نواف ابن هنيدس مصافحة اولى ××××××

[اسير الشقى]

بسم الله الرحمن الرحيم
اعزائي هذه قصيدة لي كتبتها لكم ولا اعلم بإن كان هذا موقعها ولكنني ارجوا بإن يتم نقلها في حال لم يكن كذلك

اعود فأقول هذه قصيدة لمحادثكم
اخوكم الشاعر / نواف ابن هنيدس العضياني




يا الله يا موفي غـرض كل محـتاج = يـا واحــدٍ مـا خـاب مـن هـو لـجاله

يا مِعقـبن عـسر الليـالي بالافــراج = تـقـضي لـزومـن لـي تعـسّر مـناله

شيّن ذهـلني مـزعـجـن فـكـري ازعـاج = هـمًّ تـوقـّد مـا نطـيـق اشتـعاله

كني مـن الهاجـوس في غـبـّة امـواج = بحـر ٍ بعـيد الـشط واسـع مجـاله

القـلـب كعــبـه والـبـهـاذيـل حـجّـاج = يا كـثر مـا يصـبر عـلى ما جـرالـه

يا ما درجـنـا الرجـل مغـبش ومـدلاج = لين القـدم تعـبة عـلى غـير طـاله

نـصبر ولا نـشكي عـلى كل هلـبـاج = والـمال يغـني عـن حـرامـه حـلاله

ومـن لا تـزهـّب للنـوايـب بـالافــواج = يـقـضي حـياتـه عايش ٍ في بـطاله

مـا غـيـر جـالـس للخـثـاريـق روّاج = هـذاك وسـط النـاس سـمّـوه عـاله

حـتـيش لـو يـمشي عـلى فِرش ديباج = عـمر الـدراهم ما تجـيب الشكاله

العـمـر بـيـتٍ لـه مـداخِــل ومـخـراج = وكـلٍّ عـلى مـا قـيـل خـابـر مـآله

حـثوا مـطاياكم عـلى الـسير دفـلاج = واستجـنبـوا درب الردى والسفاله