الرجا من الاخوان المشرفين تعديل القصيده السابقه الي القصيده هذه لان بعض الكلمات ماوفقت في نقلها بشكل الصحيح
بعض السلامـات يامجمـول توهيقـه
خصٍ ليا ظمنـت بعتـاب وجـرووه
تمر فالـروح مثـل العطـر وتويقـه
والي برى من جروووحه تنقض برووه
تجنيـد الارواح مافـادت توافيـقـه
شتان الازوال لو كـلٍ علـى نـووه
لو كل حلـمٍ يصير,,يصيـر تحقيقـه
كم غايةٍ لاخـر اللحظـات مرجـووه
وش حال من لازمه واحكـم مواثيقـه
سنيـن ودنيـن لا تـوي ولا تـووه
حلمٍ ليا اقبل علـى علمـه وتصديقـه
وجتاز الاقدار جـا تفسيـره مشـووه
ياطير يالي ملـك غيـري مسابيقـه
مانيب قايـل تعـال وماتبـي سـووه
معـيٍن الـي جعلنـا مـن مخاليـقـه
وشيمة مشيم وعزه نفـس ومـرووه
وداعـة الله وفـي حفظـه وتوفيقـه
وعليك امانه وحفضِن عن خطى سووه
مصارع البيـن والتفكيـر والضيقـه
معـاد لـي فيـه لاحـولٍ ولا قـووه