"يا كـاسبين الطـــيب"

[احمد الزايدي]

يا كـاسبين الطيب يكفيكم الطيب=الـطيـب ساس المرجـله زين فـــاله

أنا أشهـد أن الطيب مابه عذاريب=كل الخـصـال الـطيـبه من خصاله

وفالناس ناس(ن)يشذبون العراقيب=واكـيد فــيهم مـن يحـب النذاله

وماكل رجل من رجال المـواجيب=أهل الـكرم والجود في كل حـاله

ومن لا مشى في سكة الشك والريب=يجـمل ومـن طبعه يحب الجماله

والـيـا رقـا الرجـال فـاعـلى المراقيب=فعله ينـومس قـدم عمــه وخـاله

ضيـفـه يقـدم لـه كثير الـتراحـيب=يكـرم ســبـاله حـين يـلـفــي لحـــاله

والشمس دايم تبتدي يوم وتـغـيب=أبـحـكمـت الـخـلاق جـل جـلاله