شفت لي تحفه لابن مسلم تهول .........

[ناصر الحربي]

مساء الخير على الجميع

هذي كيبورديه اتمنا تسمحولي فيها .

كان المفروض اني مانزل قصيده ثانيه لاني لي قصيده بالقسم ماجالها يوم ..

لكن اسمحولي بهالكيبورديه ولاعاد اعودها ..

.
.
.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
شفت لي تحفه لابن مسلم تهول= كايفه الا على الكايف تزيد
قبل اشوف القاف مريت اتجول= ضايقً صدري ولالي بالقصيد
لكن الخاطر بعد قافه تحول= وعود الطاروق عندي من جديد
صار قاف الشعر عندي مركز اول= وقبل عني تقل مربوط بحديد
ليل ياليل القصيد ارجوك طول = ودي انظم عقد من راسي فريد
من احاسيسي على الكيبورد حول= دام عارف صاحبك وشهو يريد
ياعسى من جاك بالشعر ايتسول= مايحصل من قصيده مايفيد
والقصيد اللي مع العالم يقول= حابكه شاعر الين اصبح نشيد
ياقصيدي مختصرها من منول= مانويت ازيد فالمعنى واعيد
والسبب تحفه لابن مسلم تهول= كايفه الا على الكايف تزيد[/poem]

[ناصر بن سعدي]

حجــز ملكي ..


1

[إبن ثعلي]

ياسلام عليكم يافارس المفردة بالعون ان هذا اللقب قليل بحقك
تحياتي لك

[فهيد مقعد الرويس]

ليل ياليل القصيد ارجوك طول
ودي انظم عقد من راسي فريد
من احاسيسي على الكيبورد حول
دام عارف صاحبك وشهو يريد
ياعسى من جاك بالشعر ايتسول
مايحصل من قصيده مايفيد
والقصيد اللي مع العالم يقول
حابكه شاعر الين اصبح نشيد

صح السانك ياناصر

صدقت والله في زمن كثر فيه التسول

وبن مسلم يستحق الاعجاب والتقدير

من غير قصور فالاخوان

مبدع ياناصر لاهنت

تقبل تحيتي وتقديري

[عادل العصيمي]

ناصر الحربي

صح لسانك

انت شاعر تتكلم شعراً

تحياتي وتقديري

[قوت القلوب]

ناصر الحربي
صح لسانك
رائعه
لاهنت

[ذيب الينوفي]

[align=center]الحربي



انت شاعر رائع بحق




تقبل اعجابي[/align]

[محقني الخبر]

ناصر الحربي


صح لسانك


وسلمت على التحفه الشعريه

والكلمات الراقيه شعراَ والفن في الطرح

[ابن مسلم]

ابوعناد

صح لسانك وبيض الله وجهك

والصراحه ماأنا إلا تلميذ من تلاميذك

وأتشرف بذلك

لك مني كل التقدير واالاحترام

[ناصر بن سعدي]

شاعرنا الرائع ..


ناصــر الحربي ..

صح لسانك..


ودره من دررك الثمينه ..


وبيض الله وجه إبن مسلم ..اللي إستثار قريحتك ..


وتقبل متابعتي الدائمه ..