ღ♥ღ♥ღ[[[جـــن xجـــن]]]ღ♥ღ♥ღ<<-- لشجعان فقط^_^

[ç£àSsْIç]

بــاتـس ْ



أعتقد مافيه شخص ماقد صارت معه سالفه مع الجن أو سمع سالفه صارت مع أقارب له ْ



أنا شخصياً صارت لي سالفه مع جني قبل سنه تقريباً هالجني والعلم عند الله أنه بزر أو أنه خفيف دم :p ْ


السالفه ومافيها مره كنت جـالس في غرفتي وجالس على السرير وأتفرج على التلفزيون المهم حطيت الريموت فوق السرير ونزلت تحت للمطبخ عشان اجيب شي آكله ويوم رجعت ماحصلت الريموت ..!!


ادور يمين يسار ماحصلته وبعد ماقلبت الغرفه فوق تحت حصلت الريموت في درج < طبعاً هالدرج في آخر الغرفه وفي الزاويه وفاتح فمه على طول طبعاً انا قلت يمكن أخوي الصغير جاي يتعبث في الغرفه وشال الريموت وحطه في الدرج ,,



في اليوم اللي بعده وبنفس الطريقه كنت اتفرج ع التلفزيون وطلعت لدوره المياه الله يكرمكم وأول مارجعت ماحصلت الريموت طبعاً اول ماجاء على بالي الدرج قسم بالله يناس حصلت الريموت في نفس الزاويه ..!!

اول ماشفته وقف شعر راسي !!



واجمع لكم كل المبزره اللي في البيت وأحقق وخذ مخمسات وكفوف وكلهم يحلفون انهم ماطبو الغرفه !!


قلت السالفه للوالد والوالده ومحد معبرني يحسبوني اصرف لهم من الرخيص :D .,.


بعدها بيومين كنت جاي من عند عيال عمي .. وكنت مقفل باب الغرفه والوالد يبي له اوراق تخصه في غرفتي المهم أول مافتحت باب الغرفه وشغلت االانوار وأخذ الوالد اوراقه جيت بشغل التلفزيون وفقدت الريموت على طوووول قلت يابوي قال نعم قلت تذكر سالفه الريموت اللي كنت اقولها ومنت معبرني ,,

شف الريموت الحين مهو على السرير ورح للدرج اللي في آخر الزاويه وشف بعينك طبعا ابوي راح للدرج الا هذا الريموت فيه طبعاً ابوي صدقني لانه دخل معي الغرفه !!



بعدها طبعاً أخذت مصحف وحطيته فوق الدولاب كله ’’

ومن عقبها لاحس له ولا خبر ,,







السالفه سامجه سامجه مافيها كلام :D



بس انا مستغرب من حركة الجني مدري وش عنده على الريموت !!


تصدقون جالي وقت اتمنى انه يطلع أحس انه خفيف دم < والله اني اتكلم جد :D

[فديت عتيبه]

جنيك هذا حولـه لي


قسم لسبتين ويتسنع < احلفي؟


يستهبل يحسب انه ظريف < لو جاتس بتموتين < سالفتك حلوه


خذ ذي على طاري التلفزيون


اختي حكوكـه < عيارتها هههههههههههههههههههههههههههههههههههههههههههههههههه ههههههههههههههههههههه


تموت اذا ماكلت قاعه القدر


المهم


هاك اليوم اطالع فاشن تي في

ومندمجه بنت ابوها المهم واطالع تقول ان الفستان اللي طلع كان شوي عاري استغفرالله :@


المهم تول يوم طلعت العارضه تمشي الا اللي وراها وعند اذنها قال واااااااااااااااااااااااااااو


تقول اختي لفيت مالقيت حد


تقول وانا اعلي صوتي وااااااااو بعينك ماعندك ذوق وقالت بعده غيرت القناه ونمت ويوم صحيت الا التلفزيون شغال وعلى فاشن وعلى كلامها قبل ترقد مغيره القناه :(

[ç£àSsْIç]

^










مـع إحترامي الشديد لك يافديتينا قذيفه جـو جو :D




وبعدين لاتركضين حاولي تكتبين سالفتك وانتي جالسه :D

[مآجدولين]

الجازيَ المشكلهَ انكَ خوافهَ
ليشَ تحبينَ هالسوالفَ
ههههههههههههههه


اناَ مااخافَ منَ الجنَ كثرَ مااخافَ منَ الانسَ خخخخ
لانَ الجنَ يخافونَ منناَ
وعنديَ لكَ قصهَ حصلتَ معايَ
ايامَ الثانويَ
كانَ عنديَ قلبَ مدريَ منَ وينَ جايبتهَ
هههههههههههههههه
بسَ اقولهَ بالماسنَ :(
<------ماعنده احدَ تخاف تقولَ خخخخخ

