وفكره اكثر من رائعه ولكن يوجد اسماء اتمنى ان اجد نبذه عنها وهي كثير

كحيلاان غير متواجد حالياً   رد مع اقتباس
قديم 05-21-2011, 07:18 AM   #37
معلومات العضو
أبحرت في عيونك
عضو مميز

رقم العضوية : 22989
تاريخ التسجيل: Apr 2011
مجموع المشاركات : 559
قوة التقييم : 14
أبحرت في عيونك is on a distinguished road

الشاعر والبواردي.(عوده بن رده الشرطي الثبيتي رحمه الله)

من خامس الشروط من القساوره من اللصه من الثبته .

وقد عاش في الفترة مابين عام 1280هـ الي عام 1340هـ

( هذا حسب ما أرجحه انا ) من خلال الاحداث التي اشار اليها في

بعض قصائده ..............

و قدتميز شعره بالقوه والجزاله وقد طرق هذا الشاعر العلم

اغلب أغراض الشعر واجاد فيها وخاصةً قصائده الحماسيه

التي يتضح من خلالها قوة اعتزازه وفخره بقبيلته

وهم أهل لذلك ولا شك .....



يقول الشاعر عوده بن رده الثبيتي.مفتخرً بقبيلت ثبيت.

يانديبي فوق حر مايبا الراكب يسوقه
من ركاب اهل الحسا مدري ركاب اهل الشمالي
يوم يبديلك قمر عشرين مع طلعه شفوقه
وانت سارح من طرف شوقب بعد قهوه وفــــالي
واطها درب الفراع وزل مـــاها لاتذوقه
لين ماتشرب يقع من مــــــا علي جــــــم زلالي
ثم خصه عزوتي كم وادي ترعى شفوقه
مركز الطــــــالات والعلم الجميل اول وتــــــالي
نزلهم تلقاه من قاعه قضين اليا وسوقه
ينطــــــحونك بالفـــــراش وبالصفــــاط وبالدلالي
والسمين الي صحنها كن ثوب الشاش فوقه
ما توانو في وجوب الضيف يوم الســــعر غا لي
كم صبي فا اللقى حنا تسابيبه وعـــــوقه
نفتله فــتل الحــديــد وننقضه نقض الحبالــــي
ودي اوصيك ياعواض بالهرج ونطوقه
تنقده نـــقد الذهــــــب قدام تنقدك الرجـــــــالي
المره لا تطلع في سدك الخـــافي تبوقه
ما عليها منك وهي اعن الفضيحه ما تسالي
لعنبوا من يامن الانثى نضرها من عشوقه
صبح تمرح لك صبى الليل تمــرح لك عوالي

....................................

وقصيده اخرى لشاعر عوده الثبيتي رحمة الله عليه في أحد معارك الثبته.



يالله اليوم يالي ترتجيك العبادي
ياكريم الرجا الي مالنا غير جوده
سدنا في بلدنا عن خباث المرادي
كل ماجيت مع وادي تضابح قروده
كل واحد يقول البير لي والبلادي
ماهل ماعرفنا صادره من وروده
هاضني يوم سيرنا ونادى المنادي
فوق رايه عقيد ماتراخى زنوده
واعتدينا ونور الصبح مابعد قادي
ثم اخذنا حلال ماتحاصى عدوده
يوم جونا رجال .... مثل الجرادي
مثل سرح الجراد الي يقوده عموده
والتحم سدها بين الوجيه البوادي
في نهار عسى رب الملا مايعوده
وانتشر من قضين اليا حليق الطرادي
مثل نو(ن) تهلع والبرد في حدوده
ذوقو الفعل من ربع تضد الاعادي
والثبيتي مضرى بالفعل من جدوده
منزلي بالقصور مربعات الحدادي
من غدى صايبه من سدها وازهوده
عزوتي عقبو للطير والذيب زادي
مفرس زل راس الحول وهيه تروده
..........................................


ومن روائع الشاعر عوده بن رده الثبيتي فالغزل.


اليوم آطا الشوك ماكني آطاه
وامشي وانا كن السحايب دموعي
من بعد لامى بالثمان المجلاه
اللي نهب قلبي من اقصى ضلوعي
واعيني اللي نـــومها ماتهناه
من يوم شافت عشقها طـار شوعي
يامن كماالمحمل والالباس تزهاه
واليا مشى صـكت عليه الـجموعي
وان نزلوا خوف القواويس تحماه
ولا هو بصـيد الـلي قلـيل البتـوعي
والله لالا الـخوف من رب يدراه
لـــــــنوع له مثل البعير النزوعي
اللي ليا شاف البوادي ومرعاه
ينشـــــطه لوكان قـــبله قـــنوعي

....................................

ومن راوئع الشاعر عوده بن رده الثبيتي فالغزل أيضاً.


