[align=center]هذه القصيدة مرثية في الشاعرالكبير غالب بن نجر بن ذيخان العضياني والذي وافته المنية مساء يوم الاربعاء الموافق 14 / 6 /9 142هــ على اثر حادث مروع على طريق الحفيرة الدوادمي رحمه الله رحمة ٍ واسعه أنه سميع مجيب[/align]
[poem=font="Simplified Arabic,5,green,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]
بعد ما تلقيت الخبر منك يافيحان =تدالن همومي خافقي واستحلنه
بغن يذبحني مثل ذبحة بني هزان=لكن الله اللي فكني من خطرهنه
انااليوم كلي حزن من موت ابن ذيخان=عساالله يعوضه يابن سلطان بالجنه
رفيقي ولد عمي ولوكان مهماكان=حضا بالمفاخروالفرايد نقاهنه
نعده من النخبه ليا عدوا الشجعان=فقدناه يوم سهوم الاقدارصابنه
رحل من سببهن حين موعد رحيله حان=ولا ياوجودي ليتهن كان ماجنه
خسرته وخسروه الدماسين والعضيان=والاوزان وبحور التماثيل خسرنه
ثقيل ٍ ترجح وقفته كفة الميزان=حكيم ٍ محابيل العدا مايصيدنه
بعد فقد غالب منهل الشعرنقصه بان=ظواميه عقب اليوم ينقص عددهنه
ولد نجر بن غلاب والجد شانه شان =يصد المغيره والنضا يحتميهنه
خذا فالمجيديات من خيرة القطعان=عدايل هل الطولات صال وشلعهنه
تراجع خصيمه عقب زومه وهوخسران=لحس نارابن عماريوم اختلف ضنه
واله ماقف ٍ يعرف ليا عنكب الدخان=جنابه يذري والمواجيب ينصنه
هذا قول من ياخذ ويعطي على برهان=لقا الخافيات المرمسات وكشفهنه
تعبنا على التاريخ ذل ٍ من النسيان=حفظنا الحقايق والشواهد عليهنه[/poem]
[align=center]الشاعر سعدون بن فهد الهرس [/align]
| 
|
06-23-2008, 06:45 PM
العرض العادي
