عوايد قبايلنا العزيزة ماجابت خير

[عبدالعزيز الفرج]

السلام عليكم ورحمة الله


بدون مقدمات لأني وبكل فخر لا أجيدها :)



[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
على جرة المنكوس ضاعت لحون الطير = لا غرّد عليها مات صوته بحنجوره
شكرته وخليّته مع الشكر والتقدير = الحّن له الصوت ويبروز لي الصوره
هواجيس بالي كل ليله تحثّ السير = عساها تجي وتروح بالخير مذكوره
أعوذ من أنا .. لكنّ أنا لي ضمير ٍ غير = من أدناة ما حسّه يعبرّ عن شعوره
عوايد قبايلنا العزيزه ما جابت خير = ولوّ أنّها في بعض الاحيان مشكوره
يا بدو التطوّر كيف ما طوّر التفكير = بعد ما خذا بعقولكم لفّه ودوره
خاف الله يا اللي ساجن البنت بالتحجير = تلاشى نصيب البنت والبنت محجوره
تصادر عليها الراي وتقدّم التبرير = وتستسلم لحكمك وتبريرك أسطوره !!
ولد عمّها لوّ أنه أنجس من الخنزير = عليها يزفونه وتصبح تحت شوره
ترا ماهي بدلو ٍ تطشونها في البير = خلقها الولي حرّه وبالشور مخشوره
لها حق ما يسلب ولا يقبل التزوير = من الله ماهو من تقاليد مقبوره
لكنّ اتقوا من قام شرعه على التيسير = في محكم كتابه سن للخلق دستوره
لحضرة رئيس المحكمه ودّوا التقرير = ونسخة لأخو مريم .. ونسخة لأخو نوره
[/poem]

ســـــداح العتيبي