(( ديوان الألغـاز ))

[{ أبوفيصل }]

لغزن تساوَا عندي معناه ومبناه
عن شيخةالزينات في مستواها

لو مبتداها موت محدن تمناه
تلقى حياة الخلق في منتهاها

[{ أبوفيصل }]

بنتن لها مع ناس رابط عقيده
عقيدتن ترمز لأهلها وعدها

حرصن على الميعاد وقت الوعيده
لارافقت شخصن وهو معتقدها

من ماضي الأيام ماهي جديده
واليوم راحت ماحدن يعتمدها

[{ أبوفيصل }]

لغزي سرى بمقربات البعايد
سهلن على فكّاك صعب الشرابيك

أربع على أربعه رجالن ضدايد
هذا وذيك أضداد مع ذا وهاذيك

شغلاتهم لجل اللي وقت الشدايد
وَردوا عليها إفزوع مدري مداريك

[{ أبوفيصل }]

سبعن لهن بالوقت شنه ورنه
جملة بناتن قالهن ذايع الصيت

راح بذبيل إكحيل تالي مغنه
تنعاه بصروف الليالي نواعيت

هن من تسببن له يوم اذبحنه
وعلومهن عند الرجال االنعاتيت

[{ أبوفيصل }]

انشدك عن رجال كلن يهابه
والناس من سطوات باسه تروده

ترتيبه الثالث ومعنى جوابه
ناسن على قل الحلول محدوده

[{ أبوفيصل }]

ياويش رجلن بين الأجواد رايج
لا حل في صبحك و لافالمسا حل

له بالثلاث حروف وصف وبهايج
أوسط حروفه بحر من دون ساحل

[{ أبوفيصل }]

انشدك عن بنتن تجيب الصمرقع
خلت شجيع القوم يخشى مجيها

مخفيةٍ من غير غطوه وبرقع
لاشلت منها الراس، يقضي عليها

[{ أبوفيصل }]

المشاركة الأصلية كتبت بواسطة وطن بلا مخالف الطير في جو السماء كفاخ يكفخ وغيره بالذرى ممسي لاكن من حط الحمول وناخ يطيح حمله والتعب منسي

المشاركة الأصلية كتبت بواسطة ألراقي لو شوّلتً فالذيل أظنه فاخ عامين لو هي تصفق الخمسي وشعيل مايذكر مع المايباخ بين الزمان اليوم والأمسيً

المشاركة الأصلية كتبت بواسطة وطن بلا مخالف أظنها تِكوى بعشر اصياخ من ماتحسه ماتبي لمسي ماينذكر عشبٍٍ نبَت بصباخ ولاعاد توحي للقطا رمسي :

المشاركة الأصلية كتبت بواسطة ألراقي قبل القضيه لا تصير أفخاخ وتكدر أهل الخاطر العمسي والطبخه اللي في يد الطباخ ماتنحرق لو تنحمس حمسي

المشاركة الأصلية كتبت بواسطة وطن بلا مخالف للصدر اِعلاج وعندنا بخاخ وان ضاق صدرك عندنا ونسي لن ماحطيت السمن ماش إفراخ منتب من ناس اِخشومها فنسي

المشاركة الأصلية كتبت بواسطة ألراقي كوره ولا تحتاج للمنفاخ ولا كل من يلعب مثل مسي طاروق لأنه شاب قافه شاخ لو الحقيقه طمسها طمسي

المشاركة الأصلية كتبت بواسطة وطن بلا مخالف ياشيخ مابالروس صمخ اصماخ ومصامخ ن. بالروس والكرسي لو تنشد الأفغاني... قال إرتاخ سِفْن البحر وسط البحر ترسي

....................

[{ أبوفيصل }]

لغزي الليله مثل ريح العبير
أوله ماني معلمكم انا

نصفه الثاني ترى جمعٍ غفير
من عرف حله يا عله بالهنا

[{ أبوفيصل }]

ويش اللي لامن حل بالوقت مرصود
يردع خطاة اللي براسه شقايق

يضرب على الكايد ويضرب على الكود
ويبعد خطاة النذل عنك بدقايق