ابن الذيب المرجله\المعجزه\المستجيل

[شامخ الروقه]

[frame="4 90"]ـ


المرجلة /المعجزة /المستحيل




يا اهْل الونَاسَه والطَرَب مـن فالكـم يـا الله بْفَـالْ

مثل الرَطَبْ في شهر سبعه لا اثمَر فْـروس النخيـل


والاّ مثـل فنجـان دَلّـه مـا هـي بْمثـل الـدلال

مْسَمَّـره وِمْزَعفـره والهيـل يغـري الزنجبـيـل


حِنّـا قبيلـه مـن قبايـل الارْض مـا فينـا جـدال

في (يام) مَرجعنـا وتربطنـا عَلاقـه مَـعْ (بَكِيْـل)


وانا اعْرِف ان ربعي هَل الفزعه واعَرْف إن لي خوال

لكـنّ لا ذولا .. ولا ذولا .. ومـن هـذا القبـيـل


لاْنّـي مـن المتوكِّلَـه مانـي مـن أهـل الإتّكـال

سواة (أبو الطيّب) طلَع ذِكْـره وهـو رَبْعِـه قليـل


وبعض القصيد الَصْمِقِه لَصْماق مـا عنـدي اْشكـال

واللي يْعَرِفني يدري إنْ ما هي علـى يمنـى بخيـل


إلاّ القصيـد اللـي يسمّونـه فِكِـر مـا هـو هْبـال

من راسي وْظَهْـر الـوَرَق، وَلا يعارضْـه المزيـل


أحَاوِلْ أرْضي ذائقة مـن يستمِـعْ لـي مـن خـلال

تنقيحـي لْذاتـي لكَسْـر البيـت والبيـت الهـزيـل


وقصيدتي (سوبر ستار) وْشـيّ شـيّ أتـرَف دَلال

بيوتهـا موضـه جديـده واللحـون آخـر موديـل


بغيـت أرتّبهـا دَلَـعْ .. لكنّهـا .. جـات ارتجـال

وانـا أبيهـا .. وامّهـا .. ولا لهـا غيـري معيـل


عـن إذنكـم قولـوا كـذا والاّ كـذا سـوّوا مجَـال

أبـا انفجـر وامـوت شِعـر فْـواحـدٍ قَلّـدْه جيـل


لا قالوا (مْحَمَّدْ) وَلد (راشـد) يجـي راسـي هبـال

إسمي سواة اسمه لو ان ما لـه علـى الدنيـا مثيـل


ما ني بْقايل لك يا شيـخ الشيـخ رمـزٌ قـد يُنـال

لكـنّ باسمّيـك هـذا اللـي مـا تلقـى لـه بديـل


لو ما عَرَفْت إلاّ انت وانته غيـر يـا عِـزّ الجـزال

وطيـت بِرْجولـي علـى الجَمـره وشبّيـت الفتيـل


قلوب سـودان الوجيـه مْغبّـرَه يـا ابـن الحـلال

والا انت من بين الثريّـا والثـرى وَجْهـك طويـل


لو في البشَرْ كامل جَعَلْك الله مـن اصحـاب الكمَـال

يا اللي من شْهور السنه يشبه لـك الشهـر الفضيـل


عَطـاك ربّ البيـت سبحانـه تبـارك ذو ا لجـلال

ما لا عطى غيرك مـن الأخـلاق والقلـب النبيـل


مـا فيـك تخمينـه ولا شِكّـه ولا فيـك احتـمـال

لكنّ فيـك المرجلـه .. والمعجـزه .. والمستحيـل


يا سيّدي تِذْكِـرْ (قفـا نبكـي) علـى روس التـلال

ألحين أسَوِّيهـا خصوصـاً لا غـدى عِبئـي ثقيـل


وقّافتي فـي راس ضلْـعٍ نايـفٍ مـا هـو هيـال

ما هي سواة التمشيه في (سِيتـي سنتـر) و (البتيـل)


