من لاقدح من مخة الرأس شاره = لاتنخطب بنتـه ولاتوخـــــــذ ريـاه

[رشيدالهديرس]

[poem=font="simplified arabic,5,#ffb900,bold,normal" bkcolor="#181804" bkimage="" border="none,4,#400000" type=0 line=0 align=center use=ex num="0,#400000"]
من لاقدح من مخة الرأس شاره = لاتنخطب بنتـه ولاتوخـــــــذ ريـاه
ومن لارفت يمناه زلـة يسـاره = تصبح يمينة قدرها مثل يسـراه
ومن لانفع ماظر في كـل غـاره = ومن لاهـــــدم مالـه بيـوت مبنـاه
ومن لاعرف مقدار نفسه وكاره = سحم السباع إلي تقانب تعشـاه
من لا بنا ساس المسلح عمـاره = يصبح شماتـــه لنفوس المـراواه
يقول من ذاق الحـلا والمـراره = تجـارب الدنيـا كتبهــــــــــا بيمنـاه
أخذت من بعض التجاره عبـاره = يجاهـــــــل الايام بوصيـك بوصـاه
إليا نزلت السـوق دور خيـاره = يابعد فرق الزين والشين بعـــداه
واحفض لسانك زين وقت الزياره = من طاع نفســـــه باع دينه بدنيـاه
وانااعرف ان الحر تكفيه الاشاره = والعلـــم مافـاد القلـــوب الموطـاه
والطيب ماهو من بنوك التجـاره = الطيب طيب بساعة الضيق نلقاه
وليا بغيت القاف ماخذت إعـاره = يلــي ترد اول كلامــــك عـلا اتـلاه
ارفع مقام الشعروبنـي جـداره = ولاهوب متعبني اليا صعـب معناه
يلي تقول الوعل اسـد المغـاره = وتلبس السرحان شعـرمن الشـاه
عباد وجـه ولا بكبــــــدك مـراره = كيف البشر يعبـد بشر كنه إيـاه
من كيد نفسه معمي الله بصـاره = ولايلعن الله غيـــر قوم المضاهـاه [/poem]

الشاعر المرحوم عاضه المرزوقي البقمي رحمه الله

[ناصر بن سعدي]

الله يرحم الشاعر عاضه المرزوقي البقمي

ويسكنه فسيح جناته ..


وأبيات ذهب ودرر من الحكم ,,


لله درك ودر نقل الرائع إخوي / رشيد

[اصايل]

وانااعرف ان الحر تكفيـه الاشـاره==والعلـم مافـاد القـلـوب المـوطـاه

والطيب ماهو مـن بنـوك التجـاره==الطيب طيب بساعة الضيق نلقاه



الله يرحم شاعرها


ابيات جزله


سلمت ياخوي ع النقل


لاهنت

[عذب السجايا]

رحم الله قائلها
وحفظ الله ناقلها

[شيخ الشيوخـ]

الله يرحم قايلها


من درر الشعر وتكتب بماء الذهب


فيها من الحكم الشيء الكثير


سلمت يمينك يارشيد قصيده تستحق الاشاده لمافيها من الحبك والسبك