هــــــذا منـــــــــاي

[فهد الروقي]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله على مسرى الجديد المخـزن=جي إم تسعه ما هوته الشواكــيش
فور هندرد ففتي فور ٍ مسنــن=رقمه على شاصيه ما جاه تمخـيش
بوية بلاده ما بعد رش بالفـرن=ولا شال صندوقه حمول وقشاويش
الروس زرق وكل شي ٍ مضمن=لا فك به مسمار ولا قص به فـيش
ولا رهمه بابو ولا مر تتشــن=ولا داج في سوق السلق والدراويش
صوت شتغاله يعشقه راعي الفن=اللي يميز سوسة الحب بالعــيش
رفرف حمر تطربله الانس والجن=هو منوت اللي ما يمر التفاتــيش
حكم عليه غياب والصك ضمن=قصاص ولا فيها تلاعب وبخشيش
بلوه في نفسه غفلق مجنـن=وفتك عمره والغضب خمر ٍ يطيش
يرجي عبور الحد ومناه يزبن=ويطلب من الله توبة ٍ عقب هالطيش
هذا مناي ولا تمنيت ددســن=وكلن برايه حر ياهل النغاميـش
وصلاة ربي عد ما يحمس البن=على النبي واعداد ما درهم الجيش[/poem]