[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
السلام عليكم ورحمة الله وبركاته .. هذي اول مشاركه لي بالمنتدى الأكثر من رائع صراحه بأعضائه الراقين ومشاركتي عباره عن قصيدة كتبتها في الشيخ غزاي بن مرزن العتيبي
دارة الدله وجــــاء للكلام العذب دور =وانعشت غر المخايل عطش ضميانها
في فياض تدفع الريح من ريح الزهور =وينطحك ريحة ثراها ونذر مزونها
والمهمه معجزه والتأني في الامور =من صفات الشيوخ قوما رفيع شانها
المراجل كايده والمواقف ماتبور =وسلطة كذا من الله على سلطانها
مايحسم اللآزمه غير مدرك ومخبور =ماتصافحها يمين قليل ايمانها
مايجيب الطيبه غير حر من الصقور =عن مخالبها تفاهق وراء جنحانها
ولاتهز الريح بيت على العزم معمور =المنازل ثابت في صخر سيسانها
ولايعشق المخطيه غير مخطي ومعسور =والبشر ماتنتواخذ بنطق لسانها
وبيض الله وجه منهو ثنو دور العثور =في المواقف ماتزعزع ولاحدن هانها
ماتعذرها القبيله ولافيها قصور =تحرم اللي واجبه ينحرم حرمانها
ان دعتها اللازمه ماتلقيها الظهور =ماتغيرها عقولا تغيب أذهانها
والحقائق هي اهلها على عز وسرور =من كبار الروس قوما كبار اعيانها
قادها اللي نفتخر به الياجات الحضور =أبو محمد لاحضرها ثبت ميزانها
في المواقف نفتخر به وكم غيري فخور =شوف عيني ساعة غايب شيطانها
والشعر نظم المشاعر ملذ من الشعور =غيث من رب البشر للبشر سبحانها
ودارة الدله وجاء للكلام العذب دور =وأنعشت غر المخايل عطش ضميانها
وسلامتكم[/poem]
| 
|
09-03-2011, 01:13 AM
العرض المتطور
