يافلان في خ’ـآطري لك كلمــه ..~ْ

[قلم ولكن]

البارحـه يـوم الثـريـا تويـقـي
يـوم كـلٍ فـي لذيـذ الكـرى راق
وقفت ليـن الشـوف جالـه بريقـي
مثل السراب اللي على البعـد لهـاق
أخيـل بـرقٍ صـوب واد العقيقـي
ماشفت مثله يفضـح الليـل بـراق
عسـاه يسقـي دار ذاك الفريـقـي
لو رغبتي ما عـاد بـاقٍ لهـا بـاق
وذيك الدير مانـي عليهـا شفيقـي
تطيب منها النفس وتضيق الاخـلاق
قزرت عمري فـي بحرهـا غريقـي
متحمّـل ٍ كـل المتاعـب والارهـاق
لين انكشف وجه العـدو والصديقـي
والرفقه اللي حبلهـا رمـث ودقـاق
ولا كلفـت نفـسٍ بمـا لا تطيـقـي
تبينت لي كنهـا شمـس الإشـراق
وانا ليا شفـت الجفـا مـن رفيقـي
وصار الامل حبر ٍ على بيض الاوراق
قابلـت غلطاتـه بـوجـهٍ طليـقـي
ونظرت له نظرة محـب ٍ ومشتـاق
أعطيـه حتـى مـن منامـه يفيقـي
لا كلمةٍ سمعـت ولا خاطـرٍ ضـاق
حتى يعـرف انـي رفيـقٍ حقيقـي
وليا انحرف ماهو على باب الارزاق
يروح في دربه وانـا فـي طريقـي
من خلقت الدنيا بها جمـع وافـراق
وعليّ بيبـان الفـرج مـا تضيـق
أسوقهـا فـي كـل ديـره وتنسـاق
وابعد عن اللـي رفقتـه مـا تليقـي
ماني علـى جنبـه معلّـق بمعـلاق
ياكثر مالي في الديـر مـن صديقـي
لا بارت العملـه وشحّـن الاسـواق
صداقـةٍ تبنـا بـسـاس ٍ وثيـقـي
لا عقربٍ تلـدغ ولا مـوس حلاق

[بنت امير]

والله مايذبحـك ياكـود حـاجـه
لاصار في وجهك حيا وانت محتاج

[روض القصيد]

ودي اجيك من الوله حيل عطشان
وتروي خفوقي بالغــــلا من غرامــــه!!

[اصايل]

آحط ايدي على صدري عشانـ أتأكد انـ لي قـلـب ..! واخاف احكي وانا مخنوق .. وابكي .. واستحي مني

عقب هذا العمر كله .. استحي لا اقولـ ماني صلب ..! بــعــد مـا كنــت لاضـــاقـت عـلــي اصــد وأغـني .

[قلم ولكن]

خمر الكلام اللي تصبه شفاتك
على حروفك لين ماجات ثمله
تسابق حروف الهجا لين جاتك
في كل حرفٍ من شفايفك جمله
حكيك فرات وهيبتك في سكاتك
دولار داخل له على سوق عمله

[شيهانة أبوها]

مايسوق الضيق للصدر المجافي ..!
غير من يستضعف اللي زاد طيبه ..!!

صدة الطيب عن الناقص عوافي ..
وصدة الطيب عن الطيب مصيبه ..!!

[قلم ولكن]

غريب طبعه وين ودتـه دنيـاه
حتى ولا مره سأل عـن حبيبـه

الله اكبـر يازمـانٍ قضيـنـاه
خذا عليه الوقت منـي ضريبـه

اقفا وراه وعذب القلب واشقـاه
ياضحكةٍ صارت علينا غصيبـه

[شيهانة أبوها]

قبل أتهَجـّىَ غيَابِك بَسْ علّمني

أنك بـِترحل عشان أستوعب غيَابك

[قلم ولكن]

للنفـــس حــــد ولـــو تعـــــدته تنهار
ماعاد تفــــرق بين خيـــــرن وخيره

بعض العرب في جوفها علوم وأسرار
والله هـــــو اللــي عالم(ن) بالسريره

[شيهانة أبوها]

سآمح وغـض الطرف لـو كآن ما كآن ..
عـمر البحر ما ضآق من لـطمة الـموج !

لـو تلـتفت فـي كـل زله من انسـآن ..
شفـت آلبشر من حـولك ارقابهم عوج !