[فديت عتيبه]

< العصيمي < كم مرة تقول اكتبي وانتي جالسه < ماعرف هع


خخخخخخخخخخخخخخخخخخخخخخخخخخخخخخخخخخخخخخخخخخخخخخخ


ماجودلـين لاتقولـين سالفتس للشموخ الا وانا عندكم :) < تحب الاكشن << تبلع ريقها

[دمي عتيبي]

وقسم خوووفتوووني <<~ وش ذي السوووالف

اخذ الريموووت واحااااالي لو انه انا وربي اني اهجججججج <<~

مااااتحب سوووولف الجن ابد <<~ اجل ليش دااااخله هع هع

[شموخ النايفات]

[align=center]هههههههههههههههههههههههههههههههههههههههههههههههههه

احمد العصيمي فديت عتيبه دمي عتيبي ماجدولين هلااااااا ومرحباااااااا فيكم ياشجعاااااااااااااان

والله ان ودي ارد عليكم واحد ووحدة بس ماشالله واجديين <<- على وزن كثيرين :D

بس بقولكم سالفتي مع الريموت ثم اخمد عندي جامعه باجر<<-- عبالها بس هي الي متوهقه معهم على سالفة الريموت والتلفزيون

انا اكثر وحده بيتنا احس بوجودهم لدرجة انهم غصب طيب يحسسوني بحظوورهم الطيب :D
مره سهرانه بروحي بصاله وريموت التلفزيون عندي والاب توب بحظني ..
ولا التلفزيون يتغير من المحطه الي انا حاطه عليها... (على الصحراء طبعن :D) الى محطه ثانيه وشوف الاسيفر ولا حاط رقم (معين)
وكل شوي ينقي محطات غير الي قبلها مثل الي يقوول ترا انا جنبج <<-- واناااا تعرفووني بهالسوالف شجاعه

8


8



8


صراحه انا ان شليت في مكاني وثقل جسمي وسيقاني وسنوني قامت ترقص وتصافق مو طربان;):(:o
مادري انتم مثلي ولالا اذا حسيت فيهم ماقدر انحاش اخاف وانا اركض يحطون لي رجلهم ثم اجي على وجهي ويزين فالي



الموقف الثاني حصل لي من اسبوع اوقل من اسبوع ..
كنت سهرانه على النت<<--حياتها كلها سهر ^_^ المهم طيبين الفال الله يكفيني شرهم
لهم عادتن معي مهي زينه اذا نمت يطامرون على ظهري ولا يطامرون على السرير ويحركوني جنهم جنوون <<-- تقولينه صاجه اي والله ;)
حركتهم مثل الجاثوم ويطيحون الاكياس الي انا حاطتها على طرف الكبت من جهة الجدار محشورات من قلب بزاويه انا اذا بغيتهن اسحبهن سحب :( <<-ياعليهم حيييييل نعنبوهم عببببثين الله يصلحهم <<- عشان مايخذون بخاطرهم منها:p:p ..
الي صارلي اني مفتحه عيني مو نايمه ولا سرحانه ولا شاربه ريد بول الا واحد يدزني من ظهري مرتيين وانا قاعده استوعب الوضع الي يصير معاي عاد ماوراي الا مخدتي مادري شقولكم شوصفلكم جاني شعوور ودي اااااااااصييييييييييييح وقوول يووووووووووووووووووووووومه الحقيني
نعبووهم حسيت انهم ناوووين يغسلون شراعي تالي الليل <<- تخيلت نفسي لابسني جني

:(<<-- عاد اهلي بعد هالاحداث الي صارت معي لو بجذب عليهم بيصدقوني :D
.............................






[/align]

[ç£àSsْIç]

^

هي أحد امرين أما أنك تطلقين ارانبك علينا أو أنك تطلقين أرانبك علينا






وش اللي يدزك مع ظهرك







بعدين أحس انكم انتي وفديت .. ماخذين سالفتي مع الريموت ارنب والله ماكذبت عليكم ولو بكذب عطيتكم قذيفه تهز المنتدى هز بس والله أن هذا اللي صار معي ,,

[دلع عيني]

ياااااااااااااه يا الجازي الموضووووووووووووووع
الحديث فيه ذوووووووووووشجوووووووووووووون
وجنوووووووووووووووون

[روقي قرم]

هع هع ياسلام على هيك سواليف


ودي انســق مع ادارة الموقع كشته بالليل الى جبلـه وضواحيها عشان تعرفون الهياط

والا اوديكم للشجرهـ الي عليها العجيز تكد شعرهـا بديرتنا ;)