3 ريال وزمن مايرحم

[ابوفايز]

تكفون لاتحذفون الموضوع خلوه
خلوه يبقى لو ليالي قليله
تـكـفـون لامن غبت يانـــآآس تدعون
ياارب ترزقنا بالوظيفه
تكفون يا كثر العناء تكفون تكفون
الهم طاويني من سنين طويله
يالله يامعطي بلا عد وحساب
ابغى ابيح المكنون لوكان ماكان
ياكود همي يلقى من يديره
يالله يامعطي بلا عد وحساب
ترزقنا من فضلك عم(ن) سواك
وترزق اصحاب المنتدى من الوسيعه
انااشهد ان القلب لعزت النفس شفقان
خلولي الموضوع اياما قليله
وبدعي الله لكم وين ماكان ويكون
يجزاكم الجنه ياهل الوجيه السموحة

السلام عليكم ورحمة الله وبركاته:
كيفكم ان شاء الله بخير وعافيه
اخواني ،،،
انا سجلت هنا للفضفضه لانني في حالة لا يعلمها سوى رب العرش الكريم سبحانه
متزوج ولدي طفل واعول اخواني الايتام
ولدي مديونيات جعلتني اعيش بوضع ورب العباد مايعلمه الا الله
واقسم بالذي لا اله الاهو المطلع على خائنة الاعين
وما تخفي الصدور انه مرات كثيره ينام ابني وهو يبكي يطلب الحليب الذي لا استطيع جلبه له
لانه بمبلغ ( 26 ) ريال بل انني واحيانا حينما اجد من يقرضني مبلغ الحليب اقوم بشراء علبه
واحده بقدر المبلغ .. تخيلو مقدار مبلغ الحليب اقسم بالله لا اقدر عليه .
بكل تاكيد سوف يتبادر الى ذهن الكثير انني اطلب سلفه او تبرع لا ورب العزه والجلال
انا اريد وظيفه اكتسب منها رزقي بجهدي ولا اريد من احد اي مساعدة ماليه
بالعكس والله ثم والله انني اتظاهر امام الكثير والكثير الكثير لا يعلمون بظروفي اتظاهر
بان وضعي جيد ولست بحاجه واسال الله ان يسترنا والمسلمين . ويعلم الله لم يجعلني اكتب
هنا الا الضغوط التي اعيشها ولانني اكتب باسم مستعار يحافظ على خصوصوتي.
يمكن يقول واحد فيكم لماذا لم تتقدم على اي وظيفه سوف اقول لكم :
لم يذكر تقديم الا وتقدمت اليه ولكن ليس من جدوى كوني كفاءة متوسطة
تقدمت كثير على وظائف حكوميه وشركات ولكن لا فائده مع انني اعرف منهم اقل مني مؤهل او خبرات
ومع ذلك توظفو عند اناس تقدمت لديهم واخبروني انه ليس هناك شواغر لديهم وبعد مده يتقدم
غيري ويتوظف .!! يا اخوان انا ما احسده لا والله بالعكس الله يزيده ويرزقه بس انا اقول يعني
الوظائف ماعندك واسطه لاتفكر الا بحالات قليله
احصل وظائف بشركات ولكن مرتباتها تكون اكثر شي 1800ريال .. وانا بمنزل اجار
وعائله ووقود للسياره وناس انا متسلف منهم احسبوها
معي بتكون لايش الـ 1800 .؟؟
بالعكس بتزيدني دين اكثر واكثر والسبب ان الراتب ماراح يغطي وراح يكون مصروف زائد
من الوقود الذي احاول ورب البيت اني اقضي اغلب مشاويري القريبه على اقدامي لكي لا ينفد
الوقود الذي هو مشكلة كبيره لي
يا اخوان انا لا اعترض على قدر الله باالعكس اقول الحمدالله والشكر وانا بنعمه من الله واحسن من غيري
لكن السؤال هل صدى صوتي سيجد من يوصله للمسؤلين في ادارات التوظيف في الدوائر الحكوميه
او لدى المسؤلين في الدوله .؟؟!!
طبعا انا على ثقه ان صوتي سوف يصل ولو بعد حين اي عند الله سبحانه وتعالى عندما التقي
بمن تسبب بالكثير من عطالة الشباب وانا احدهم هناك والله لن احلله فلا حلله الله ولا اباحه
وان كان والله هو مجهولا لي ولكن ليس ما يحدث امر عادي بخصوص العاطلين
بس المتسبب من الاداريين في الادارات الواحد فيهم الحين عايش وبفائض وانا وغيري
ممن هم مثل وضعي يكادون يجدون ما يقوومون به يومهم او يسد جوع ابنائهم .!!
فمن المنصف لنا منهم .؟؟؟ انه الله سبحانه وتعالى الذي سيريهم يوما كالذي نحن فيه
فسوف يشعرون بالالم مرتين لانهم اولا اعتادو على حياة البذخ والرخاء والثاني انهم
سوف يذوقون مرارة ما نتجرعه في كل ثانيه حينما اشاهد ابني يطلب مني اما بسكويت
او حتى حلاوة واحرمه اياه مجبرا لا راضي بذلك ..
ولكن متى يلتفت لنا مديرو الادارت التي نتقدم اليهم وانا وغيري لانطلبهم مالاً من دون عمل نحن
نريد كسب المال بعرق الجبين او بعد ان نقوم باعضائنا ونسدد ديوننا حينها
سوف يلتفتون الينا ويرموننا في مجمعات التأهيل لكوننا اصبحنا عاهات .؟؟؟؟!
ومعنى العنوان : 3 ريـال !! هذا ورب العباد كل ما املكه
وهو رأس مالي كله
اخوتي هذه فضفضة من واقع مرير اعايشه في كل لحظه اعانني الله واعان كل محتاج وكلنا محتاجين اليه
(ارجوكم الدعاء لي)

