أمشي بحكم الوقت والله عويني * نوب غني ونوب مخباي خالي

[مسافـــر]

هذه قصيده للشاعر غازي بن مهنا الشيباني ، آ مل أن تحوز على رضاكم


أمشي بحكم الوقت والله عوينــي *** نوب غني ونوب مخباي خالـــي

ما تصفي الدنيا على كل حينـــــي *** ولا حدن من الدنيا سليم وسالي

بالحظ والمقسوم عندي يقينــــــي *** الوقت حكمه ما يطيع الرجالـــي

لو بالتمني ما طلبته يجينــــــــــي *** بنيت قصرا على الدرب عاـــلي

وما دام ما تعطي شمالي يمينـي *** ما فادني عمي وفزعة خوالـــي

رزقي من الله كاتبه في جبينــي *** لو اشتكي للناس ما حدن بكالي

أصبر ولا بد المخفى يبينــــــــي *** ما ني ببين للعرب ما جرالـــي

[اخو من طاع الله]

صح لسانك ولسان شاعرها غازي

شاكر لك حسن اختيارك

[مسافـــر]

صح بدنك يالحافي وشاكر مرورك ،،،،،

[رمح عتيبه]

صح لساااانك ولسان شاعرهاااا

[العريدي11]

صح لسانك وصح لسان ابن مهنا

الله لايهينك

[برقاوي هواوي]

صح لسانك ولسان شاعرها غازي والله يعطيك العافية

[محمد العتيبي]

صح لسانك يامسافر ولسان الشاعر غازي الشيباني

تحياتي

[النـايــــــف]

صح لسانك اخوي مسافر

وصح لسان الشاعر غازي بن مهنا الشيباني

وبيض الله وجهك يا الغالي

على هذا الاختيار الرائع

تحياتي لك ،،،،

[إبن ثعلي]

مشكور يامسافر على حسن الاختيار
تحياتي

[مسافـــر]

أشكر جميع الأخوان على مرورهم وصحة أبدانكم جميع ،،،،،،،،،،