*./..لــــ ــو بيـــــديـ هـ ــم يتـشــبـ هــ ـون اشبـــ هــ ـوني../.*

[*دلوعة عتيبه*]

..
.


هاي قصـيـــــــــــــدهـ من روائــــــع المبــدع حامــــــــد زيــــــــد
اعجبتنــــــــي وحبيـت انقلــــــــها لكــــــــمـ....


..

يا كثـــر ما رافقـــت خــــلان واحبــــاب
ويا كــثر ما في شدتـــي همـــــــــــلوني

على كـــثر ما أعدهـــم ستر وحجــــــاب
على كـــثر ما احتجــــــتهم واتركـــــوني

من صارت الخـــوه ثمن حــــــفنة تــراب
نفس الوجيه اللي نصـــــوني... نـــسوني

من غير ذكر فروق، وعروق، وأنســــاب
كانوا ثــلاثة ...والثــــلاثة جفـــــــــوني

علمـــتهم وشلون الأهـــداف تنــصـــاب
ولما سواعدهم قــــوت... صــــــوبوني

عشــــاني أصـغرهم عمر صاروا أحزاب
عشــــاني اصدقهـــم قــــصيد اظلموني

اللـــي نجاح اسمي زرع فيــــهم أنياب
حتى النصـــيحة ما بغـــوا ينصــحوني

دام العطـــايا عندهـــم ديـــن وأتعـــاب
والله لــو أطلـــب ذنبهــم ما عطـــوني

طالـــب نصيحة، كني طـــــالب أرقاب
وهي نصيـــحة؟!كيف لو زوجــــوني؟

كنت أكتـــب لنفسي مشـــاريه وعتـاب
ولا ادري إن اللـــي قروني... قروني

تضــاربت من دوني عقـــول وألبــاب
واجد بغــوا غيري... وواجد بــــغوني

أقفل هــدب... تسـهر على شعري أهداب
كني حبــــست إرقــــادهم فـــي جـــفوني

لو شفــــتهم واحد... يشوفـوني اســـراب
من ويــــــن مـــالدوا نظـــرهم لقـــــوني

أثري وجـــــودي بينـــهم محرق أعصاب
ومزعــل بعضـــهم من بعض لو طروني

يا كبـــري بعـــيني وأنا تـــوني شـــــاب
واهم كـــــتاب الشـــــــعر حاربــــــوني

حــــتى ولو يهوي على نجمي شهــــاب
يكفيني إن إسمـــــي كـــبير بعـــــــيوني

قد قال ابوي: ان هبتهم قول: ما هاب
لو يقـــــــدرونك قــــول: ما تقدروني

مادام قــــــبري محــتضن راس مرقاب
على كـــــثر ما تـــــــقدرون ادفنـــوني

لو ماني بذيب إنهشـــــت عظمي ذياب
لو ما عـــــرفت اثبت وجـــودي لغوني

لو ما ســـــكنت وجــــيههم مت بغياب
لو ما قدرت أمحــــي ورقــــهم محوني

أصبحت الأصعب لأنهم كانوا اصعاب
جنـــــــنتهم مثـــــــل ما جــــــــننوني

ماجـــــيت أبدبل كبدهم شعر وخـــطاب
لين أدبــــلوا كبد الذي خــــــــــــلفوني

يا ويل وجــــــــهي كن للدمع مخــلاب
ما جـــف ماه ولا استحى من طعــوني

كل ما طرالي منظـــرمريـــب وأرتاب
كان الوحــــيد اللي يحرك شجــــوني

قبلة صلاة،وذكر، وخشوع، وكتــــاب
وأمـــي على سجــــــــادة النور دوني

تدعي لي الله يفتــــح بوجهي أبـــواب
تتوسله بالـــــشده يكون عــــــــــوني

من كثر ما خفـــــاقها بالدعــــــاء ذاب
صـــــارت تحس إن زملاي اكرهوني

بشرتـــها: يمه معي ربــــع وأصحاب
ماني لحـــالي واجد اللي يــــــــبوني

من يوم ما حـــــــاز قلمي كل الالقاب
قلطـــــــتهم في دفتري واحفظـــــوني

الله وهبنيــــتهم بني عـــــم وأجنــاب
من يوم جــــيت اعجبتهم واعــجبوني

واعجـــابهم فينــي ما هو أي اعجاب
باسلـــوبي، بشرحي، بطرحــي، بلوني

لوقلت عن نفســي( بشر)..صرت كذاب
لو قلــت : ( دمي من ذهب) صدقوني

لو بكيـــفهم كان ازرعوا دربي أعشاب
لو بـــــيدهم يتشبــــــــهون اشــــبهوني

من كثر ما صاروا من طبوعي اقراب
حتى بلبســــــة شمغــــــــــهم قلدوني

واجد دعوني واغلـــــقوا دوني الباب
واكثار نــــــــاس أبكي لهم ما بكوني

لوطــــــالوا لهدمي مناسيب وأطناب
كان وغلاتــــــك من زمان اهدموني

مدام حـــــــطوا فيني عيوب وسباب
جنبــــــت عنـــــــهم مثـــل ماجنبوني

أصلا لو أن بخوتي شي ينـــــــعاب
ذبحت نفســــــي قبل لايذبحــــــــوني

أنا يدي لو ماكـــــست متنـــــي ثياب
نذر ٍ على لقطـــــــع يدي من مــتوني

موعيب أجي مدعو ولا أشوف ترحاب
العــــــيب لو إني رجعـــت إن دعوني

مادمت اجي ولا يحسبون لى حســـــاب
حرمـــــــت اروح اذا يــــبوني يجوني..







وســــــــلامتـــــــــــــكمـ..