[شيخ الشيوخـ]

الله يفرج همك يافايز ويرزقك من اوسع ابوبه وتأكد انك افضل من غيرك ودام الله معطيك الصحه والعافية ترا المال يجي ويروح والرزق تكفل به رب العباد فاسئله من خزائنه واكثر من الدعاء فإن الدعاء هو سلاح المؤمن
وقد ورد عن النبي صلى الله عليه وسلم فيما معناه ( كل شيء يصنعه الدعاء فلا تعجزو عنه )

[نايف تراحيب]

اخوي ابو فايز


الله يرزقك الوضيفه اللي تسد حاجتك عن الناس


لاكن ماهي بمشكله وانا اخوك اذا تقول ماتقدر على سعر الحليب


قل الحمد لله يا اخوي


وبعدين انت عندك سياره هذا شي طيب عندك ياخوي الكده كد الموتر وتبي تعين من الله خير

انا اقول الكلام هذا من تجربة ناس يقولونها لي ويعلموني بتجاربهم يابعدي


وبعدين دام عندك شهادات وتقول انك مستصح عليك بالعسكريه يا مال الغناه قدم هنا وهنا وهنا والله يرزقك

واليوم فيه تقديم في القوات المسلحه فالجوف يا مال الغناه وضائف عسكريه وإداريه

وفيه تقديم في مستشفى الملك فهد في المدينه المنوره وضائف إداريه

وفيه منتدى حلول البطاله انصحك ابه لن كل شي جديد من وضائف حكوميه وعسكريه وقطاع خاص ينزل اول بأول فيه


