شين تعدى العقل وش لون يفهم

[فراس المطيري]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صادفت في فكري على حدود بغداد=صفرى ولاكن لونها زيـل بالـدم
جتني وكن الحزم في عديها شـاد=جتني وقلبي فـي رسنهـا تحـزم
بعيونها ناظرت فـي نـور وازداد=وفجأه غشاني واصبح الجوم معتـم
لقيت نفسي وسط مجموعة اجسـاد=وبالقرب مني همس تنحاش تسلـم
ودوت قنابل صوتها صوت رعـاد=منهـا خفوقـي هـز والله يعـلـم
اطفـال تبكـي دم شيبـان تنقـاد=وهـذاك يذبـح ذاك وهـذا بيعـدم
قلت العراق..وقالوا بصوت كد باد=(شتريد يآبه)..قلت وشلـون يهـدم
قالوا خيانـة ناس؟وافعـال حقـاد=قلت الليالي سود والوقـت يظلـم
حاولت افسر لاكن الفكـر مافـاد=شين تعدى العقـل وشلـون يفهـم
وراح العتام اللي من عيونها جـاد=بالصوره اللي في خيالـي اتلكـم
وراحت وقلبي راح معها ولاعـاد=عشق الاصايل شي خافي ومبهـم [/poem]