الله خَلَقْني عوق كبـد وْجـرح عيـن وْسَـلّ حـال

وْصوت العوى يعطينـي القـدره علـى رَدّ الهديـل


باقول لك حاجَه يا (بو راشـد) وحاجـه مـا تقـال

يمكن عيـون الشيـخ ترحـم وَقفـة أبنـاء السبيـل


البارحـه غنّيـت مـن طَربـه وْغَنّيـت انفـعـال

وتْعِبْـت أميِّـز طعمـة المُـرّه وطعـم السَّلسبـيـل


وانـا مْعَلِّـم قلبـي انّ الصلـح خيـر مْـن القتـال

لكن ذا قلبـي واعَرْفـه زيـن .. مَجنـون وْهبيـل


يْـدوّر العيْلـه علـى العَيّـال وايـلا منْـه عَــال

عذره مثل عِذْر البـدو مـا يحشَـمْ إلاّ مـن يعيـل


تشـوف الارض الدائريّـه سَيّـدي قـوم وْتـعـال

أستغفر الله لا تقوم أنـا اللـي باقْـرَبْ لـك واميـل


باميـل عنـد اذنـك واتمـتـم نقطتـيـن وْ آل آل

سَرَت في عيني مِتـر واحـد مِتـر لكـن مستطيـل


يا شيخ أنا ضايق لكنّ رَجّـال مـن جيـز الرجـال

أكنّهـا بيـن الضلـوع العـوج لا يـدري ذلـيـل


ماني بْشيـخٍ مـن شيـوخ الأرض صَلفيـن الفعـال

اللى لا ضـاق الشيـخ منهـم ضيقتـه فِدْيـة قتيـل


تحْـذِف لـه البرقـع هنـوفٍ فاتنـه فيـهـا دَلال

لين يْهَدى ثـم يْهَـدى وايـلا هَـدى طـشّ السبيـل


لو انْـك راع الـوادي اللـي كـل دربٍ فيـه سَـال

ما كان أرضي مجدبه والبَذر مـا جـا لـه حَصيـل


والله .. ثـم والله .. ثـمْ بمحمـد الـهـادي وآل ..

بيتـه وخيـر التابعيـن لْسِنّـة الصَّحْـب الجلـيـل


إنّي ليا هَـبّ الهـوا مـن غـرْب والاّ مـن شمـال

أدوج فـي الـوادي وادوِّر عشبتـه عقـب المسيـل


واطِـقّ الارض بْقَدَمـي وادوّر المـا فـي الجبـال

واطمَـح لبيـرٍ كنّهـا زمـزم وحـظ امّ اسْماعيـل


لين تْعِبَتْ رِجْلي مـن الممشـى علـى درب المحـال

وامّي ما هي بْهاجر وابي ما هـو ابراهيـم الخليـل


لكن على وضْـح النقـا تـدري ضعيفيـن العيـال

مَحَازْمك مـا ترتخـي وعْمَامتـك مـا هـي تميـل


كم كايـده رِجْلِـك توطَّتهـا مثـل ماطـا الجِمـال

والحنجره صوتيـن .. صـوتٍ للهديـر وْللصهيـل


يا سيّدي ما طال يسْمج غير مَدحـي بـك لاْ طـال

كأنّ الارْض تْقـول لـي طـوِّل عليـك الله وكيـل


سألت شيخٍ من شيـوخ أهْـل الشريعـه كـم سـؤال

عَنّك وقال انَّـه يقـال، وقلـت مـاذا؟ قـال قيـل


توحّمـت أمَّـه وهـو تكوينـه الخلقـي مــا زال

على الفَخَـر والبِنْـدق امّ حْـزام والسِّيـف الصقيـل


جَعْل النسـا مـا ينجبـون إلاّ سواتـك فـايّ حـال

في كل صبْح وْكل ظِهْر وْكـل عَصْـر وْكـل ليـل


حتى إذا طاح الذهب واهتـزّ سـوق أهْـل الريـال

يظِلِّنـي ظِلِّـك وادوِّر لـي مـن الرمضـا مقـيـل


والاّ القصيده من حَكي والحَكْي مـا هـو راس مـال

الله يقدّرنـي عـلـى المـعـروف وآرِدّ الجمـيـل[/frame]

[إبن ثعلي]

لاهنت ياشامخ الروقه على حسن الاختيار

[اسيرالشوق]

شامخ الروقه اختيار مميز

لاهنت على النقل

[الصهد]

صح لسان الشاعر ولاهنت يابن روق

[الركــن]

لا هنت على النقل

[شامخ الروقه]

العفو وشكرأ على مروركم ولاهنتو

[عاشق المساري]

يعطيك الف عافيه على النقل