العودة   منتديات عتيبه > الأقسام الشعرية والأدبية > منتدى الشعر الشعبي المنقول

منتدى الشعر الشعبي المنقول لطرح الشعر الشعبي المنقول والمساجلات الشعرية

إضافة رد
كاتب الموضوع الحصان مشاركات 8 المشاهدات 1850  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
قديم 04-15-2006, 08:49 PM   #1
معلومات العضو

رئيس مجلس الإدارة

رقم العضوية : 25
تاريخ التسجيل: May 2003
مجموع المشاركات : 2,325
الإقامة : نجـــــــــد
قوة التقييم : 10
الحصان is on a distinguished road
مناقضات شرسه بين شعراء من عتيبة بسبب مشكلة الضفران من قبيلة المرة وحكام قطر

هذه مناقضات حامية الوطيس بن شاعرين من قبيلة عتيبة والسبب مشكلة الغفران من قبيلة المرة وحكام قطر قصد الشاعر سرهيد بن صامل العتيبي يلّوم على بعض القبائل التي لم تتضامن مع الغفران ومن الضمن القبائل التي لّوم عليها قبيلة عتيبة والحقيقة انني اول مرّه اسمع بهذا الشاعرعلم ٍانه شاعر متمكن ومبدع وقام الشاعرجهز بن سيف العتيبي وهوكذلك لم اسمع به من قبل بالرد على قصيدة سرهيد مدافع ٍعن حكام قطروعن قبيلة عتيبة وهوشاعر جيد

وهذه قصيدة سرهيد

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
قال الالعتيبي قاف، ما يبداه بالقاء السلام= عسا الذي يرمي السلام اليوم ما ياقف سليم
بعد الكلام اللي يرد العين عن حلو المنام= ليش الحياة ان ما رفعنا عن بعضنا كل ضيم
لومٍ غشا العتبان ، ما هو بس قحطانٍ و يام= عسى شبابه حلفهم باقٍ على العهد القديم
و بعض القبايل وقعت مع وقتها صفقة سلام = و لا عندها تفريق بين الربع و الند الغريم
الرجل منهم لو عطيته مشط من و سط الحزام= ما ثار له لا قوم جد، و لا ولد عمٍ حميم
و اللوم كاسيكم ليا خليتوا المري يضام = هدر الكرامة و الشهامه يجرح الشهم الكريم
وش ذنبه المري يرحّل من بعد خمسين عام= يوخذ شبابه و المشيب يرد للصحرا يهيم
قولوا: يهود المانيا بالقدس ما قلتوا حرام= و انته تودد للَّعين اللي بمسجدها مقيم
وهذي ديار جدودنا من قبل يا حضرة غُــلام= اللي وصلها من بلوشستان و اصبح من( تميم)
قبيلة ٍ من ضيع أصله طب فيها من شـْـمام= عزيزة كل يبي من عزها و الله عليم
و انتم عريبين النسب لكن يغشاكم ملام = و ليا قبلتوا خذلة الغِــفران ما فيكم حشيم
وش سر صبر الهاجري؟ ماهزته نخوه و قام=لا خط مكتوب احتجاج و لا وقف عنكم خصيم
وين الشيوخ اللي تشيل بشوتها شرقٍ وشام= ناموا عساها نومة اهل الكهف و اصحاب الرقيم
لولا التفكك يا قبايلنا العزيزين الكرام= ماصبح بعضكم لعبةٍ يَــدْله بها الورع الفطيم
خل الترجي، ما يفيد مع المناجيس الكلام= ما هو بحاسب للتوالي عَــلّ جده للجحيم
خلوا الرجا في روسكم و اللي يقصن العظام = و ان راد ربك، و فق الرامي، و اخذ نفس البهيم
أرموا لباس الذل عنكم و اعركوا خشم العرام = و لا اقعدوا و ابكوا ، عسى تشفع لكم، دمعة يتيم[/poem]