يا مال الغناه


وبعدين لا تقول يا ناس قل يارب الناس فهو اللي يعطي الناس


/


/



واهني الصخره اللي مايحرقها سمـوم
الزمان اللي يهـد العـزم مـا هدّهـا

الزمان اللـي تحـدا قوييـن العـزوم
لين مشّاهـا علـى ود ماهـو ودّهـا

والمجامل بعض الأحيان ما يقضي لزوم
لابو النفـس الضعيفـه ولابـو جدّهـا

مير تجبرنا العوايد وتجبرنـا السلـوم
نكتم الأسـرار ياليـن تاصـل حدّهـا

الردي لا طاح جعله يطيـح ولا يقـوم
باح سدّه والنشامـا مـا بـاح سدّهـا

كل ماكبرت وضاقت على عيال الرخوم
نحتزم لأكبر مصيبـه وناطـا خدّهـا

جعل قسمي عند ربي من خيار القسـوم
واحـدٍ يعطـي العطايـا ولا يرتدّهـا

ياعيال آدم وحـوّا تراهـا مـا تـدوم
دورة الأيــام لابـدّهـا لابـدّهــا

ياوليد البـط وشلـون ماتقـدر تعـوم
وانت ابوك يعوم جزر البحور ومدّهـا

وانت ياحلمٍ حلمته مهـو مثـل الحلـوم
ياضحيّة مزح الأحلام مـدري جدّهـا

ادري ان فالناس معطى وفالناس محروم
ايـه يابيـض النوايـا ويامسـودّهـا

وياضميري لا يهمك من الدنيـا همـوم
الصعيبـه حلّهـا والبسيطـه عـدّهـا

جات في سد الشوارب وفي سد الخشوم
كبّر الضيفه وعش الضيـوف وغدّهـا

والمراجـل ماتوفـى بضافيـة الهـدوم
كود بسيوفٍ يشـوق النواظـر حدّهـا

والردي لو درّس المرجله في كل يـوم
المراجل عنـد اهلهـا يذعـذع ندّهـا

يعتبر قسمه مثل قسـم زاهيـة الرقـوم
يوم تكحل رمشهـا والقـرون تكدّهـا

ماكسبت الا رضا اهل النمايم والعلـوم
يارسول الحكي هـات العلـوم وودّهـا

الصفوف اثنين هذا دفـاع وذا هجـوم
وانت اظنك لانت معها ولا انت بضدّها

شرهة الطيّب تعـداك للغـوج العـزوم
وانت صلفات المشاريه ماانـت بقدّهـا

وانت في سود الأظله تريّـح ومخـدوم
وان ذبحك الجوع كد التكاسـي كدّهـا



هذا كلام سلطان ابن وسام وهو راعي تجارب واكبر سن

وانت ان شاء الله انك كفو وتقدر تعتمد على نفسك


هذا وكفى


ودي



/

[ابوفايز]

المشاركة الأصلية كتبت بواسطة شيخ الشيوخـ الله يفرج همك يافايز ويرزقك من اوسع ابوبه وتأكد انك افضل من غيرك ودام الله معطيك الصحه والعافية ترا المال يجي ويروح والرزق تكفل به رب العباد فاسئله من خزائنه واكثر من الدعاء فإن الدعاء هو سلاح المؤمن وقد ورد عن النبي صلى الله عليه وسلم فيما معناه ( كل شيء يصنعه الدعاء فلا تعجزو عنه )

جزاك الله كل خير وكثر الله من امثالك

[ابوفايز]

