سجل حضورك اليومي ببيت شعر او حكمه

[روض القصيد]

جاتك مشاعر مالها غير شـــــرواك
دامك ملكت الـــروح وين الغرابه

[..{غ ـير البشـ}ـر..]

هذي الدنيا ترا ماهي لأحد

لارئيس ولاغني ولافقير

إن ضحكت السبت تبكيك الأحد

وإن سكنت قصور باكر في حصير

وإن رأيت اليوم حالك في سعد

فإنتظر لحظة عبوسٍ قمطرير

جل شانه خلق الناس بكبد

كل حي في طلب رزقه يسير

والحظيظ اللي تأهب واستعد

لأجل يومٍ فيه تقرير المصير

[روقي قرم]

القلب بســـتان طيـبة والعواذل جراد //
تغانموا كل حاجـة غير رروس النخيــل!!

[شـوآق]

ياخوفـي ان طالـت بـنـا هالقطـاعـه
واقفـت سنينـي بالمواصـيـل بــدري


ثـم نلتقـي مـن بعدهـا .. والفضاعـه
لا قلت لحظه .. شايفك ويـن ؟؟ مدري !!

[مآتبآدلنآ آلعطآ]

بأسهر الليل لو كله تعب , دام
عاشقك مالقى ( تصبح على خير )

[الأدميرال]

ياخو سعد جرت صودايف وفراق ..
صارت ليالي حبنا مثل الاحلام ..
واصبحت من فرقى هوى البال امعاق ..
مافي يدي حيلة على حكم الايام ..
ما للهوى عند المها اليوم ميثاق ..
خلي ينام وناظري منه ما نام ..
ياخو سعد غيره من البيض مالاق ..
ليت الوصل من كامل الزين ايقام ..
وش قيمة الدنيا بلا شوق واشواق ..
لا صار حظي عند الأحباب ماقام ..
ياخو سعد جرت صواديف وافراق ..
صارت ليالي حبنا مثل الاحلام ..

[الأدميرال]

يوم اقبلـت نادى لها القلب وانـزاح .. عن خاطـري همن ثقيلـن مقيمي ..
ويوم اقبلت صوت لها جرحي وصاح ..تكفين لا تفتحي جرحـن قديمي ..
جرحك برى وانا جروحي بها رماح .. وجرحك مضى وانا جروحي تقيمي ..
وقلبك هدى وشطون قلبي بها رياح .. تعصف بها في هجعتي عند نومي ..
تكـفيــن خلينــي مـن الهـم أرتـاح .. قلبـي بـرى لـو كان قلبـي عزومـي ..
ماينـفتـح مغـلاق سـري بمفتـاح .. ولحـدن درى باللـي مضى من همومـي ..
أغـض عنـه الطـرف لا جـا ولا راح .. واسكت اذا طريـاه صـارت تحـومـي ..
والقلب يخفـق عند طـرياه بجنـاح .. والعيـن ان اغـضـت هـدبهـا يحومـي ..

[روض القصيد]

البشر عندي ظلامٍ وأنتي عندي نور كـون
والبعض عندي صباحٍ وأنتي ليلٍ به سريـت.!

[مآتبآدلنآ آلعطآ]

مافيني شي ! وربي مافيني شي !
كل مافيني إني جالس أتعود غيآبه..وهو حيّ!

[وجودك يكفي]

أمر داره كل مامر مده=وأطالع الأطلال والحال حاله


على عهد عهده ولو طال صده =أملك هواه وكل ما أملك حلاله



حلال حلله الهوى والموده=وراع الموده حر لوراح ماله



هم الصدود المر لاوصل حده=صار المولع كل مره لحاله



أمطاوله وسواس روحه ورده=وسواس صورله على ماطراله



حاول وحال الحول والود حده=مهما عمل للوصل ماأدرك وصاله



أرسل له المرسول ولارد رده=ولا سلام أرسل ولا أرسل رساله



لاحصل السلوى ولا وصل وده=ولا للهوى وأهل الموده عداله

8
8
8
بدون نقط