ماقلت لي شي وش خليت ماقلته ..!!

[روض القصيد]

ماقلت لي شي وش خليت ماقلــــته
اسكت وخل الكلام لـ جرحي الـدامي

لو غيرك اللي يسولف ماتحملـته
لكن على شان عينك هانت آلامـــــي

للحب مفهوم عمرك ماتخيلـــــته
ماظن يستوعبه تفكيرك الســـــامي

هذا الفراق الطويل وهذي اسالته
وهذا حصاد السنين وهذي ايــــامي

ياما وياما عليك البال طولــته
والعمر عدا وانا عايش على اوهامي

حتى طريق الفراق اللي تساهلـته
لقيته اصعب على نفسي من اقــدامي

اصبر لي شوي لو دمي تثاقلـــته
بحاول استوعب اللي صار قــــدامي

الحب ضحكه بعينك بس ماطلــــته
عمرك بهالكون شفت ابسط من حــلامي

القلب لو ماخفق لك كان ماشلـته
ولو منت ملهم قصيدي جفت اقـــلامي

هذا قصيدي بعينك لو تجاهلـــته
ينزف على شان يروي قلبك الضــامي

العام طاري غيابك ماتقبلــــته
واليوم حرماني اصبح مصدر الهـامي

لاتعتذر لي وبـ أنسى كل ماقلــــته
وش ينفع العذر لامن ضاعت ايـــامي

من روائع متعب التركي