هديه لجميع اعضاء المنتدى

[اخو من طاع الله]

مثل الزبيدي ما ادري جربتي الزبيدي او لا

لكن طعمه ما هو زين يا خالوووو

بس انا راح اعطيكي سر تعلق بعض البدو فيه

ابن قيم رحمه الله ذكر في كتابه عن الطب انه لا ينصح الشباب الي ما تزوجوا انهم ياكلونه يعني هو يقوم بعمل الفياجرا مرتين
وهذا سر تعلق بعض البدو فيه ولكن شباب اليوم يصيدونه محبه في صيده لانها متعه وقليل من يأكله والله اعلم

[الفـــارسه]

ههههههههه مو مساله دلع بس الي انتم جايبين طاريه ومصورينه بعد من زين هالشيفه

مقرررررررف :(

بعدين وش دخل الضب في برقا وروق ووشو الحبرديه :(

توقعت الحبرديه يعني السحليه :(

[ابوسـعد]

لا لا يالفارسة تكفين تراك غاليه والحبردية مثل ما قال حسام فرع من عتيبة الله هداكي.......وخلونا في الضبان تكفون Please وحولها.....
والشيفه ...هذا خلق الله.................ماعليش يالغاليين.........تحياتي وياهلاااااااااااااوغلاااااااااا

[الفـــارسه]

شوفوا انا ترى مالي بقابائل عتيبه ومانقص من قدر احدهم ابدااااااااا

لكن قلت لكم توقعي عن الحبرديه سسابقا وهذا جهلااا مني بالقبائل

فاتمنى عذري وانا اسفه :)

بالنسبه للشيفه كانت مجازا عن كرهي للحيوانات

ولايغركم الفارسه يقالكم سيوف ورماح على قوله ابو سعد عني

ترى حتى البس اخاف منه ومااقدر اشوف صوره يقشعر جسمي منه فالي يكرهني يحط صور قطو :( :(

[ابوسـعد]

العذر مقبول يابنت الاجواد وانت من الذين اذا عرفوا السنع عادوا ومن عاد ما خاب....والاعتراف بالحق فضيلة...والجهل بالشيء يخلي الانسان ما يقدر الي قدامه....ولذا انا قلت اطلعوا من هالمعمعه لأن الخوض في شيء الانسان يجهله يصير اعمى........لك خالص الشكر يالفارسة على صراحتك وطيب معدنك...ولاعدمنا قلمك وياهلاااااااااااااااااوسهلاااااااااااااااااا

[السعار]

هههههههه تكفي يابو سعد كل هذا كوم والعبه كوم اخر .. ضبان العبه شبه مقدسه ماتعرف هالمشاكل والشيخ لو شافها يمكن يموت قهر حسرة على بنو جلدته .... والسؤال كيف وصلت الى تلك المنطقة المنعزلة عن العالم وتعيش في سلام الا ماندر .. ارجو عدم الاتصال بالاخ راع المحاني أو السان حاشي..رحمة الله عليه ..

[سلمان]

ي البدايه اشكر جميع الاخوان والاخوات على المرور


الف شكر لكم

[ابوسـعد]

هذه خطيرررررررررررره وحلف بعد ..ههههههههههه لا راح خرخر يبى يرسل شيخ الضبان السلاح الجوي يجيب سلمان هو وجيبه المغرز (((لاتوزى))......ابوعابد بعض المرات علومه ترقل هههههههههههه بس يمكن نستعين بالسان حاشي كانه ما مات على حد قول السعار هههههههههههه

[ابوسـعد]

هلاااااااااااا بالفارسة تدرين حنا يالبدو نقول الخضار بفتح الخاء والضاد ونقصد النباتات الخضراء وكلن له لهجته وفعلا منول لحم الضب ياسلام سلم هالحين تغيرت الامور حتى البشر تغيروا...ياكافي..معاد تعرف صاحيها من سقيمها.......وحنا طال عمرك ما حنا جزارين.....حنا ذباحة الحايل لطامة العايل...والامور اخذت طابع المحاكمات هههههههههههههه

[السعار]

يابو سعد الله يطول عمرك انا مع الفارسة ضد مجزرة الضبان اللي مالها محامي يدافع عن حقوقها، فهي تذبح بدون سبب فقط عدوانية سلمان وعبدالله وبتشجيع منك يالغالي .. أرجو منكم ياعتيبه احترام حقوق الضبان المنقوله وغير المنقوله والحفاض على ارواح الضبان البرية وعدم قتلها بدون سبب .. وخلو ذبحكم للحايل ولعايل..وانا متأكد أن الضب ليس حايل ولا عايل فهو حيوان مسالم لايوذي احد ابدا..