الحب نوماسه غلاه الهفوة ..!

[سلمان المالكي]

الحب نوماسه غلاه الهفوه ..!

إنـتِ .. بداية جـنّـتــي وِاْحْـسَـاســي

يــا فـاتـنــه .. يا حـالـيــه يـا حِـلـوه

مِـن ضِحكهـا .. لا تشتكي يا راسـي

هي ضِـحـكـتـي هي دنـيتـي والمنوه

لامِـن تـبسّـم .. وضـعـنـا حـسّـاسـي

أحـتـاج أقـــدّم لـه حـيـاتـــي فِـــدوه

يـا بـعْـد راســي .. يـا بَعَد جِـلاســي

كـم بـيننـا يـا بـاسـمـه مِن خَــطــوه

مـا قِـد نـسـيتَـك لا تُـقُـل مِـتـنـاســي

سـيـف الـغـلا مِن غـزوةٍ في غـزوه

إنــتِ ضـيـاء الـكـون وِاْنـتِ نـاسـي

نِـحـتـاج نـعـقِـد مـؤتـمــر أو نـــدوه

نـنـاقــش أوضـاع المجال الـقـاسـي

اللـيـن مـا تـنـفـع مـعـاه الــقــســوه

زعْـلان مِـنِّـك خــاطــري ويـقـاسـي

مـا كِـنـت اظـنِّـك قـاسـيــه يـا لـبْـوه

جَـرحْـتـنـي وَاْنْـهـكْـت قــوّة بـاســي

والله مـا خـابــت مــعــاك الــرّجْــوه

إسْـيـاسـتِـك تحتاج أكون إسْـيـاسـي

وسْـيـاسـتـي تحـرم عليهـا الـجـفـوه

حِـسِّـك .. مخلّي حِــسِّـنــا مِـتْواسـي

والقلب .. يشكـي فيكِ مِنكِ الـفـجـوه

حـاول تـسـايرنـي علـى هـوجـاســي

يـا نـونهــا .. والنّون نـون الـنّسـوه

شـيـطـان حِـبِّـك فـاهــمٍ وسْــواســي

يا نورهـا .. والـنُّـور نُــور الـخـلـوه

يـا غِـصـن مـــوزٍ بالـحـلا مـيّـاســي

يـا شهد صافي يـا عسل في صـفـوه

يـا لـحـن عـــودٍ جـاوبـه مِـرْواســي

وانـغـام عـصـفـورٍ سحرْنـي شــدْوه

مِحْتاس .. ودّي شوفتِك .. مِحْتاسي

عـجـيــن حِــبِّــك بـايـــتٍ بالـعـجــوه

قولي : متـى بـرتـاح مِـن حُـرّاســي

وتْــزيـن دِنـيــانــا بــزيـن الـفـضـوه

نـاظـر بـعـيـنـك والبحـر مِـقـيـاســي

الـهقـوه اللــي فـيــك تـبـقــى هـقـوه

مِـجْـلاس روحِـك مَجْلِسـه مِجْلاسـي

والسّيـف قـاطـع مـا تـجـيـه الـنّـبـوه

نوماس ذِكـرك يـ الـغـلا .. نوماسـي

والحب نوماسـه .. غــــلاه الـهـفـوه

إنـتِ .. مَــلاك الـكـون يا نـبـراســي

سيف الغلا بالــروح يـا لـه سـطـوه

إنـتِ .. بـدايـة جـنّتــي وِاْحْـسَـاسـي

يا حاليـه .. يا حـالـمـه .. يـا حِـلـوه

...................................

تحيّة الورد الطائفي للجميع
سلمان المالكي