منتدى الشعر الشعبي المنقول لطرح الشعر الشعبي المنقول والمساجلات الشعرية

إضافة رد
كاتب الموضوع صاحب السمو مشاركات 14 المشاهدات 3465  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
قديم 08-30-2005, 10:51 AM   #1
معلومات العضو
عضو مشارك

رقم العضوية : 1795
تاريخ التسجيل: Aug 2005
مجموع المشاركات : 67
قوة التقييم : 19
صاحب السمو is on a distinguished road
قصيده قووووويه للعتبااااان

[align=right]خسيـتـي لعنـبـو جــدك ؛ خسـيـتـي والـغـلـط يـنـعـاب
000000000000000خسيتي واقلبي وجهك ؛ ولا كلمه ؛ولاجابـه


خسيـتـي والـزمــي حـــدك ؛ تـراهــا ضـاعــت الاداب
000000000000000انا لاطاشت جنوني ؛ يعرف الجاهـل ادابـه


وش المـغـزا مــن الكلـمـه بــلا داعــي بــلا الاسـبـاب
000000000000000وهرج الكذب والتجريح ؛ قوليلي وش اسبابه


انـا الشـرهـه عـلـي انــي فتـحـت لخافـقـي كــم بــاب
000000000000000ولكن مثل ماجيتي !!! ترا كبر الجمـل بابـه



خـذي نفسـك مـعـك بــرا ؛ ثــم انقلـعـي بــدون إيــاب
000000000000000فمان الله ؛ والا اقول :: فمان ابليس واصحابه


تحسبيـنـي عـلـى فـرقـاك ابـنــدم واغـــرق الاهـــداب
000000000000000انا مبسوط يوم اني ؛؛ طردت الشوم وغرابه


انــا مــا اعـاشـر الخـايـن ولا اسـمـع هـرجـة الـكـذاب
000000000000000ومثلك قيمته عنـدي تحـت الزيـرو حسابـه


هــذاك الـلـي تحبيـنـه ؛ حـقـيـر و خـكــري ولـعــاب
000000000000000عاجبك ان قذلته شقراء ويميّل بالشعـر كابـه


صحـيـح انــه حقـيـر و زيــن وشكـلـه للنـسـاء جــذاب
000000000000000تشّبه بأخته فلانـه ؛؛ ومنهـا الـدم متشابـه


وانـا مانيـب حــرف الـجـر ؛؛ تجريـنـه عـلـى الاعــراب
000000000000000انا حرف(ن) جزم نفسه ؛ ومثلي يصعب اعرابه


تشـوم النفـس عــن زيـنـك عـقـب مـاطـاح فيـهـا ذبــاب
000000000000000وانا حر(ن) ولد حر ؛؛ تركت الزين وذبابـه


انــا شـيـخ(ن) ولــد شـيـخ ؛ بـذكـره تنـعـم الانـســاب
000000000000000اليا قام العرب كلاً ؛؛ يراجع دفتـر انسابـه


ولـد شيـخ(ن) وسـط ربـعـه لــه بـيـن الـرجـال حـسـاب
000000000000000اليا ضاقت به الارياء ؛ يهز الارض مشعابـه


محنكـنـي عـلـى الطيـبـه مــن يـومـي صغـيـر وشــاب
000000000000000اجل وش رايك بطفل(ن) دلال القهوه العابـه


تــرى بــدري عـلـى مثـلـك تعـيـب وساسـهـا مـعـيـاب
000000000000000ياليت اللي يعيبني ؛؛ يحـاول يستـر ثيابـه


انــا لاجتـنـي الـزلـه ؛ مــن الجـاهـل وهـــو كـــذاب
000000000000000تركت القافله تمشي ؛؛ وراهـا تنبـح كلابـه


وانــا ليـامـن كـشـف ان الـخـوي اصـبــح لـسـانه داب
000000000000000نزعت السم من عرقه وكسرت بمخلبي نابـه



خــلاص الـيـوم يافـلانـه ؛ كرهـتـك والقـلـوب غـــراب
000000000000000وترى كل طير(ن) بكبد السماء يشبع مخلابـه



خـسـاره مثـلـك بقـلـبـي تـضـمـه غـرفــة الاحـبــاب
000000000000000وخساره غلطة العاشق ؛ يحطك اول احبابـه



بعـد هـذا تبيـن ارجــع لاجــل عيـنـك نصـيـر اصـحـاب
000000000000000خسيتي واقلبي وجهك ؛ ولا كلمه ؛ ولاجابـه



