أنا مــاأشره على راع الرسايل..

[رغدالشيباني]

لم تأت من فراغ


[poem=font="traditional arabic,6,white,bold,normal" bkcolor="black" bkimage="backgrounds/26.gif" border="none,4,gray" type=2 line=0 align=center use=ex num="0,black""]
أنا مااشره على راع الرسايل =يقول الشوق عامل بي عمايل
يكون الشوق لجل الحب الاول=وانا ياخوك ماارضى بالبدايل
تعبنا من سوالفنا الكثيره =ويبقى الصمت محمود الفعايل
كفايه نصب وخداع وتلاعب=فــ انا عندي على كذبك دلايل
انا مااسكت على شخص ٍ هجاني=ولا اقبل عذره بشتى الوسايل
أنا بنت الشيوخ اهل الزعامه=شيابين الكرم والفعل هايل
زعيمة قوم لي نفس ٍ عزيزه =ولا دنست عرضي بالرذايل
نصحته قلت كود الورع يفهم=وأكسب فيه معروف وجمايل
أعلمه الرمايه كل ليله=كما علمته أنواع الفضايل
أبا فعله مثل فعل المشايخ=لعل الله يهدي به قبايل
ولكن الغليّم طاح حظه=تجنّب درب وافين الخصايل
ألا ياليتني مااتعبت روحي =ولاضيعت عمري بالتحايل
على هونك فشعرك لو وصفته=حديث الليل تجلاه القوايل
وأنا ادري بأن دنيانا دنيه=ووجهاً غير وجه الله زايل[/poem]