يقوله الي بدى في راس مضياح
في قرنه ماحدت مكه يمينا
واخيل عذب اللما بالهرج مزاح
على البهايق وحنا واردينا
ابو خزام عباله في منه داح
واليا تبسم يضليله دنينا
والله لالا حكايا كل دماح
لاغدي دريويش وبل المستحينا
واقول ياهل العطايا مرزقي باح
وارجى العطايا تجي في كل حينا
واقيم في حله اهله سبعه اصباح
واعاينه لين غراته تبينا
واسري بسيدي ليا من القمر طاح
وازبنه من ورا الطايف يمينا
سمي سيدي نهار الحرب ذباح
مايافر القوم ضاري بالفتينا
بيحت باسمه وهو فالصدر ماباح
وابين من الشمس للقلب الفطينا


.......................................

وهذه أيضاً من روائع الشاعر عوده الشرطي الثبيتي رحمه الله عليه.عندما ناوله احد اخوياه فنجال القهوه
وقال له ســـــــــــــــــم /
قال:
سلمت يمينك يامسويلي الكيف
وانا ليا ماخذت كيف كفــــــــاني
وانا مضرالي بشغـــــل وتكليف
اربع من الكيف الحلو عن ثماني
شفي ليا ضلا النجر له غطاريــف
في ربعه ينشط لها كـــــل واني
بالصبح ولا مع عصار التراهيف
في محضر لهل الفكــر والمعاني
ما حافها خطو الرخوم العضاليف
الا يقــــــع ضفرن بشغله شفاني
والدله الطبخا وماها بتشفيــــف
تشفيف هين يغدي اللون حـــاني
خاني دلال من عيون مراديـــف
رديف ريش مجليات الثـــــــــماني
وانته لبيب وعارفن واجب الضيف
صحنن رزين ومن خيار السمــاني
..........................................
وهذه أيضاً من روائع الشاعر عوده بن رده الثبيتي فالقهوه

قم يا مسو الكيف قم سو قم سو
قم سو فنجال ترى الراس خاوي
واحذر عليه النو ولا حق ضو
واليا ندى فيه العرق لا تراوي
في محمس طوله شبر يوم قاسو
وامحولينه عجل في نجر ماوي
حسه ينشط ربعه يوم ضالو
يعوي عوا خل وخله جفاوي


.......................................
هذا بدع ورد عن طريق الصدفه لعوده واحد الشعرا لا اعرفه ولا يعرفه حتى عوده رحمه الله.ولاكن

لو نضرنا إلى قوة السبك والمعنى لعرفنا أن خصمه شاعر لايستهان به

والمحاوره يقول عوده رحمه الله مررت بفحااامه واذا بي ارى عشرين مردومه محمله بالفحم فتهيضت وقلت

لاواعذابك من القرشه ومن طرد البعارين
لاهنت يامودماني تحثى بالرماده

يقول رحمه الله انا وجهت لهم البيت ولم اعلم ان بينهم شاااعر فقام احدهم فقال

ابيع واشري وخطو الناس مايفتاد قرشين
يومن مثلك يجيب النقص ماجاب الفياااده

يقول عوده عنما سمعت هذا الرد اذهلني واغلق الباب الذي دخلت معه قلت اجيه مع باب اخر فقلت

خليت عذب اللما يلعب مع الي يعشق الزين
بعد ال عشا وهو معها على جال الوسااده

فلما سمع هذا البيت اقترب مني وقال

هذاك ماال ضفي ومودعه عند الميامين
واليا رضي فيه راع المال ماعندي حساده


.....................................

وهذه مطلع لأحد قصايد الشاعر الكبير عوده بن رده الثبيتي.سمعتها من أحد الشيبان

ويقول فيها:




ولومتي ماوحيت صوت النجر دن............لا فيسر المقطر ولا في يمانيه

ولا درن ثـبـيـت حامسة البن .................اللي تقهوي ضيفها لين تكفيه

وأنا أشهد إن الضيف شقصنٍ من الجن ...........علمن يجي نابه وعلمن يوديه

.................................................. .......

وهذه قراءة في احد قصائد الشاعر عودة الشرطي الثبيتي رحمه الله. وهي من أشهر مجالسياته وعلى الوزن المسحوب

واول من نزل هذه القصيده وحللها فالنت هو الشاعر(إبن سرحان المروحي بيض الله وجهه)وبها سوف أخذتم هذه المشاركه بئمل أن تحوز على رضاكم هذه القصائد والنبذه المبسطه عن هذه الهرم.