مع تحيــاتــي
[/align]

صاحب السمو غير متواجد حالياً   رد مع اقتباس
قديم 09-01-2005, 09:46 AM   #2
معلومات العضو
إبن ثعلي

المدير العـــام

الصورة الرمزية إبن ثعلي
رقم العضوية : 5
تاريخ التسجيل: Oct 2003
مجموع المشاركات : 18,935
قوة التقييم : 10
إبن ثعلي is just really niceإبن ثعلي is just really niceإبن ثعلي is just really niceإبن ثعلي is just really niceإبن ثعلي is just really nice

مشكور ياصاحب السمو وان كانت القصيدة لك فأنت صاحب سمو بالفعل
تحياتي

التوقيع : إبن ثعلي
الله يرحم
صقر العروبه
إبن ثعلي غير متواجد حالياً   رد مع اقتباس
قديم 09-01-2005, 05:54 PM   #3
معلومات العضو
فهد العايضي
عضو مميز

رقم العضوية : 1386
تاريخ التسجيل: Apr 2005
مجموع المشاركات : 2,495
قوة التقييم : 23
فهد العايضي is on a distinguished road

محنكـنـي عـلـى الطيـبـه مــن يـومـي صغـيـر وشــاب
000000000000000اجل وش رايك بطفلٍ دلال القهوه العابـه


تــرى بــدري عـلـى مثـلـك تعـيـب وساسـهـا مـعـيـاب
000000000000000ياليت اللي يعيبني ؛؛ يحـاول يستـر ثيابـه



صح لسانك ياصاحب السمو مدد ماهو عدد


قصيده جزله وقويه بالفعل

التوقيع : فهد العايضي
فهد العايضي غير متواجد حالياً   رد مع اقتباس
قديم 09-01-2005, 06:07 PM   #4
معلومات العضو
ساحر الكلمه
عضو مميز

الصورة الرمزية ساحر الكلمه
رقم العضوية : 855
تاريخ التسجيل: Sep 2004
مجموع المشاركات : 2,645
قوة التقييم : 25
ساحر الكلمه is on a distinguished road

كان ماني بغلطان القصيدة لزيد العازمي من دولة الكويت أوربما على وزنها
مع تحيات
الساحر

التوقيع : ساحر الكلمه
جنون وعشق ذا يروح وذا يغد = فهذا لة حد وهذا لة حد


العيون نوافذ العقول , ووتر العاطفة , ومراَة الذات
ساحر الكلمه غير متواجد حالياً   رد مع اقتباس
قديم 11-10-2005, 06:13 AM   #5
معلومات العضو
طالع
عضو مميز

رقم العضوية : 529
تاريخ التسجيل: Apr 2004
مجموع المشاركات : 3,073
قوة التقييم : 26
طالع is on a distinguished road

شوفو القصيده لعضياني لكن والله اني ادورها من زمان وادور قايلها ابي احب خشمه

التوقيع : طالع


تعمدني بنصحك بانفــــرادي .................................وجنبني النصيحة في الجماعة
فإن النصح بين الناس نــــوع ............................. من التوبيخ لا أرضى استماعــه
فإن خالفتني وعصيت قولي ................................. فلا تجزع اذا لم تعط طاعـــــــة
طالع غير متواجد حالياً   رد مع اقتباس
قديم 11-10-2005, 06:39 AM   #6
معلومات العضو
خلف مرزوق
عضو مشارك

رقم العضوية : 1937
تاريخ التسجيل: Sep 2005
مجموع المشاركات : 80
قوة التقييم : 19
خلف مرزوق is on a distinguished road

000

تسلم اخوي / صاحب السمو على النقل


ولاكن هناك بيت لم توردها في نقلك

وهي عندما قال


انـا يابنـت مــن ربــع(ن) لـهـم فــوق الفـخـر مـحـراب
...... انا من روق ياخبله ؛ وربعي الهيله ( عتابه )


نسـيـا ماكـلـى (عمـهـوج) وكــم روس بـــدون ارقـــاب
....رزقك الله بحكم اللي حفظ عمهوج في جرابـه


والقصيدة للشاعر / ناصرالضويحي العتيبي


تحياااااااتي

التوقيع : خلف مرزوق

:

ايه افتخر مادامني نلت ثنتين
.....منزلتي(عتيبي)ومنزالي بــ(نجد)
.
خلف مرزوق غير متواجد حالياً   رد مع اقتباس
قديم 11-10-2005, 06:47 AM   #7
معلومات العضو
طالع
عضو مميز