[align=center]وهذا رد الشاعر جهز على سرهيد[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
قال العتيبي قاف مبتـداه التحيـة واحتـرام=تحية الاسلام مفروضة مـن الـرب الرحيـم
تاصل لذربين الرجال اهل المعـزة والوسـام=لهل المعالي والمراجـل والمواطـن والمقيـم
من بعد ذا قريت شعـر فيـة لفـة وانتقـام=حيلة ضعيف قالها التزوير وابليـس الرجيـم
تمشي تحت ستر الخيانة واللعانـة والظـلام=من مدلهم القول تجتـاح المسامـع بالضليـم
حنا عتيبة مانحب الميـل وضعيـف الكـلام=تاريخنـا مايكتبـة سرهيـد بالفكـر السقيـم
اللي تطاول بالكـلام الغـث عاليـن المقـام=انشهـد انـه لاصـدوق ولاكريـم ولافهيـم
مايقص الذم اللئيم من الرجال اهـل السنـام=اهل الشرف والمعرفة والمجد من عهد قديـم
بيت الشرف مايلحقه من ناقص المعنى هـدام=ماهزته كلمة حقـود جابهـا شاعـر غشيـم
من عاش بالحيلات يجمع بين كفينـه حطـام=ان مات مذموم النبا وان عاش ماقالو حكيـم
لاياقليـل المعرفـة مقيـود قيـد بلاخطـام=تلوذ عن قول ن تقوله مثل ماشروى الحريـم
ان كان في راسك نعارة يالخمام بن الخمـام=افصح عن اسمك وانتهج نهج السراط المستقيم
خللك على وضح النقا مثل الشطير من الحسام=ولاّتفضل بالسكـوت وشـم ذعـذاع النسيـم
مانته لسان القوم يالمندسْ فـي يـوم العسـام=انته تعيش بظل وافين المراجـل فـي نعيـم
والحر مايشبـه بطبعـه للحبـاري والنعـام=والطيب مايشبه ردي القول والقـدح الذميـم
واختامها لاغصن زيتونـة ولاربـد الحمـام=ابشعل الحرب الضروس وبسمـك الله كريـم
واليوم ياوجيه القبايـل يالعزيزيـن الحشـام=حنا ترانا فالمواقف مـن تميـم وفـي تميـم[/poem]

