لاتنحدع بالشخص للمكر تطوير
في وقتنا الحاضر وبالجاهليه
طبق لقول الناس ماهي مناظير
مخابرٍ بفعولها اللي خفيه
لاخير في طيبٍ تشوبه محاذير
ولاخير في خيرٍ وراه الأذيه
وش فرق عنتر عن ولد عمه الزير
والكل فارس مرعبٍ له سريه
يحسب لهم جيش ٍ جنوده طوابير
في ساحت ٍ فيها المعارك حميه
وإن قالوا الأشعار بأروع تعابير
كنك تشوف الشخص والا خويه
موثقين اللي حدث بالتصاوير
في وصف سيف ووصف زين البنيه
الزير زير ٍ للبني المعاثير
يدور خمره بين هاذي وذيه
حتى إيش لو جندل كبار المناعير
والجاه مارده رضى بالرديه
لكن عنتر يعتبر فارس ٍ غير
تعف نفسه مارضى بالدنيه
أنجبته السودا ولاقى تعازير
وأثبت وجوده بالعزوم القويه
يومن أبوه يتابعه توه صغير
يقرى المراجل فيه ميه بميه
لين أعتر ف به بالليالي المعاسير
وليت الحريم البيض جاب ٍ لزيه
فيه الشجاعه والكرم دون تقصير
وحسن الجوار وزود فيه الحميه
مادنس بشعره لعرض الغنادير
عشقه عفيف ولا لحقته خطيه
ناصف دهرنا بالليالي المغابير
وأثر الدهر مظلوم صبح وعشيه
خلك ملكع قبل تاكل خوابير
ترى العقارب راسها رأس حيه
للشاعر/ مهلي بن مسعود الدلبحي العتيبي
(سفارة المملكه العربيه السعوديه - لبنان- بيروت)
| 
|
03-12-2008, 02:59 PM
العرض العادي
