يامن شرا له من حلاله علّة

[اصايل]

يهتمّن ويتمسمن قدام المراية عشر طعش مرة باليوم .. ياهي ملت من وجيهّن هالمراية

لا وبعد لازم مراية شنطه ياصبر الارض

حشى ورشة تصليح مهب زواج هههههه

رفقا بالقوارير

عالبركة الرمزية الجديدة ماعندتس رمزية سلف

يبارك فيك بس تجيني هدايا لبى صقيقاااتي ..

ومانيب فاضيه السلف تلف دبرعمرك

[ابوسـعد]

المشاركة الأصلية كتبت بواسطة مامثلي أحد - مرحب حياك الله أبو سعد الدراسات مايسويها إلا الدول المتقدمة طال عمرك يعني خذوا العلم ولا تشاورون فيه و مشكلة إذا كنا بنحتري الدول النايمة يسوون دراسات عشان نصدقها ونعترف فيها عز الله كدينا خير بالنسبة للنسبة .. هذي وحدة من الدراسات .. فالدراسات كثيرة ومتنوعة حول هالموضوع والتي تشير أن معدل أصابة الرجال أكثر من النساء بأمراض القلب .. أووم الأسئلة اللي جايتن معترضه .. أرفق علينا ياملّي هههههه يابو سعد ياحييّ أغلب الدراسات اللي نقراها ما نطلع إلا على نتيجة الدراسة أما أسلوبها العلمي وطريقة البحث وهالعلوم فلسنا بجهة أبحاث أو مهتمين فيها حتى يبينون لنا هالأمور بالتفصيل فأكيد ماراح يطلعونا عليها كقراء على قد حالنا مالنا خبرة بهالأمور .. الحقيقة ماعندي خبرات شخصية لكن هذا لا يمنع من إبداء الرأي و نقد بعض التصرفات الغير لائقة اللي تصدر من بعض الحريم فبعضهن ( ترفع الضغط وتجيب أنواع الأمراض المستعصية ) يامال الملاس على ظهرها عشان تستادب ( وجه واحدن قفلت معه ) لاخلاف القرأن والسنة هي المرجع والزواج هو سكن وأنس ورحمة ومودة ..لكن بعض الحريم ( بلوى ) ( يالله أنك لا تبلانا ) لاتقدر هذه المؤسسة ولا تقدسها ماغير مطنقرة و منكدة على رجلها وعلومها كلها مخيسة ولاهي يم سنع لا فض فوك أستاذنا أبو سعد نستمتع بحديثك طال عمرك ومناقشتك ( مناقشة التلاميذ لإستاذهم ) كل ماذكرته متفقين عليه طال عمرك والحب عذاب والزواج زين لكن حكينا عن فئة من النساء وما أعمم ومو كل النساء سيئات ورايحات في عين أمها .. حنا نتكلم عن جزء والجزء من الكل وهالسلوك السيء راح يستشري إذا ماحتسينا فيه و وقفنا ضده .. و حيّوه أبو سعد . -

الله يحيي نباك يالوسيم حيل ونقاشك متعة وانت استاذ لا يشق لك غبار بارك الله فيك"والمرء بأصغرية عقله ولسانه" وما اشرت إليه عن الدراسات كلها في الدول المتقدمة فهذا كلام صحيح ولكن جلها على بيئتهم وبطرقهم واساليبهم..ونحن للاسف شعوب مستهلكه للابحاث والصناعات ويهمنا النتائج كما قلت بارك الله فيك ولكن مصدر الدراسة مهم لمن يرغب في معرفة تفاصيلها.
موضوع الخبرات الشخصية اعجبت بأول الرد وما بعده ولكن في الاخير اوصيت بأستخدام آلة الاكل الملاس في الضرب على الظهر لبعض من النساء اللاتي يرفعن "الضغط" ويجيبن "أنواع الأمراض المستعصية" وهذه يمكن ان تحل بدون استخدام العنف فهناك طرق للتعديل عديدة اوصى بها الرسول صلوات الله وسلامه عليه مثل اشتخدام اسلوب الرفق فهذا الاسلوب ما جاء في شيء الا زانه، فرفقا بالقوارير..وكذلك اسلوب النصح والارشاد والاسلوب الحواري وغيرها كثير..فأنت حفظك الله مقبل على المدرسة الزواجية وهذه تحتاج الى تخطيط لأن انتاج الاولاد مهمة صعبة ولابد من تظافر جهود الزوج والزوجة في بناء اسرة مستقرة تستطيع ان تربي اجيالها على الطرق السليمة والا نشأ الطفل كما عوده ابواها..."كما قال ابو العلاء المعري"
وينشَأُ ناشِئُ الفِتيانِ مِنّا=عَلى ما كانَ عَوَّدَهُ أَبوهُ