[align=center]وهذا رد سرهيد على جهز[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
سلام يا هل المنتدى، مني تحية و احترام = و اخص، من لا ظن ، في سرهيد بالظن الاثيم
العضو خالد ، نشكره، و نقول يا القرم لهمام = اسلم و دم ، جعلك ، من النمات و الغيبه سليم
و الثانيه يا اهل المنابر ، جابني نظم الكلام = قيل ٍ من المدعو جهز يسب مدري يستضيم
و اقول له ، لن كان جاك ضغوط ، من شان الدوام = لا خير في دار على جرف ٍ ليا امسى اصبح هشيم
دار ٍ، تجنس فالزنوج ، و رحلت صبيان يام = و استبدلت روس العرب ، بالعلج و العبد الزنيم
ما قدرت روس الرجال اللي يقدون الجهام = و لا قدمت غير العجم ومخلفات ابو شكيم
ارحل و هاجر يا جهز، قص الرسن حف الزمام = و الله لو اني في مكانك و الله الشاهد ما قيم
ما اجلس و اناظر فالقوافل، بالطريق الها ادحام = قبيلة صما صميمه، با وسط الصحرا تهيم
ارحل ، تخير فالخليج ، اللي نزيله ما يضام = الشيخ جابر، فالكويت، و دار عيسى ما تضيم
لعمان ، و لا دار زايد ، جعل زايد للرحام= عساه في جنات عدن ، ومنزلٍ صدق ٍ كريم
و ين انت عن دار السعود ، و حامي البيت الحرام = عبدالله الغالي سديد الراي ، و ان تاه الحكيم
اترك بلاد ٍ، كل ما اقفى عام ، جا ها شين عام= ما يامن الرجال فيها، لو تشوفه في نعيم
اليا وفيت لحاكم ٍ فيها ، وحرّمت الحرام = انك رفيقه بالشد ايد، لو يحول بالجحيم
تحمي حماه من الخطر ، تدرا قفاه عن الملام = من عقبها تجحد فعولك كنك مسوي جريم
عامين و لا حولها ، و يجيك مرسوم اتهام = انك من اللي خانوا الشيخ الجديد مع القديم
و انك جريمتك الوفا، يوم الحدوا فيه اللئام = و ان انك مرحل من ديار ، حكمها ما يستديم
و اصبح وفاك اجرام، و اخلاصك ، جعل بيتك هدام= و ليا اشتكيت لمن؟ حريم و اشباه الحريم
هذا و لا ارذل من بهم للجود منقع، و التزام = الخير فيهم ، جعل بيت الجود ما يمسي هديم
و اما قصيدك يا جهز، رتب بيوته بانتظام = و ارض النفوس بهجونا، صب الهجا صب الحميم
ردي على شتمك، و ظلمك ، يا جهز "برد و سلام" = يقول سرهيد العتيبي يا جهز مانت بخصيم
اسم العتيبي ، يا جهز، معتقك، و بصدرك وسام= دامك عتيبي، نحتمل منك الخطا مانتب غريم
حنا عتيبه، و اسمنا، مكتوب مع خيرالاسام= يوم اسم بعض الناس فيه العوج دايم تستقيم
حنا سلاح للشدايد، بامنه الدولة تنام = و لا الرخا ، ما همنا من جا يقول انه زعيم
نكره ، فعول الغدر ، نفرح بالوفا و الاعتزام = و في كل دار حقوقها كل ٍ عطاه الله قسيم
و الناس منبعها، و ابوها آدم، نبي ٍ للانام = ترثة نبي و اشراف، بامر العادل البر الرحيم
لكن ،فرق بينهم ، فعل الفواحش و الاثام = و احد ٍ رعا عشب الحيا، و احد ٍ على النبت الوخيم
احد ٍ دروبه كلها مشي ٍ مع الدرب الحرام = و احد ٍ يوجّه و جهه الطاهر لزمزم و الحطيم
و احد ٍ على قطع اللحم و احدٍ على قطع اللحام = و احدٍ ، يحاول يبتني مجده ، و أحد ْ مجده قديم
و احدٍ يعز الجار ، و ان جا الضيف يفرح به هَمام = و احد دخيله ، تنغرز به خنجر الليل البهيم
احذر من اللي ، يا جهز، ما حولهم مجد يرام = احذر تجي كنك يتيم ٍ فوق ما ئدة اللئيم
و ان كان رغم العفو عنك، الحقد في خاطرك حام = اظهر مكانين الضماير لا تخلي الجو غيم
و ان قلت لي ، ربعك تميم ، اقول لك طيب تمام = افزع بهم، حل المشاكل ، كان صادق يا فهيم
تميم عندي ، غاليه ، لو سام منسبها الهلام = و ليا ادعى احدٍ بالشرف ماحدٍ من الاشراف ليم
و راعي و زيرستان ، ما حطك محامي ، عن غـُـــلام = اللي نصاكم من بلوشستان و اصبح من تميم
قبيلة من ضيع اصله ، طب فيها من شمام = عزيزة كل يبي من عزها و الله عليم
هذا و قول الطيب، يا هل المنتدى ، مسك الختام = ارسلت باقة ورد تحملها ذعاذيع النسيم[/poem]

[align=center]وهذا رد جهز على سرهيد[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]

