أديبة ومزيونة وشيخة مفكّرة

[سلمان المالكي]

أديبة ومزيونة وشيخة مفكّرة

مُعانقة ومصافحة متواضعة وسلام حار لمنتدى عتيبة الموقر
بعد هذا الإنقطاع الطويل الذي فرضتهُ الظروف

علـيّ الـطـلاق إنّـك عـظـيـمـة وسُـكّـرة

ولـكـنّ قـلـبـي فـاقــد أغـلــى حـبـايـبـه

فـتـح بــاب قـلـبـي بالـمـحـبّـة وسَـكّـره

مـشـاعــر غـرامـي في محبّتـه ذايـبـه

أديـبـه ومـزيـونــه وشـيـخــه مِـفـكّــرة

ويـا زيـن منطوقــه ومعـنـى كـتـايـبـه

احاسيسهـا في الــروح تـامــر ومثمـرة

عـسـاهـا تصبّرنـي وتــمطــر سحايـبـه

طـيـوفـه مـع هـجْـع الخلايـق مـسـيّــرة

عيونـي ضماهـا الشوق جفّت ترايـبــه

ذبـح قلـبـي المزيون أحــاول واصـبّــره

ولـكـنّ قلـبــي مَــــــلّ زادت عـجـايـبــه

تـزايـد عليـه الـوجْـد والـنّـار مِـجْـمــرة

ووجْــد المحبّة سِحْـر محلى غـرايـبـه

تـبـيـن الـحقـيقـة مــا تغيبين حـاضــرة

نسانيس طيفك شهد تـروي هـبـايـبــه

وروحـي بـغـيـرك مِن زمـانــي مـعـذّرة

ولـو دون حـبّـك حــرب ماهـي بهايبـه

فـمِـن بـعـدكِ الـدنـيـا جماجـم مـكـسّــرة

بـسـيفـاً قـويّ البطش مقوى حـرايـبـه

يـداوي صُـداع الـراس بالـنـار أصـــدّره

سريع البِلى في الحرب مسرع شبايبـه

أسـرنــي غـــلاكِ نــــار حِـبّـك مـدمّــرة

سهامك على طـول المسافات صـايـبـة

تعيشين فـي بـالــي وروحـــــي مـقـدّرة

فمن بـعـد حبّيتِك تـرى النفس تــايـبـة

تعيشين يـا دنـيـــا الــغـــرام الـمـقــدّرة

تعيشين يا شـمـسـي ولااْنتِ بـغـايـبــة

غـرامِـك سـكـن فـينـي ولانـي مـغـيّــره

ولـو تـسـأليـنـي لـيـش هــذا سـبـايـبـه

علـيّ الـطـلاق إنّـك عـظـيـمـة وسُـكّـرة

ولـكـنّ قلـبـي فــاقــد أغـلـى حـبـايـبــه

.....................................

تحيّة الورد الطائفي للجميع
سلمان المالكي