والحياة فيها سعادة وفيها نكد ولو خلت لأنقلبت وسددوا وقاربوا وهذه الدار (الدنيا) هي دار شقى كما بين الله في كتابه العزيز عندما خاطب الله ابونا آدم وامنا حواء فقال "فلا يخرجنكما من الجنة فتشقى" .والشيطان حريص كل الحرص على تدمير العلاقة بين الزوجين ويأتيهم من كل جانب لهذا الغرض ويجب علينا طاعة الله ورسولة وعدم طاعة عدو الله وعدونا ابليس اللعين.ونحاول بكل ما نملك ان نبني علاقاتنا على المودة والرحمة لا على الصخب والعنف والنكد من الطرفين...
شكرا لك وكما اسلفت فانت استاذ مخضرم وفي نظري المتواضع ان ما قلته رعاك الله عن مسألة الضرب بالملاس( الله يكافينا الشر) ماهو الا توجه وليس حقيقة سوف ينتهي بعد الزواج بحول الله... فهو اسلوب ((حزب المحافظين)) في بعض الدول التي تؤمن بالاحزاب.
ولاتنسانا من عزيمة الزواج ترانا نبي نشتري البشوت من الآن..,وبالتوفيق ايها الاخ الفاضل وياهلاوغلا بالزين كله دقه وجله...

[مامثلي أحد]

-

المشاركة الأصلية كتبت بواسطة الأدميرال انت جاف المشاعر قاسي القلب يوجد فيك عقد وصاراعات نفسيه

طيب يابو قلبن خضر
<< يقول : ياقشر الواحد اللي يخلي الفكرة ويطمر برقبتك

المشاركة الأصلية كتبت بواسطة الأدميرال انت ان شالله انك من الريجيل اللي وش حليلهم بس شكلك متوهق الله سبحانه اباح الزواج لك باربعة حريم

برضوه طمره ماهيب صاحيه هههه

والله لاني متوهق ولا يحزنون .. مازلت على بر الأمان
و وحده تخاف الله تسدّ .. ماعندي استعداد أنصى الطايف و أقيم إقامه دائمة هناك

المشاركة الأصلية كتبت بواسطة الأدميرال بلاش نلعب على بعض اللي يبي الخنبقه يبي يلقى الف زحليقه وزحليقه

مانيب أبحث عن الخنبقة و لا نيب أدور الزحاليق والمراجيح
كتبت رأيي بكل شفافية وو ضوح ومن ماوده يتسنع و يكمل نص دينه << والله لتبطي

المشاركة الأصلية كتبت بواسطة الأدميرال وحاول تألف كتاب (حياة العزوبيه 2فول 1واحد عدس )

2 فول و 1 عدس و أنت مستانس و موسعن صدرك و مسفهل
ولا كافيار وبيض سمك و هي مقابلتك وو جهها تقول مغاظ سروال مقاس 13 هههههه
منعفط من الأخلاق المخيسة

المشاركة الأصلية كتبت بواسطة الأدميرال تورطنابوه هاللقب ههههههههه

بالعكس لقبن طلدز
قريت مرتن من المراير كتاب ( ليس للأدميرال من يكاتبه ) لعمرو العامري
رهيب هالكاتب و أسلوبه الساحر لله دره
أنصحك بقراءته

المشاركة الأصلية كتبت بواسطة الأدميرال الحياة الزوجيه حلوه بس نفهمها السلام عليكم

الحياة الزوجيه حلوه لامن ربي وفقك بمرتن سنعه و تخاف ربها فيك
وعليكم السلام ورحمة الله وبركاته




-

[مامثلي أحد]

-



أصايل ماودتس أعطيتس يوزري وتردين على مواضيعي
كذا موضوع يبي له ردود ومتكاسل ( وجه مهب نضول يقول الله من نشاطن في هالبنت ) هههه

المشاركة الأصلية كتبت بواسطة اصايل لا وبعد لازم مراية شنطه ياصبر الارض

مشكلة بعض الحريم تحس أنها أكشخ شيء .. كل شوين تطلطل بخشتها
ماتدري أنها كومة دلاخه .. الحمدلله على العافية بس

المشاركة الأصلية كتبت بواسطة اصايل رفقا بالقوارير

أحتسي بواقعية وش اللي عدلها بدون لا تكسرها ؟ آخذن لي حرمتن صاحية سليمة
و إلا أنواع الإعاقات و أشتغل تالي عمري جبّار عظام ههههههه



أصايل طالبتس لاعاد تعوّدين لهالموضوع ( وجه يجدع عقاله على أصايل )



-

[راس الطويله]

الله يعطيك العافيه .

[مامثلي أحد]

-


أبو سعد لا يسعني إلا الترحيب بك
ورجاءً كن دوماً بالقرب ..

شكراً



رأس الطويلة
شكراً



-