قال العتيبي ســــــرهدي يا ام القــوافي بنتضام=دكـــي حصــــون التايه اللي هز وجدان الحكيم
تغطرســـي علــى حدود الباغي الغث الحـــــرام =اللـــي تجــــــــاوزكل حد من الادب واصبح نقيم
اخــــذي علـــــى داره كـــذا لفه ودوره وانقسام =صبي على راســـــــه ردي القول والقبح الحميم
اللي درق في ســــد ذربين الرجال اهــل الحسام =واصبــح يكيــــــــل الشتم لرجال المعزه والعديم
معروف يا شـروى النساء والهرج عنوان الكلام =معروف والكلمــه تخصـــــك دون ما تعني الكريم
ندري ان فــي ربعك رجــــالٍ تســـتحق الاحترام =ولا انت فــــي طبعك تجي في طبع مريومه وريم
مـــا انته تمــــثل فالمــــــواقف لاحشيم ولاحشام=ولا انته تمــثل فالمــــــــواقف لاحشام ولا حشيم
لا فــرق مـــابينك و بيـــن ام الــزميـــــم والزمام=بالضبـــط فــي عيـــــني مثل ذات الزميم والزنيم
ام القــــلاده والوســــــاده والبريقـــــــع والغرام=نشــــــميةٍ يشـــتاقها فـــــــــي بارد الليل الوسيم
الــــى متـــــى وانتـــــه كذا مندس في سد الكرام=يا نعنبـــوا رايك تــــــــــرى رايك هذا رايٍ عقيم
منهجــــك منهــــج واحـــدٍ ما يســـتحق الاحترام=عــارٍ علـــــــــى ربعك ترى رايك ماهو رايٍ فهيم
عيبٍ علـــــــى مثلك يجي ضربه تحت حد الحزام=اللــــي شــــــــرب من كف غيره بشروه بكل ضيم
احسن لك البس برقع اختك واستريح من الخصام =ولا البـــس اعقـــــــال الرجال وخلك الند الخصيم
طبعــــك كـــذا طبـــــع الجبان وفيه خسه وانهزام =ما انته عتــيبـي يا قبيــــــــح القول يالوجه الذميم
انته تجــــي في ســــدنا حيلــــــة ضعيفٍ مستظام =يوم اغلقـــــــوا دونك حدود الدار يا بليس الرجيم
ما ودي افصــــح عـــن قبيلتك الكــــريمه يالخمام =ولا انت معروف النبا شروى الحــرام من الحريم
حنــى علــــى عـز ومعــزه كــل حـال وكــــل عام =فـي ظــل دولتـنا قطــر دار الكــــــــــرامه والكريم
فــي ظـــل ابومشـــعل حمــد رمــز التقـدم والسلام =اللــي رفــع من مســـــتوى شعبه وعاشو في نعيم
دار الرجــــال اهــــــــــل المعزه والكرامه والكرام =تاريخها يشــــــــــــهد لها من سالف العهد القديم
وحيلتك هــــذي ما توصــــل لاهـدفك ولا المـــرام=ورعٍ قبـل حـــــد الفطــــــام يدلعـــــــــونه يالفطيم
يا معــقب الفنجـــــال مــالك لانصـــير ولا مـقـــام =كــذاب فــي قـولك غـــــلام وصـــار قايد من تميم
يكـــرم علــــى شـيخ الرجال اهل المعالي والوسام =يســتاهل المـدح المــوقر راعـــــــــي العليا العديم
وانته يا بو ذمـــــــــه وسيعه جيت شروات المدام =تـــذم ولا مـــا تـــذم العـــاقــــبه علمــــــــك وخيم
حتـــــــى ايش لو تنشر قبيح الذم في شرقٍ وشام =عنـــزٍ تنـاطــــح فالجبــل ولا الجبـــــل دايــم مديم
هــــذي قطـــــر ورجـــالها تكــرم عن افعال اللئام=واللــــي تبـــين مـن كـــلامك حـقد ينطــــقه اللئيم
كنــــك علــى باب الــردى دايــــــم كذا قباض زام =ما تدري انك فــــــي عيون الناس معروف وبهيم
وارجــــع واقــــول اللــــي يعد الحق لايمكن يظام=اللـــي يظــــــام اللي دروب الخير عن دربه تهيم
والله بلانــــا فيك ياللـــــــــي صايبه نوع انفصام =يوم اطبقت بقعــــــــا عليه اصبح يون ويستضيم
ما يدري ان الــوقت مايرحـــــــــع ولا ياقف امام =ما اخبلك يا شــــــــاعر على غفله وذا فكرٍ سقيم
ومـــن عـاش بالحــيلات يجمـــع بين كفينه حطام =ان مــــــات مذموم النبا وان عاش ما قالوا حكيم
واختامــــها لاغصــــن زيتــــــونه ولا ربد الحمام =ابشـــــــــعل الحرب الضروس وبسمك الله ياكريم
واليوم يا وجيــــه القبــايل يالعـــــــزيزين الحشام =حنــــى ترانا فالمـــــواقف مـــن تمـــيم وفي تميم[/poem]

[align=center]وهذا رد سرهيد على وقد غيّر القافيّه [/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
جز يا جهز لا تزج بجزة الجـزاز جِـز يـا جهـز=ترا سلوك اللغب توشك تنـوش الكهـرب العاليـه
وانا مقدر ظروفك، يا عتيبـي مـا تركتـك عجـز=لكن اشوفك تجاوزت الحـدود بضـرب الامثاليـه
طالبك مطلوب لا تقعد تقز الشـرق و الغـرب قـز=تحمد الله، ترا نفسي عليـك مـن الزعـل خاليـه
لو بس ما الله خلق في وادي الميقات شجرة كـرز=و صارت نسب وافد ٍ عنده موضّا الحـاج برياليـه
ما صرت انا و انت فرجة بلحط ٍ ما تلبس الا الشمز=اللي بعضهم همايا مـن طـرف كِـرلا و بنغاليـه
و لو كل كلب نبحنا ثـم خزينـا عـلا بيـه خـز=اصبح مخز الجعر، فالسوق دايـم قيمتـه غاليـه
و انا للاه انت و الله ثم والله، ما اخشره فـي ملـز=خيلي ميا دينها اكرم من خيـول الهجـره التاليـه[/poem]

