(فكرت بالدنيا)قصيده للشاعر القدير شجاع بن عمار العتيبي

[إبن ثعلي]

قصيدةالشاعر شجاع بن عمار الثعلي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بديت بذكرالله وبديت ذكره =رب الملا قدام ذكر الغير
ذكره على المخلوق فرض وسنه=سبحان رب يحسن التدبير
هو خالق نفسي وعالم رزقها=وكاتب لها في اللوح شر وخير
معلوم مايكتب لها في جبينها=ولا للفتى عماكتب مطير
البارحه عيت عن النوم عيني=ماامرحت ليلي في عنا وتفكير
افكر بدنيايه وافكر بديني=واشوف ويش في الاخره يصير
الاخره تبغى عمل واعملوا لها=تلقاه قدم محضر تحضير
اللي عمل حسنات يجزى بمثلها= واللي عمل شر جزاه شرير
قدامكم يحصى لكم ما عملتم=من شر والا عاملين خير
واللي بعدها يوم اغني مثايلي=ماقلتها في سادية جمير
اقولها في وقتنا اللي نشوفه=وقت هول ويشيب الغرير
وقت يشيب الراس من قو حموه=يولع علينا مثل شب الكير
وقت يصافقنا وحنا نصافقه=سوات موج في بحر غزير
يقوله اللي جرب الوقت واعتبر=واخذ من اللي عالمين شوير
وميز بلوعات الدهر واعتبر به=كم ذوقت حلو وراه تمرير
وكم قاصر يطول من كثر ماله=لو كان مايثمن بمد شعير
لكن ماله عز قدمه مقامه= وخلاه له كلمه وصار امير
ومن قل ماله قل عزه وهيبته=وعزي لمن قالوا تراه فقير
لوهو من اول عز ربعه ودنيته=وسيف لهم في الواجبه شطير
اليوم لايعدى ولاينعدي به=مطروح كنه واحد كسير
ميزت في الدنيا على الوجه والقفا=ولاكنت في دوراتها خبير
دنياي عيت لاتجي لي على الهوى=واللي ورى ظهور الرجال عسير
ولانيلة المطلوب منها بالمنى=دنيا تدور وغيبها خطير
احد تحطه في محل السعاده=واحدتحطه في شقى وسعير
وعديت صدقان الرخا دون حاجه= وليينهم في عدهم كثير
واحتجتهم واصبح قليل عددهم=قل العدد منهم وصارصغير
صديق يصفي لك على اللين والقسا=وتلقاه في جورالزمان خشير
وصديق يضحك لك بوجهك بنابه=وتحسبه مجير ماوراه مجير
وليا وطاك الدهر واحتجت نفعته =يروغ مثل الثعلب البصير
وختامها مني صلاة على النبي=عداد ماطار بسماها الطير

[/poet]

[إبن ثعلي]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يااشيخة الخفرات جيل بعد جيل=ودك رمى قلبي بسهم واصابه
سهم لجا بين الضلوع المهاليل=خطر على قلبي يجود صوابه
ابو نهود كنهن الفناجيل=توه صغير وساع شالت ثيابه
وليا اطرقت بعيونها اللي مظاليل=طرت على القلب المعنى عذابه
وقت مضى يوم الليالي مقابيل=والعمر يرفل في هواه وشبابه
بالله سجوا يمهم يامراسيل=ودوا جوابي له وهاتوا جوابه
ان كان مقبل مرحبا يامقابيل=وان كان مقفي هفته ويش نبابه
ما يتبع المقفين كود المهابيل=والمقبل اقبل له هبابك هبابه
تبع المقفي للهواوي غرابيل= برق تخيله ماحصل لك شرابه
جداك بس تطالع البرق وتخيل=وهوه على ناس تهطع سحابه
ويش تستفيد ليا شرب غيرك السيل= وانت بظماك وغيرك من اهتنابه
وصلاة ربي عد وبل الهماليل= على ر سول الخلق سيد الصحابه[/poem]

[الحصان]

بن ثعلي لاهنت قصايد جميله من شاعر له مكانته بين الشعراء اتمنا ان تز ودنا بمالديك من قصايد له حتى نضعها في ديوانه في الشبكة





تحياتي

[مجدي الشناوي]

صح لسان ابو فهد وطول الله عمره


وسلمت يمينك يابن ثعلي


تقبل تحياتي

مجدي الشناوي