عاد عيد العنود

[سعود بن سلمان]

عاد عيد العنود العيطموس الفارع الفاتن المملوحه
الهنوف العطوف ام العيون الخرّس الذبّل الذبّاحه
..
يوم عادت بيوم العيد عادت يا عرب للمعنى روحه
وفز قلبه مثل ما فز ببروق الوسم قلب راع فلاحه
..
وا سْفَر الكون وانور في عيونه وارجهنّ وبرنّ جروحه
شاف في نجد ورد الطايف ومزن السراة وضباب الباحة
..
وانتشى الورد واغصانه تثنّت والندى دمعةٍ مسفوحه
وغرد الطير والقمري سجع كنّه على (مسرح المفتاحه)
..
انتظر وانتصر وادرك مرامه بالغرام ولحَق مصلوحه
كيف ما ينتصر ؟ دام المحبه محزمه والعفاف سلاحه
..
وعاد عيد الحيا والسلهمة والبوح والنبرة المبحوحه
والقلوب النظيفة والنوايا البيض والخطّر المنساحه

خليل الشبرمى

[وجدان عتيبيه]

صح لسان الشاعرابيات جدا رائعه
يعطيك العافيه وسلمت لاهنت على النقل

[سعود بن سلمان]

المشاركة الأصلية كتبت بواسطة وجدان عتيبيه صح لسان الشاعرابيات جدا رائعه يعطيك العافيه وسلمت لاهنت على النقل

يامرحبابك

اختى

[عزيزة الجناب]

سعود

صح لسان الشبرمي

وسلم بنانك ع النقل

لاهنت

[سعود بن سلمان]

المشاركة الأصلية كتبت بواسطة عزيزة الجناب سعود صح لسان الشبرمي وسلم بنانك ع النقل لاهنت

يسلموا

عزيزه

يسلم روحك

[عاشق المساري]

يعطيك الف عافيه على النقل