[align=center]وهذا رد جهزعلى سرهيد[/align]

[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
لو جيت تبغاااا ترز الخيط عمر الخيط ما يرتكز=التاليـه يا حـــلال القــــوم جـتك اليــوم متواليه
واللي برز بالــردى ما كن علمه مع العالم برز=وشـــــلون اجل لو علومه صارت اليوم بطاليه
حتـــــى ايش لو اتقى في سدنا وانهزم واحترز=ما يتقـــي غيـــــــر ذات المستحى وام خلخاليه
بالامـس تهدر وصــــرت اليـــوم كنـــــــك خزز=يوم احتــرق وجهــك العــــابس بنـــــارٍ صاليه
كان انت تاكل حصـــــاء حنى ترانا نعد الخرز=والله لتبطي ونفســـــــــك بالردى غير متشاليه
خســـئت.. تغـلـــب قصـــــــيدٍ بالصحيح اعتنز=وشــــــلون وانته من العز عاري وتلبس الباليه

وانا عتيبي عـــريب الجـــد واســـــــمي جهز=ولا يتقـــي غيــر ذات المســـــتحى وام خلخاليه[/poem]

التوقيع : الحصان



ان جتني العوجا من الربع الا نجاس=لي وقفة ٍماهيب وقفة بذومي
تلقح وتنجب غيض وتضيق الا نفاس=ماهمني فالقيض لفح السمومي
الحصان غير متواجد حالياً   رد مع اقتباس
قديم 04-15-2006, 09:17 PM   #2
معلومات العضو
ابوسـعد

عضـو الإدارة

رقم العضوية : 1260
تاريخ التسجيل: Mar 2005
مجموع المشاركات : 23,744
قوة التقييم : 10
ابوسـعد is a glorious beacon of lightابوسـعد is a glorious beacon of lightابوسـعد is a glorious beacon of lightابوسـعد is a glorious beacon of lightابوسـعد is a glorious beacon of lightابوسـعد is a glorious beacon of light

كلام في منتهى الروعة تسلم يالحصان....هذا نسل الجدود....الي يعرف السنع من عهد آدم وحام...واستمتعنا بهذا الشعر الركيز ولك خالص الود

ابوسـعد غير متواجد حالياً   رد مع اقتباس
قديم 04-16-2006, 06:23 AM   #3
معلومات العضو
العود الازرق
عضو محترف

رقم العضوية : 471
تاريخ التسجيل: Mar 2004
مجموع المشاركات : 262
قوة التقييم : 21
العود الازرق is on a distinguished road

ما ودنا والله انه هالقصيد نشرتوه

ما هيب زينه في حق عتيبة يتسابون

على الاقل ما تنشر فالمنتدى اللي كلن يدخله

وش بيقولون عنا

يا عيبااااااااااااه

التوقيع : العود الازرق
[size=4]احيان ودي بس افل اجنحتـــــي +++ واطير لك من وحشتي وهيامـــي

جيتك وانا فاقد جميع اسلحتـــي +++ يا كود باقي دفتري واقلامــــي

عرشك بعيني مكتمل وان طحتي +++ منه يشيلك قلبي المترامـــــــــي

رماني الله بالغلا واجتحتــــــــي +++ قلبي وصرتي فارسة أحلامــــي

الشعر خصمي والهوى مذبحتــي +++ لكن معاك أزريت اشيل عظامــي

كبرتي بقلبي الين اصبحتـــــــي +++ مثل العلامة فارقة بابهامــــــــي
العود الازرق غير متواجد حالياً   رد مع اقتباس
قديم 04-16-2006, 10:08 AM   #4
معلومات العضو
((الدلبحي))
عضو مميز

رقم العضوية : 62
تاريخ التسجيل: Jun 2003
مجموع المشاركات : 1,645
قوة التقييم : 24
((الدلبحي)) is on a distinguished road

والله شعار وعمالقه

تسلم يالحصان

تحيااااااااااااااااااااااااااااااااااااااااااتي

التوقيع : ((الدلبحي))
((الدلبحي)) غير متواجد حالياً   رد مع اقتباس
قديم 04-16-2006, 08:48 PM   #5
معلومات العضو
الحصان

