ادمــــــــيراليات

[الأدميرال]

ياللي تقول أيامنا مابها خير
إلا انت وش خيرك على وجه الأيام

؟

[الأدميرال]

لا تقبل إلا هرجة الراس للراس
صف الظنون وكل واحد وظرفه
من كثر هرج الناس في غيبة الناس
أحيان تكره واحدٍ ما تعرفه..!!!!!

[الأدميرال]

أتذكرك .. الآن ..
اللحظه
وكل لحظه
أتذكرك .. !
بل قل متى نسيتك ؟!)
هالكلمات كم مره استفتحت فيها دفاتر مذكراتي ..!
ولا أدري كم بستمر .. أحفرك بـ ذاكرتي أكثر وأكثر
4 سنين مضت من عمري !
والعمر قدام يزيد ويمضي
واللحظات تنقضي
الناس تفترق وتلتقي !

الناس تجتمع .. تموت ..
وأنا وإنت .. في النص .. ما يجمعنا غير ذكرى ..!
ذكرى طيش .. ذكرى تربطنا !

ذكرى تغمرني وأنا في مشوار بسيط في السياره ..!
وأحس بـ ضيق ..
وأعرف بذيك اللحظه اني مرَيت في بالك وإنك ضايق حيل !
أعرف ..
ماهو سحر ولا تنجيم .. هذا إحساس قلوب
وجا قانون الجذب وخدمنا .. خدم الذكرى
وخدم الإحساس الغبي .. اللي يجمعني فيك , ويصر يصر يذكرني فيك !
بزحمة إنشغالي ...!!

وأعرف أعرف إنك تذكرني ..
ولا أعرف وش مصيري معك ..!
وهل راح نلتقي ..!

امممم وارجع أسترجعك الليله بـ نهم !
وأستمع .. لـ ماالحب الا للحبيب الأولي وأبتسم ..!
وأرجع أستمع لـ مايسوى وأرتمي بـ وادي من الأحزان
والذكريات اللي مدري مدري متى تنتهي !

كبرت وتكبرت عليها .. وكبرت بوجداني وتفكيري !
كل لحظه تزيد من عمري .. تذكرني بهذه الذكرى !

كنا :

تشوفها صدفه وأنا أشوفها غير ..!
أنا تصنَعت الصدف لجل ~ أشوفك

وأصبحنا :

أنفيك من واقعي تطلع بـ أحلامي
أنفيك من واقعي تطلع بـ أحلامي !!!

[الأدميرال]

اليوم ماهو يومي الظاهر !
والصبح ماهو صبحي .. الظاهر !

الصبح .. صبحك
والبال ما مر عليه غيرك !

يقولون ( مؤلمه عملية اجترار الذكريات )
ليه..
أبتسم اليا تذكرتك ..؟!!

[الأدميرال]

دله وفنجال ..
واحاسيس مختلفه ..
رميت غترتي من فوق راسي ، أمور ترهقني
عنها لاتسئلني

ادمراليات

[الأدميرال]

الليله ضيوفي تفاكير واسرار
عيّنت لك رجال يطرد ضيوفه..!

[الأدميرال]

ألا يا نسيم الليل يا مرهـــق العشاق
ترّفق على الولهان لا ترهـق إحساسه

[الأدميرال]

ولو تهدر الناقه تراها ماهيب بعير
لاجاها الجمل تستثفر الذيل وتنيري

[الأدميرال]

أسعد اللحظآت لحظآت نومي
من جد أحس أني مقدر ومحشوم
أرمي على ذيك الوساده همومي
النوم ياللي تطلب العز في النوم

[الأدميرال]

المساء مآهو مساء من دونك ..!
اليوم من غير صوتك .. مآ أكتمل ..!
في انتظآرك

بتغيب ..؟!
الله معك بس وش يصبرني على غيآبك ؟!