السلام عليكم
حياك الله ياشموخ وياهلا بك بعد طول الغيبة
مازلنا نعاني من افة التعميم والحكم على الجميع بصفة البعض
فيه من تبيع للحاجه وماتبي تذل نفسها وفيه من ورثت المهنه وتبي تكسب قوتها وفيه من تقوم بالتجارة ويمكن رصيدها يبني ناطحة سحاب لان بعض الحريم ( ظفرات ) الله يكثرهن ويفكنا من ( المبدّل )
اما عن السؤال ليش مانشتري منهم ؟
نادراً ما اشوف بساطة في مسجدنا
ما اشوفها الا في السوق اذا جيته
و على حسب البساطه احياناً اذا مريت شفت البضاعة كلها براقع وجلابيات وحنا ومعمول الخ ... الخ
يعني وش تبوني اشتري ؟؟ اشتري برقع واهديه على امي !!
والمشكلة بعضهم تنافخ ويالله ترد على الزبون
وهي على حسب البظاعة امر عليهم في البسطه احياناً واشتري منها ببسي والا ( السي كولا ) اللي مربص في مويه ( اذا لقيته) ويالله مش حالك
ولاتخافون حريمنا مايخلون شي مايشترونه :) يعني مثلاً امي جعلي ما ابكيها :) على علاقة بما عدده 7 مليون تاجرة اقمشه ومعمول بمدينة الرياض وماجاورها احيانا اوديها للسوق كل بسّاطه تمرها تسحب الكرسي و سوالف وطق حنك لا واذا قامت بتمشي تقول البساطه لامي : سولفي مبطين ماشفناتتتس !! :) <<< وهي نصابه تقصد وراك ماشريتي شي اليوم
وحتى لو كانت تتاجر وتجيب من دبي هذي شي يفرح ويسعد لانها من اهل الوطن والله يزيدها من خيره
والله يزيدهم ويزيد من نشاط شبابنا ونفتك من هالعمالة اللي ماوراهم الا الجرائم والفساد