رقم العضوية : 529
تاريخ التسجيل: Apr 2004
مجموع المشاركات : 3,073
قوة التقييم : 26
طالع is on a distinguished road

ياخلف من اي العتبان هو وش يرجع الضويحي

طالع غير متواجد حالياً   رد مع اقتباس
قديم 11-10-2005, 07:44 AM   #8
معلومات العضو
خلف مرزوق
عضو مشارك

رقم العضوية : 1937
تاريخ التسجيل: Sep 2005
مجموع المشاركات : 80
قوة التقييم : 19
خلف مرزوق is on a distinguished road

00

هلا طالع

طال عمرك الشاعر هذه اعجبتني وحدة من قصائدة

وبحثت عنه وسألت عن قصائدة

واللي استنتجته انه كان بساجر وانتقل للكويت (سمعت ان مطلوب)

وتعوكست اموره زياده فالكويت حيث طالب بالجنسية ولم تمنح له


وهو شبه اختفى عن الساحة وهذا ازعج كثير لان له جماهيريه كبيره

بس الالكيد انه روقي وهذا الواضح من قصيدته

وهذا البيت
نسـيـا ماكـلـى (عمـهـوج) وكــم روس بـــدون ارقـــاب
....رزقك الله بحكم اللي حفظ عمهوج في جرابـه


يخلينا نحتمل انه عضياني

وليا عرفت شي عنه رديت عليك في حينها

تحيااااااتي

خلف مرزوق غير متواجد حالياً   رد مع اقتباس
قديم 11-10-2005, 10:30 AM   #9
معلومات العضو
المحيــنــيــش
عضو جديد

رقم العضوية : 40
تاريخ التسجيل: May 2003
مجموع المشاركات : 34
الإقامة : g
قوة التقييم : 0
المحيــنــيــش is on a distinguished road

يالربع تكفون وش العلم

ثاني مره ألقى قصيده مسروقه

سبق وان طرح ابو نايف قصيده

اللي هي ابتدينا عند احبك وانتهينا عند باي

وقلت انها للشاعر / يحيى الشرقي

والحين اشوف هالقصيده مع اني كنت متأكد من البيت اللي يقول

أنا من روق ياخبله وربعي الهيله عتابه

إنها لواحد روقي

بس نفس هالقصيده سمعتها لنفس الشاعر

يحيى الشرقي وكانت القصيدتين

ألقيت في نفس الامسيه التي اقيمت في مكه المكرمه

واللي كنت احد شعارها اللي احيوها

وتكلمت مع الشاعر يحيى بخصوص البيت اللي هو مااورده بالقصيده

وقال لا القصيده له وهو شاعرها ومايعرف شي عن هالبيت

واليوم تطلع لي القصيده

تكفى ياخلف مرزوق ان كان تعرف شي علمني وابي دليل واحد

ابي اتفاهم مع الشاعر الشرقي وتفاهم ٍ خاص بعد


تقبلوا وافر التحيه

اخوكم الصغير

نايف المحينيش

التوقيع : المحيــنــيــش
نايف وانا نايف على كل قرناس

وكلي فخر يابنت لاقلت ( روقي )


للتواصل دون فواصل

n_055111_n@hotmail.com
المحيــنــيــش غير متواجد حالياً   رد مع اقتباس
قديم 11-11-2005, 07:02 AM   #10
معلومات العضو
العفار
عضو جديد

رقم العضوية : 1587
تاريخ التسجيل: Jul 2005
مجموع المشاركات : 34
قوة التقييم : 0
العفار is on a distinguished road

بن ضويحي إن لم تخوني الذاكرة حنتوشي من أهل ساجر

العفار غير متواجد حالياً   رد مع اقتباس
إضافة رد

العلامات المرجعية


أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ابي قصيده<<<<<<< العتيبي12 منتدى الصوتيات والمرئيات 4 04-04-2007 02:29 PM
قصيده !!!!!!!!! الناعمه منتدى الشعر الشعبي المنقول 12 09-29-2006 12:33 PM
قصيده لها قصه بن مهدي منتدى قصائد الأعضاء 8 11-16-2005 12:19 PM
قصيده نوف منتدى الشعر الشعبي المنقول 11 07-20-2005 10:05 PM
قصيده نوف منتدى الشعر الشعبي المنقول 9 07-20-2005 11:02 AM




Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها