جتني تعاتبني

[ابن مسلم]

بسم الله الرحمن الرحيم

أعزائي الكرام

إليكم هذه المتواضعه لعلها تنال بعض إستحسانكم

وتشفع لي غيابي عنكم



( جتني تعاتبني )

[poem=font="arial,7,black,normal,normal" bkcolor="transparent" bkimage="" border="none,4,gray" type=0 line=0 align=center use=sp num="0,black""]
جتني تعاتبني تقول أنت وش فيك = عني قطعت زيارتك وإتصالك
نار الجفى لاتحرق قليب مغليك= ماكان هاذاه العشم في جنابك
قلت إسمعي عذري عسى الله يعافيك= وأما أقتنعتي فيه زيدي عتابك
عزالله إني كل ماجيت ناصيك = ردتني الأقدار من دون بابك
أما صدفت ابيك صادفني أخيك= وإن غابوا الاثنين جوني عمامك
وخوفٍ على سمعتك لاينحكي بيك= على الفراق أصبر ولاينحكى بك
يادرة(ن) سبحان ربٍ مسويك= مابا لبشر من يشبهك في جمالك
وإن عاش راسي والله إني لا أراضيك = واني لحققلك مايطري إبالك
حالي ومالي كلها ملك إياديك = تصرفي يالغالية في حلالك
بين الضلوع العوج حطي مراكيك= تفنني في جلستك في عدالك
تريحي لينن قلبي إيقهويك = ومن الغرام العذب يكرم إسبالك
جتلك على كيفك عسى الله يهنيك= ياسعد حظي كان وقتك صفالك
وأعاهدك لوشان ماني بناسيك= ماني مدور في حياتي بدالك
تبقين دايم قدم عيني واراعيك= وارجي الفرج بالمقبله من ليالك
وأدعي معي يموت راع الشرابيك = اللي حرمني من لقاك ودلالك
وإن مت قبلك ياحياتي لاوصيك = بس أحفظي لي صورتي في خيالك[/poem]

وسلامتكم

[فهيد مقعد الرويس]

حجز

1

ولي عوده

يابوضيف

[وجودك يكفي]

صح لسانك يابن مسلم

قصيدة رائعه


احترامي

[إبن ثعلي]

صح السانك يابن مسلم ولاهنت وانتبه لاتلحق الدجيما

[ناصر بن سعدي]

ياسلام عليك بإبن مسلم ..


صح لسانك .. ولاهنت والله .. بس إمسك وصاة إبن ثعلي ..

ولاتبطي علينا ..

[نايف تراحيب]

الله اكبر والله اكبر والله اكبر



ابن مسلم



لله درك سبعه وسبعين مليون مره



وصح لسسسآنك واعتلا شآنك



سجل اعجابي ومتابعتي بسموك الكريم



/



،

[فواز المطيري]

صح لسانك يعطيك العافيه

[شيخ الشيوخـ]

خطرن عليه عقب هذي

يابن مسلم رفيقك الجديد اللي انت خابره مرةً نقول قطعنا منك ومرة نقول يهيضك على الغزل

واحم احم احم

صح لسانك ياشاعرنا الكبير

[ابن مسلم]

المشاركة الأصلية كتبت بواسطة فهيد الرويس حجز 1 ولي عوده يابوضيف

ابو مقعد

حياك الله

[ابن مسلم]

المشاركة الأصلية كتبت بواسطة وجودك يكفي صح لسانك يابن مسلم قصيدة رائعه احترامي

صح بدنك

وشكراً لك