(( ديوان الألغـاز ))

[{ أبوفيصل }]

هلا هلا مرحبا.. هلا هلا
ياحالمٍٍِ بالقصور أم الفلل

20عام وسنه محدن سلا
والمنتظر مل، والمله ملل

اللي تلَقَّىالخلا راح وجلا
واللي قعد لقمةٍٍِ لأم العلل

لاعاد لا لون لا طعم وحلا
اللي تبيعه وتشري به هلل

:

[{ أبوفيصل }]

ويش الغلام اللي على راس ماطـال = يأهل الوقار يدوم عشق وغرامي

من حيث ماهب الهوى ياعرب مال = وأخته مثـل لـون القمـر بالتمامي

لـه في سمّـوه عندنا فخـر واجـلال = تلقـى مكـانـه مـع رفيــع المقـامي


محلول من عامر الروقي
(( العقال والغتره ))

[{ أبوفيصل }]

ويش الذي له ماقف (ن) مانعده
غير إليا وقَّف بالصفوف الوجيهه

له بالسنه سِمِيّ (ن) ما هوب نِده
في حال أقول الإسم ماهوشبيهه

[{ أبوفيصل }]

يـاويـش رجـــلً عـانـــق الـشـمّـخ الـنـيـب
الْيا ســــرى فـي ليـْـل يضـــــوي ســــراجــه

سلّيت سيفي وأفنا روس المحاديب
وهجد بـــ لــيــلٍ مــثــل صــبــح انـبـلاجه

(الشيب)
محلول من عامر الروقي

[{ أبوفيصل }]

ياويش رجلٍ له وصـوف وعلامات
تـرتـاح لـوجـوده وتـامـن جـنابــه

له عيـن ماطبّق بهـا جفن هيهـات
لـو مايشـوف بهـا وهي ماترى بــه

في وقتنـا مشهـود والعـام بالـذات
حطّـوه تحت العيـن قـدر ومهـابـه

[{ أبوفيصل }]

ياويـش بنـتٍ فــي بـوادرهـا دلــع
يدري بهـا اللي مادرى واللي درى

بنـتٍ محبتـهـا غــلا مــدري ولــع
الْيا مشت يأهل الهوى ترجع ورى

(

[{ أبوفيصل }]

لـغزٍ كتبته واِبتدعته بيت بيت
وليا قريتـه جـرّله صوتـك وغـن
حصلت رجـلٍ يمتلـك للفـن بيت
وبْكـلِّ بيـتٍ ينوجد له فيه فـن
الرجل لويفنى في فنـه اِيتكـيْــت
ما ينلقى في شام والاَّ في يمن

[{ أبوفيصل }]

ياويش بنتٍ فيدهـا لأهل الفهـامـه يافهيـم
واهل المبادي والقيم واهل القضا فالمحكمه

تجيك من ناسٍ بعضهم منطق السانه سليم
حتى خليّ العقل يأهل العرف في منطق فمه

وصّـابها رجلٍ لواحد من عياله مـن قديـم
مردودها الحاوي يحـاول كـل رجـلٍ يلزمـه

[{ أبوفيصل }]

السلام عليكم

ويش بنتٍ تفرض الرفـض من لفـظ اللسـان
عـــيّـــةٍ عـــيّـــت وعـــيّــا يــجــامل عــيّــها

تـمـتـنـع ماتـمـتـنـع مـايِـناقَـض لـهـا شــان
غـيــر بــنـتٍ ضــدهــا وبالـمناقـض زيّــها

كلمة ( ... لا ... )
محلول من عامر الروقي

[{ أبوفيصل }]

ياويش رجلٍٍ يِذهِب الحي الرهوق
وإليا قطعنا الراس منجا ومنجهه

يصبح مع الهوى يمشي بالجو فوق
والأرض له فيها مسارات.. و جِهه