بيروت

[ناصر بن سعدي]

[align=center]الأخوه والأحبه


هنا


يسرني أن أنقل لكم قصيده تواكب الأحداث...


وإليكم..مايلي...[/align]


[frame="7 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحـه صـدري مـن الـهـم مكـبـوت=ولاينـفـع المكـبـوت كـثــر الـمـنـاوي
حاولت اشوت الهم في داخلـي شـوت=وخـانـت هـقـاويّـه بـعـيـد الـهـقـاوي
وممّا تشوف العين أزعجت بالصوت=واطـلَـقْـت للـمـطـلاع حـــرٍّ نــــداوي
وياصاحبي لامن غدا الوضع مفلـوت=والله لْتـسْـمَـعْ فـالـدعـاوي دعـــاوي
ويضيع بَخْت اللّي من الناس مبخوت=ولاينْفِـعِـه عـقـب المطـيـح الـعـزاوي
والحـرب ماهـي لِعـب كيـرم وبيلـوت=ولاعِقْبهـا بِتْـشـم لــك عــود جــاوي
الحـرب نـار تسـوق الارواح للمـوت=ولاهـيـب لاتـرحـم ولاهـيــب تـــاوي
كـم مـن سببهـا سايـل الــدم مكـتـوت=وكم شعب من لسْعَة شررهـا جـلاوي
فيـهـا دمــار بـيـوت ماتِعْـمَـر بـيـوت=ايقولـهـا راوي عـلـى لـســان راوي
وحسبي على اللي جرّ للحرب بيروت=وزوّد جـروحــن مـالـهـنَّـه مــــداوي
كانـت بلَـد يِثْمِـر بهـا التيـن والـتـوت=مِـخْـضـرّة ٍ والـعــود ثــابــت وراوي
واليوم حبْلِ حْصارهـا صـار مكـروت=وزادت بـلاويـهـا القـديـمـه بـــلاوي
إيلوتـهـا صهـيـون بالطـايـره لـــوت=ويْـشِــنّْ غـاراتــه بـكــل الـنـحــاوي
ويالله يامنـجـي نبـيّـك مــن الـحــوت=ومرسـل محـمـد بالكـتـاب السـمـاوي
يـا ناصـر الإسـلام فـي عيـن جالـوت=أنــت الـرجـا لـلّـي كثـيـر الـرجــاوي
نسألك في صهيـون تِحْرمهـم القـوت=وتِنْـزِل عليهـم كــل حــارق وكــاوي
وتنْصـر عبـادك بيـن غـزّه وبيـروت=وتْعـيـذْنـا شـــرّ الـفـتـن والــبــلاوي

الشاعر

محمدبن دخيل الله القثامي[/poem][/frame]

[سفيرة عتيبة]

وحسبي على اللي جرّ للحرب بيروت وزوّد جروحـن مالهنَّـه مــداوي

فعلا حسبي الله وكفى .... القصيدة حيييل مؤثرة شكراا على هالموضوع جاي في وقته

[تذكار هايم]

الله الله صح لسانك يالغالي ولسان القثامي ولعنة الله على اليهود وأمريكا

[اخو من طاع الله]

مشكوره يا ناصر على حسن اختياراك والله يفرج عن اخوااننا في لبنان

[إبن ثعلي]

مشكور ياناصر على حسن الاختيار وصح السان الشاعر
تحياتي

[مخاوي النشامى]

صح لسانك اخوي بن سعدي
ولسان من قالها
الله يفرج عن إخواننا في لبنان وفي كل مكان

[النـايــــــف]

صح لسانك يا ناصر

وصح لسان الشاعر محمد بن دخيل الله القثامي


وبيض الله وجهك يا الذيب


على هذا الاختيار



تحياتي لك ،،،،

[برقاوي هواوي]

تسلم أخوي ناصر على نقل مثل هذه القصيدة وصح لسانك ولسان قايلها

وأسأل الله أن ينصر المسلمين في كل مكان