** سجل حضورك اليومي ببيت شعرأو بحكمة أو مثل ** ( 2 )

[الـسليفي]

شوق هل هالرائعه لكـ..



ياناقل الهرجه على غير تحقيق
هرجك دبل كبدي ولا عاد ينطاق
ياللي تحمل سمعتي فوق ماطيق
مصدر تبث الكذب في كل الافاق
قاصر ضعيف الراي في حزة الضيق
هرجك يضيع اليا عليك الزمن ضاق
احفظ لسانك ياردي التوافيق
لاتتركه في عرض الاجواد لحاق
تراي بنت اللي يصون المواثيق
اللي مربيني على طيب الاخلاق
لي في سمو الطهر جوله وتحليق
أكرم عن اللي في قفا الناس لفاق
مافيه مثلي بنت بين المخاليق
أنا التي فيها من الحسن مالاق
كلي أدب واخلاق مافي تبريق
عفه وحشمه بارقي دوم برّاق
حويت علم ودين وانظم طواريق
لامن بدعت القاف في مهجتي راق
دره بحر ماناشني كل عشيق
ماني ملاذٍ يزبنه كل عشاق
تراي (شوق) اللي لها قدرٍ يليق
بنتٍ كما الدّر المخفى بالاعماق
ربعي عتيبه متعبين الملاحيق
دايم على فعل المواجيب سباق
ترى خوالي من عنوزٍ شواهيق
من نسل أبو تركي رفيعين الاعناق
وين أنت غادي وين ياناشف الريق
اعقل ترى دمك ليا أخطيت ينراق

.

[فلان الفلاني]

[align=center]وديبك و ابيك و اباك و ابغاك
.......................جمعتها لرضاك و اختار فيهـــا

كانك مشكك بالوفا و الغلا هاك
...................... جوالي اقرى القائمة كل ابيها

رقمك مع الصادر و لا وارد سواك
..................... و الناس فاللي لم يرد عليهـــا





محمد فطيس المري[/align]

[ماجد بن هلال]

[align=center]//

كان قصده يازماني يستهين انـا عتيبـي
والله اني ماحني الهامه وانا ربعـي عتيبـه

\\

لـ بدر بن تركي العتيبي[/align]

[عبدالله المرشدي]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الصاحب اللي حط في قلبي جروح=عيني من اسبابه عليها غشاوي
مالي بغيره من هوا البيض مصلوح=ماشوف ماسمع غير فرخ النداوي
لو شيدو لي بالهو برج وصروح=واهدن علية من هواهن هداوي
اللي ليا قفى على فقده انوح=ولاقبل لشوفه قمت اغني غناوي[/poem]

[ماجد بن هلال]

[align=center]جيتك .. وفي صدري من البعد ضيقـه
واقفيت اخاوي .. ضيقتي مثل ماجيت !![/align]

[رائد الشيباني]

الرجل ما تلحقه في نفسـه الشكّـة
والحر قبل الدخول يشوف مخراجه
والصحبة اللي من المجلس ليا الدكة
أبيعهـا بيعـة المحتـاج للحاجـة

[نسمة غلا]

حبيبي وان تبي قربي ترا باب الغـلا مفتـوح
....................وكانك بلجفا ناوي حرام اوجع معـك راسـي

[نعومــــي]

[poem= font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تحسب ان القلب هـــاام .. وضمنته = نذر ٍ علي ان ذلني ما اعترف فيــــه[/poem]

[عبدالله المرشدي]

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي بنومك دالهٍ ومتهني=انا بنومي ماتهنيت لحظه
ماشفتني بالحلم ماجاك عني=حتى ولو صدفه مع الوقت محظه[/poem]

[امير الغلا]

كل ما تطلب من الدنيـا فـداك
انت لي منوه ولي غايه مـرام

لو تغيب اسنين ما يرخص غلاك
دام مركبنا على مـوج الغـرام