البداية كانت رائعة






الا يالله يامنشـي السـحـوب ولا يامطلـع مافـي الغيـوب
تيسر طرقتي من حيث اصوب وما يكتب على المخلوق جاري
عسى مكتوب خير وعلم زين ليـا ضليـت بيـن الجالتيـن
تروح الروح بيـن محاسبيـن وخطوا ماحصل في لوح قاري



ثم يقول رحمه الله بعد بداية القصيدة في توصيف الرجال وانواعهم






وانا باحرف كلامي فالرجـال واباخذ فـي معانيهـم مجـال
واصرف هرج تصريف الريال من اهجوس تهيضها الضماري
وبيبان الرجـال الهـا عـدود وفيهم بيت عرف وبيت جـود
وفيهم بيـت ضفـران فهـود توردها ولا تصـدر معـاري
وفيهـم هابيـا مافيـه نـاع ومالـه لا مـحـل ولا ذراع
وبيت المسبعة يخـر سبـاع وبيت الحبر يخرلـه حبـاري





الى ان يقول في منتصف القصيدة ويبدأ في طرق الموضوع الرئيسي والمناسبة التي ظهرت بها القصيدة بعد المقدمة السابقة وقد اسقطت منها ابيات للضرورة







لكن الحـظ معهـم منكفـي وطـلاب الخطـا مايشتفـي
وانا في هيبـة الله مكتفـي وفي هيبة رجـال ماتـداري
بني عمي محاريب العـداء تغلـق كـل سـدة بالقـدا
وبدوهـم عتابـة بالـرداء وحدوهم على شيل الخساري
بغوا يغزون من يم الخبـوت من الديرة يجلـون الثبـوت
وكل اعلامهم راحت فلـوت وردتهم كثيـرات الطـواري





ثم يقول بعد ذالك في تناول الخصم بكل احتراف وقوة في بنيان البيت







وجونا صبح بارقهـم يعـوم وقالـوا ماتعـدا بالـلـزوم
وعدينا على كسر الخشـوم الين اجموعهم راحت كساري
وانا ماسبهـم يـوم اللقـاءهل الماقف رياجيل الشقـاء
ولوجونا مع ادروب القـداء ماكان اوجيههم فيها مواري





الى ان يقول رحمه الله تعالى عندما يشرح سبب هذه الحادثه ويذكر تفاصيلها كاملة ويجمع القبيلة تحت لواء واحد عندما يقول من اللصة اليا الاد الصراري


وكانه يكتب للتاريخ قصة معركة حفظتها هذه القصيدة


وقد صدق القدماء عندما قالوا ان الشعر ديوان العرب







نهار اشطيف لزموه الخبـول وحنوبـه معاليـق الخثـول
عسى بيـت بلوابـه يـزول هدوم البوق مافيها مـذاري
ذبح بعد المفرس والصبـوح وسمن من عدايلهم سفـوح
ولا ياللي تحبـون المـدوح هذا في صب والا علم عاري
يقول اعنبير الشيخ العريـب نبـا نعبـاه فـدوه للقريب
نسى ربعي مخابيط الحريـب من اللصة ليا الاد الصراري





ومن الابيات ايضاً وقبل ختام القصيدة يذكر رحمه الله تعالى رحمة واسعة امجاد قبيلته ثبيت ويعتزي بعد الانتصار المتحقق







وانا من لابتي سمـوا ثبيـت تمجدنـي ليـا منـي بغيـت
ولا ياجاهل ابهـم مادريـت توح العلم من شاعر قـراري
وليتك خلتهم يـوم الصبـاح طلوع الفجر يوم النور ضاح
مفيض الريع في الحزم البراح ودمان العـدى منـا نثـاري





والله يعطيك العاافيه على الطرح القيم.ياخيال الهيلا ولاهنت



تقبل مروري:


آخر تعديل بواسطة أبحرت في عيونك ، 05-21-2011 الساعة 07:27 AM
أبحرت في عيونك غير متواجد حالياً   رد مع اقتباس
قديم 12-06-2011, 03:34 PM   #38
معلومات العضو
نايف بن زراق
عضو جديد

رقم العضوية : 23773
تاريخ التسجيل: Dec 2011
مجموع المشاركات : 24
قوة التقييم : 0
نايف بن زراق is on a distinguished road

ربما ابرز شعراء عتيبه خلف هذا

نايف بن زراق غير متواجد حالياً   رد مع اقتباس
قديم 03-08-2012, 09:56 PM   #39
معلومات العضو
مجاهد
عضو مشارك

رقم العضوية : 24020
تاريخ التسجيل: Mar 2012
مجموع المشاركات : 57
قوة التقييم : 0
مجاهد is on a distinguished road

الشاعر سعود اليابس

مجاهد غير متواجد حالياً   رد مع اقتباس
قديم 03-15-2012, 06:11 AM   #40
معلومات العضو
الزعيم العتيبي
موقوف
رقم العضوية : 24050
تاريخ التسجيل: Mar 2012
مجموع المشاركات : 103
قوة التقييم : 0
الزعيم العتيبي will become famous soon enough

خالد العتيبي

الزعيم العتيبي غير متواجد حالياً   رد مع اقتباس
إضافة رد

العلامات المرجعية

أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع




Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها