█ ماجد عبدالله + سامي الجابر = ~ ع ـندما يكون للكره عنوآن █

[ç£àSsْIç]

ولك مثلها ياسلمـان

بس عندي سؤال لو تجيب سامي في ايام عزه وتجيب معه تشكيله من الكميخ الصقري وبرناوي والصقور وطقتهم بيسوي شي طبعاً لا

سـلمان .. ماجد لعب في على وقته مع اقوى منتخب
وجيل مر على الكرة السعودية ( نعيمة - حبشي - صالح خليفه -
ثنيان - مصيبيح - شايع النفيسه - محيسن - والخ )

جيل صعب ومميز ومكتمل ولكن ماقدر يضع له بصمة في نهائيات كاس العالم !
بالعكس كان هو النكبه والسبب في الخروج وتحديداً في مباراة الامارات اللي انطرد فيها !

سامي لعب في جيل 2002 ومابي اقول عنه جيل ضعيف
بس بقولك انه اضعف من جيل الثمانيات بكثيرر

يعني يكفيك ان قلوب الدفاع رضا تكر وعبدالله سليمان وخليوي على آخر ايامهم

كل مافي المسئلة اجتهاد ذاتي وتوفيق من رب العالمين :)

في 2002 بالذات اقولك ان السبب الرئيسي
بعد توفيق الله لتأهل المنتخب هو سامي الجابر !

مشكلتي ان الذاكرة عندي مش ولا بد بس اذكرك على الطاير مثلاً
في مباراة البحرين في البحرين صنع هدف لعبدالله الشيحان بمجهود فردي
ومهارة فنية ومراوغه لمبارك عيد ومن ثم مرر الكرة للشيحان على طريقة انت وضميرك !!

في مباراة ايران في جده ايضاً بمهارة فـرديه
ومراوغه لمدافع ايران تمكن من الحصول على ضربة جزاء
وسجلها الـواكد ,’ وفي آخر المباراة عاد المنتخب الايراني بغلطة فادحه من محمد نور !

وبسبب هالتعادل حرمنا من التأهل مباشره لكاس العالم
وصارت نتيجتنا مربوطه بمنتخب البحرين الي فاز ع ايران
وحنا فزنا على تايلاند في الرياض وايضاً صنع سامي وسجل في هذه المباراة !!

وعشان اختصر كثير من الكلام ناصر الجوهر كان يقول :- سامي هو عقلي المدبر في الملعب !

يعني كل شي في الملعب يعتمد على اجتهادات سامي :)

رحنا لكاس العالم ومثلك عارف انت تواجه منتخب اوربي يعني لازم تكون مكتمل
فنياً + لياقياً ولازم يكون عندك كادر تدريبي على اعلى مستوى ,

يعني نظام يالله شباب شدو حيلكم وتسحيب من سامي وعبيد ماينفع بنوب

عشان كذا صارت النتيجه الكوارثيه مع المانيا
ولو تبيني اشرح لك غلطات ناصر الجوهر الفادحه في هالمباراه
اشرحـها بس بختصر ردي عشان ما اطول :/

الشاهد في الموضوع كله جيل سامي اللي لعب معه في 2002 كان ضعيف الى حد ما

تحت قيادة جهاز تدريبي ضعيف جداً جداً :)

وفي مسئلة الدعيع اتفق معك 100%
الدعيع رقمياً ومن ناحية المنجزات يتفوق على الكل وبفارق كبير
لكن كرة القدم وجدت للـمتعه ,
عشان كذا دايم تلقا ميول الرياضي مع المهاري واللي يسجل اهداف
وهالكلام مهو عندنا بس حتى عالمياً ..)

عاد على طاري الدعيع تصور ان الدعيع كان يلعب
والجيل اللي يلعب فيه الحين مهو موجود :o !

يعني نايف هزازي ولد في 88 والدعيع حقق كاس العالم للناشئين عام 89

يعني وهو يلعب نايف في بطن امه ,

على قولة اتحادي كان معنا في مباراة الاتحاد والهلال في الدور الاول
يوم رد الدعيع كورة لنايف قال غشش ياخي كيف يلعب الدعيع مع واحد كبر ولده

الله يعطيه الصحه والعافية , وماشاء الله لاقوة إلا بالله

وهلا وسهلا ومرحبتين

[سلمان]

كلام منطقي من شخص منطقي

صراحه معك في كل الي قلته عن الدعيع وعن منتخب 2002
انا ما انكر وانا خوك جهود سامي في تصفيات 2006 وهو كان لاعب الخبره لنا
واكيد ناصر الجوهر بيقول الكلام ذا عنه في 2002 لاعب خبره وله مكانته
بس يوم انقول ماجد نكبنا في طردته في مبارة الامارات يعني وش يدل عليه يمكن يدل على ان ماجد له اهميه في الفريق وقتها وخروجه يسبب ضعف الفريق
في فترة الثمنينات منتخبنا سيطر على كؤس اسياء لاكن كان يقشر بصل في بطوله اسهل منها بكثير الي هي كاس الخليج يعني هل كانت المشكله من المنتخب في ذاك الوقت لا اكيد ولاكيف فاز بكاس اسياء 84 و88 بس كانت منتخبات المنطقه قريبه من مستوى منتخبنا يعني الدعوه تقول سامي منا وانا اقول ماجد منا انا ما ادافع عن ماجد علشاني نصراوي ماجد كان من العلامات الفارقه في منتخب الثمنينات وسامي كان مثله في فتره اخرى زي ياسر الحين هو العلامه الفارقه الحين

وعن محمد الدعيع فهو موضوع بحاله يعني هو الي كان ولا زال علامه فارقه في الكره السعوديه حتى لو هو حارس واكبر دليل لاجو يبتكلمون عن الحراس في المنتخب يتكلمون عن محمد ويسفطون الحراس الحاليين للمنتخب لاكن زي ما قلت كلنا نبي نشوف المهاره والتسحيب
وسامي قدم للمنتخب وماجد قدم

لاكن الي يخلينا نتكلم ان يجي هلالي يقول ماجد ولاشي مقارنه بسامي
ويجي نصراوي يقول سامي مايجي حتى تلميذ لماجد

وتحياتي لك


والمهم انتظرو العالمي اليوم ههههههههههههههههههههههههههه