رئيس مجلس الإدارة

رقم العضوية : 25
تاريخ التسجيل: May 2003
مجموع المشاركات : 2,325
الإقامة : نجـــــــــد
قوة التقييم : 10
الحصان is on a distinguished road

ابوسعد لاهنت ومشكورعلى المتابعة

العود الازرق القصايد منتشره في كثيراً من المنتديات والذي جعلني انشرها هنا قوة القصايد مع ان الشعراء لانعرف عنهم شيئ ولم نسمع بهم

الدلبحي مشكور على المتابعة والحقيقة انهم شعراء عمالقه كماقلت خاصة ٍسرهيد ارا انه متمكن اكثر من جهز

الحصان غير متواجد حالياً   رد مع اقتباس
قديم 05-11-2006, 12:41 AM   #6
معلومات العضو
النـايــــــف
عضو مميز

رقم العضوية : 4
تاريخ التسجيل: Apr 2003
مجموع المشاركات : 9,626
الإقامة : www.otaiby.com
قوة التقييم : 40
النـايــــــف is on a distinguished road

مشكوره اخوي الحصان

على هذا الاختيار

تحياتي لك ،،،،

النـايــــــف غير متواجد حالياً   رد مع اقتباس
قديم 05-13-2006, 06:46 PM   #7
معلومات العضو
النابغه الجعدي
موقوف
رقم العضوية : 2584
تاريخ التسجيل: Jan 2006
مجموع المشاركات : 447
قوة التقييم : 0
النابغه الجعدي is on a distinguished road

القصيده الاولي مش لكنة عتيبي واضح انه مري بين لهجتهم وحتي اللحن لحن القصيده مثل لحون المره وحاط نفسه عتيبي

ولا جهز معروف

النابغه الجعدي غير متواجد حالياً   رد مع اقتباس
قديم 05-14-2006, 12:05 AM   #8
معلومات العضو
المزحمي
 مراقب الأقسام الخاصه بالقبيلة

مشرف أمراء وفرسان القبيله وشعراءها

رقم العضوية : 449
تاريخ التسجيل: Mar 2004
مجموع المشاركات : 329
قوة التقييم : 21
المزحمي is on a distinguished road
Smile

غريبة يا الحصان ما تعرف جهز بن سيف !!!!



جهز بن سيف العتيبي شاعر معروف في قطر


وأبنه أيضاً سيف بن جهز شاعر


وهذه المناقضات قديمة وجدتها في منتديات منابر ثقافية


وشي طبيعي أن تجد عتيبي يغضب لما حصل للغفران من آل مرة



وبالنهاية


عتيبة والمره والهواجر وكل قبايل قطر أخوان وهم من بعض

التوقيع : المزحمي
لا إله إلا الله
المزحمي غير متواجد حالياً   رد مع اقتباس
قديم 05-14-2006, 06:56 PM   #9
معلومات العضو
الحصان

رئيس مجلس الإدارة

رقم العضوية : 25
تاريخ التسجيل: May 2003
مجموع المشاركات : 2,325
الإقامة : نجـــــــــد
قوة التقييم : 10
الحصان is on a distinguished road

اخي المزحمي انا والله ماعرف هذا الشاعروليس غريب عندم معرفتي به حيث ان قبيلة عتيبة قبيلة مترامية الاطراف وشعراءها كثرولكن ماقلتلي من ايا عتيبة الشاعرجهز وكذلك الشاعر سرهيد

الحصان غير متواجد حالياً   رد مع اقتباس
إضافة رد

العلامات المرجعية


أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شيخ قبيلة الدماسين من عتيبة يكرم سعد بن جدلان شاعر قبيلة اكلب و عددا من شيوخ عتيبة واعيانها وشيوخ القبائل الاخراء عدنان منتدى أخبار القبيلة 12 10-31-2012 04:53 PM
00 !! هنـــا يا شعراء منتدى قبيلة عتيبه .. تحدي من نوع آخر !! 00000 الــســلــيــس منتدى قصائد الأعضاء 11 08-15-2007 10:24 PM
عاجل مطلوب شعراء عتيبة نيشان المارتين منتدى الشعر الشعبي المنقول 4 04-26-2007 12:32 AM




Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها