** سجل حضورك اليومي ببيت شعرأو بحكمة أو مثل ** ( 2 )

[بدويه...وافتخر]

أبيك و ما أبي غيرك على صدري تعال ونـــــام
أبيك ويشهد البـــاري ملكت أرض الغلا فيني

أغيب أيام وارجع لك بشوقٍ يحتريك أعــــــــوام
بعيد لكن بروحي سكنت وضمتــك عينـــــــي

ثلاث أيام من عمري كتب موته بعد ما قــــــــام
ودمع العين يا ويلي يدق البــــــــاب ويلفينــــي

أنت من رحت حلت بي هموم ٍعشتها واسقــــــــام
ملت روحي يا روح الروح..حضنت الموت بيديني

[امير الغلا]

من عز نومي صحيت وشفت في عيني
دمع تهادى على جفني وانا غااااافي

سترت دمعي بكمي قبل يغــــريني
واخذت هذا الجسد من باقي لحافي

وسريت تايه ورى خطوات رجليني
لا الوجه وجهي ولا الأوصاف اوصافي

أمشي واقول لطريقي لاتودينــــي
لعيون ناس تبي تدري عن الخافي

ماودي الناس تدري وش يبكينــــي
كرامة النفس ورث ابوي واســــلافي

امشي واحس الخناجر في شراييني
والبرد يمشي وراي وينهش اطرافي

ألين مااوحيت صوت ينادينـــــــــــي
صوت اعرفه مثل مااجهل وش خلافي

قمت اتلفت وانادي لاتخلينــــــــــي
ماغيره الصوت هذا صوته الداااااافي

ولمحت زوله من أقصى الدرب لافيني
مدري وش أقول ؟ لكن : حي هالافي

تعال شف غيبتك كيف أثرت فيــــني
تعال شفني وانا أغرق عقب مجدافي

تعال واقطف بصوتك زهرة سنيني
كل المواعيد عقبك شمعها طااااافي

تعال وش فيك خايف ؟؟ انت ناسيني
قطعت صوتي عليك وطال ميقااااافي

حتى بديت أشعر إن الحب معميني
وإن انت حلم عثى فيني وانا غافي

بصدق الحلم وأحذر لاتصحيـــــــــني
في خاطري كلمتين وإن قلتها كافي

أمانة الله عليك إن غبت عن عيني
لايكون قلبك مثل قلب الزمن جافي

[مشاعر حالمه]

جعل العمى ياخاين العهـد يعميـك
وتقضي حياتك دايـمٍ فـي ندامـه
ماتستحـق اللـي يحبـك ويغليـك
ولاتستحق اللـي غمـرك بغرامـه
آخر دعاي الله من العقـل ينسيـك
وتعيش في دنيـاك دون ابتسامـه

مشاعر حالمه

[الـسليفي]

اخّذ السنين اللي مضت كلها فـداك
والمقبـلات وكـل شـي يعنينـي
خذها عسى تلقى بها شيء لرضاك
ومنك الرضاء يكفي ثمن لو يجيني
وان كان عندي ودك اتعرف معناك
كني جسد والروح ماهيـب فينـي
عايش على ذكراك واطمع بلقيـاك
والله يفّرح عقـب غيبتـك عينـي


.

[ماجد بن هلال]

[align=center]ان ضقت ,, في ضيقتي ربّي يصبّرنـي

.. مانيـب ميّـت ولاضامـي ولاهـالـك

مافيه شـيٍ علـى منصـاك يجبرنـي

.. واليـا تفاولـت فــال الله ولافـالـك

أبحقرك دامـك اللّـي كنـت حاقرنـي

.. وبعطيك علـمٍ وكيـد وحطّـه إفبالـك:

ان وصّلـت للكرامـه فانـت خابرنـي

.. أشري القطاعه ولاني شاري إوصالك .![/align]

[نسمة غلا]

اذا كانت الحياة تقاس بالسعادة فاكتبو على قبري مات قبل ان يولد

[امير الغلا]

الكـرم طبـع الأكـارم واللئامـه للئـام
والنخل ماينزرع فـوق الهضـاب الناسفـه

من لاوجود لك أنا خليت لك شأن ومقـام
جمعت فيك اللي تناثر من سنيـن ٍ طايفـه

رتبت فيك أنسان كانت كل أجزائـه حطـام
علمتك أن العمر يجري وأنتي لسىّ واقفـه

علمتك أن العمر مرّه بأحترام وبلا أحتـرام
وأن الحظيظ اللي زمانه بالسعـاده صادفـه

علمتك أن النفس تأمر بالأسائـه للكـرام
وقلت لك الديـن درب ومستحيـل نخالفـه

وعلمتك انك مهرة ٍ من فوقها يّشد الحزام
وأنك أنتي عين رجل ٍ كـل شـي ٍ شايفـه

علمتك أنك عزوة اللي يضرب بحد الحسـام
وأنك أنتي كلمـة ٍ يبسـت علـى شفايفـه

علمتك أنك بير فيها خير منـزوف الغمـام
علمتك أن الدلو ملـك ٍ لليديـن الغارفـه

علمتك أنك الضياع مـن البدايـه للختـام
وأنك أنتي الهدوء اللـي يجيـب العاصفـه

قد قلت لك العيب عيبك بين لحمك والعظـام
ولايجي في جلد غيرك دم جرحـك نازفـه

سّد مأرب ماتأثر في سقوطه أرض شـام
لكن أن الشام تبكي من عـذاب السالفـه

ويش أقول أشعاد باقي للسوالف والكـلام
وكل وجه ٍ مثل وجهك قبل أشوفه عارفـه

أعرف أن الريح تلعب بالسحابـه والحمـام
وأعرف أن الضلع ثابت بالسيول الجارفـه

واحد بواحد ألف لأ واحد كـذا هـو التمـام
وأنتي واحد ضرب ميه غيـر ميـه حاذفـه

كنت أظن أني سراجك في دجى ليل الظـلام
و كنت أظنك في غيابي كنتي فعلا ً خايفـه

وأثرك أنتي في غيابي { خط ثاني } وأزدحام
متمنقهه بطعم السوالف لآخر حـد وكايفـه

حسبك الله كيف كنتي مبدعـه بأسـم الغـرام
وكنتي أجمل لحن كذب وكنتي أفضل عازفه

[ماجد بن هلال]

[align=center]الـــــصــــبـــــر طــــال وكــــل لــــيــــل أتـــــحــــراه
مـــتـــى كـــحــــيـــل الــ ع ــــيــن يــــعــطــــف عــلــيّــه[/align]

[فلان الفلاني]

[align=center]

يالطيف الروح لك في صميم القلب بيت
شيده بيـن المعاليـق حسـب هوايتـه
لك بنا قصر الهوى وأنت قلي وش بنيت
والهـوى مبنـاه لومـه علـى بنايتـه
أنت داري ياهوى الـروح ولامادريـت
المولع في غرامك كشـف لـك غايتـه
مع جميع الناس ماعاد بعت ولاشريـت
عمي قلبي من هوى الغيد وأنت مرايتـه [/align]

[ماجد بن هلال]

[align=center]جيتك وانا من ضيقة الوقت محتـاج
تكفـى تقـدر جيتـي يـوم جيتـك
ماهي بحاجة قرش او حاجة عـلاج
حاجة حنان وغصب عنـي هويتـك
اضحك بوجهي لا حصل مني ازعاج
حدتني الضيقـه علـى بـاب بيتـك [/align]