باقه من ورد المشاعر اهديتها الى سمو سيدي الامير خالد الفيصل بمناسبة تعيينه اميراً لامارة مكه وحبيت اضعها لكم علما اني قد كتبتها بعد تعيينه مباشرةً
[poem=font="Simplified Arabic,5,darkblue,bold,italic" bkcolor="transparent" bkimage="" border="ridge,6,gray" type=1 line=0 align=center use=ex num="0,black"]
مايشفي الهاجس الطايش ذعاذيع نود=ولا يبهج الشاعر الطربان بعض القصيد
اما نجيب القصايد مثل قدح الزنود=والا بلاش القصايد ليش فيها نعيد
والشعر له ساعة الميقاف وقفة صمود=خصآ مع الشاعر اللي للمعاني يجيد
وانا هنا موقفي تشهد عليه الشهود=اليا بغيت الكلام المعتبر والاكيد
تستاهل المنصب اللي نلت يابن سعود=ياللي ليا ثارت الهيجا حزامك جويد
ملكت منصب رئاسي ياعريب الجدود=وخلفت من فاله الفردوس عبد المجيد
انت الامل لليتاما وانت قلب" ودود=وانت العما للمعادي وانت رجل" شديد
لك وقفة" في نهار الضيق تشفي الكبود=ولك هيبة" في نهار الحرب تعمي الضديد
بذلت ف ارض الجنوبيه قصارى الجهود=لين اصبحت عقد ماس " يطلبه كل جيد
وبكل ليله تصافحها يدين الوفود=وبكل ساعه لها وجه" طفولي جديد
ترسل سماها مطرها مع لحون الرعود=وينبت ثراها من الابداع شي" فريد
وغادرتها والدموع تهل فوق الخدود=لكن بقى الصارم اللي كان جنبك عضيد
واستقبلتك ارض مكه بالزهر والورود=ومن طلتك صارت الايام يا امير عيد
ياسيدي ياصليب الراي يابن الاسود=وان عودت يم الاريا دوم رايك سديد
في خاطري كلمة" مالي وراها قصود=اسمح لي اقولها ياجعل عمرك مديد
حنا جنود الوطن وانتم حزام الجنود=اليا غشتنا سحابة برد والا جليد
وحنا ترى دون راية دولة ال السعود=ناقف كما ياقف المسمار صلب الحديد
ونذود يوم ان كلن دون داره يذود=ونبين الفرق بين المحتدي والرشيد[/poem]
| 
|
11-03-2008, 03:49 PM
العرض العادي