المشاركة الأصلية كتبت بواسطة نايف تراحيب اخوي ابو فايز الله يرزقك الوضيفه اللي تسد حاجتك عن الناس لاكن ماهي بمشكله وانا اخوك اذا تقول ماتقدر على سعر الحليب قل الحمد لله يا اخوي وبعدين انت عندك سياره هذا شي طيب عندك ياخوي الكده كد الموتر وتبي تعين من الله خير انا اقول الكلام هذا من تجربة ناس يقولونها لي ويعلموني بتجاربهم يابعدي وبعدين دام عندك شهادات وتقول انك مستصح عليك بالعسكريه يا مال الغناه قدم هنا وهنا وهنا والله يرزقك واليوم فيه تقديم في القوات المسلحه فالجوف يا مال الغناه وضائف عسكريه وإداريه وفيه تقديم في مستشفى الملك فهد في المدينه المنوره وضائف إداريه وفيه منتدى حلول البطاله انصحك ابه لن كل شي جديد من وضائف حكوميه وعسكريه وقطاع خاص ينزل اول بأول فيه يا مال الغناه وبعدين لا تقول يا ناس قل يارب الناس فهو اللي يعطي الناس / / واهني الصخره اللي مايحرقها سمـوم الزمان اللي يهـد العـزم مـا هدّهـا الزمان اللـي تحـدا قوييـن العـزوم لين مشّاهـا علـى ود ماهـو ودّهـا والمجامل بعض الأحيان ما يقضي لزوم لابو النفـس الضعيفـه ولابـو جدّهـا مير تجبرنا العوايد وتجبرنـا السلـوم نكتم الأسـرار ياليـن تاصـل حدّهـا الردي لا طاح جعله يطيـح ولا يقـوم باح سدّه والنشامـا مـا بـاح سدّهـا كل ماكبرت وضاقت على عيال الرخوم نحتزم لأكبر مصيبـه وناطـا خدّهـا جعل قسمي عند ربي من خيار القسـوم واحـدٍ يعطـي العطايـا ولا يرتدّهـا ياعيال آدم وحـوّا تراهـا مـا تـدوم دورة الأيــام لابـدّهـا لابـدّهــا ياوليد البـط وشلـون ماتقـدر تعـوم وانت ابوك يعوم جزر البحور ومدّهـا وانت ياحلمٍ حلمته مهـو مثـل الحلـوم ياضحيّة مزح الأحلام مـدري جدّهـا ادري ان فالناس معطى وفالناس محروم ايـه يابيـض النوايـا ويامسـودّهـا وياضميري لا يهمك من الدنيـا همـوم الصعيبـه حلّهـا والبسيطـه عـدّهـا جات في سد الشوارب وفي سد الخشوم كبّر الضيفه وعش الضيـوف وغدّهـا والمراجـل ماتوفـى بضافيـة الهـدوم كود بسيوفٍ يشـوق النواظـر حدّهـا والردي لو درّس المرجله في كل يـوم المراجل عنـد اهلهـا يذعـذع ندّهـا يعتبر قسمه مثل قسـم زاهيـة الرقـوم يوم تكحل رمشهـا والقـرون تكدّهـا ماكسبت الا رضا اهل النمايم والعلـوم يارسول الحكي هـات العلـوم وودّهـا الصفوف اثنين هذا دفـاع وذا هجـوم وانت اظنك لانت معها ولا انت بضدّها شرهة الطيّب تعـداك للغـوج العـزوم وانت صلفات المشاريه ماانـت بقدّهـا وانت في سود الأظله تريّـح ومخـدوم وان ذبحك الجوع كد التكاسـي كدّهـا هذا كلام سلطان ابن وسام وهو راعي تجارب واكبر سن وانت ان شاء الله انك كفو وتقدر تعتمد على نفسك هذا وكفى ودي /

كفيت ووفيت بارك الله فيك ومشكووووووور

[عالية الشان]

الله يرزقك الوظيفه الي تعتاش منها بالحلال ، وبعدين الوظايف كثيره الي تطلب
ناس وأنت عندك شهاده والحمد الله . والله سبحانه يقول ( أسعى ياعبدي وأنا أسعي معاك ).
أخوي أبو فايز الله يحقق مبتغاك .

[ابوفايز]

المشاركة الأصلية كتبت بواسطة عالية الشان الله يرزقك الوظيفه الي تعتاش منها بالحلال ، وبعدين الوظايف كثيره الي تطلب ناس وأنت عندك شهاده والحمد الله . والله سبحانه يقول ( أسعى ياعبدي وأنا أسعي معاك ). أخوي أبو فايز الله يحقق مبتغاك .

جزاك الله كل خير .. والله يرزقني وإياكم جميعا , وبالنسبه للوظائف فأنا زمان عندما كنت اشاهد الاعلانات والطلبات كنت اقول ياكثر الوظائف بس والله عرفت انها حبر على ورق .

[الأمير الفارس]

يارازق العباد اللهم أرزق أبو فايز

أخي العزيز عليك تسعى والباقي على الله

أرضى باليسير ياتيك الكثير

وفقكم الله

[ابوفايز]

المشاركة الأصلية كتبت بواسطة الأمير الفارس يارازق العباد اللهم أرزق أبو فايز أخي العزيز عليك تسعى والباقي على الله أرضى باليسير ياتيك الكثير وفقكم الله

رزقني الله وإياك وجميع المسلمين .
اخي بارك الله فيك وشكرا على مرورك ونصيحتك..اتمنى لك التوفيق

[اخر رجل]

اخوى الغالي ( ابو فايز)
مساء الخير !
الة يرزقك ويوفق بما فية الخير لك ولعيالك وصدقني يمكن انها خيرة لك .
ان اللة يمهل ولايهمل .
احتسب عند اللة ولاتترك صلاتك ودعائك فهي عمادك يوم لاعماد لك بغيراللة
اتمنىا من اللة ان يمؤن عليك ويدفن فقرك ويغنيك من عندة انهوالعزيز القدير


تحياتي اخوى ( ابو فايز )