ديوانية شعراء عتيبة

[» عبدالعزيز «]

وعليكم السلام ورحمة الله وبركاته

الله يجعلها ديوانية عامرة بذكر الله .
بالتوفيق


**

[شاعر عتيبة]

شيخ الشيوخ لاهنت على الديوانيه

واشوف الشعار ماجو لهالحين وبتفح المجال
وانا بشارك ببيتين كاتبها في موقع عتيبة وعن نفسي


يقول سااهر


[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في منتدى العتبان سجلت توقيع= واسمي مع اصحاب التواقيع ساااهر
اكتب قصيدي فيه من غير تلميع= ماني من اللي يعشقون المظاهر
[/poem]

وسلامتكم

لنا عوده بالقصيد والسوالف باذن الله

[سويلم الخراص]

شيخ الشيوخ


كل الشكرعلى جهدك المبذول

وبوادرك النادره والمميزه


لك التقدير والاحترام طال عمرك

[المنتبه]

ماكل نجمن لالظلم الليل ينشاف ,,
لادن رعاد السحاب المخيلي ,,
يافهيد للعربان وقفات تنشاف ,,
شد الحزام ان كان حبلك جليلي

[فهيد مقعد الرويس]

المشاركة الأصلية كتبت بواسطة المنتبه ماكل نجمن لالظلم الليل ينشاف ,, لادن رعاد السحاب المخيلي ,, يافهيد للعربان وقفات تنشاف ,, شد الحزام ان كان حبلك جليلي

صحيح قولك بس يامغني القاف=ماتثبت الدعوى بليادليلي

وفهيد مايكلف ورى كل حذاف=وعن المواقف مايحيد ويميلي

[شيخ الشيوخـ]

اشكر جميع من مر واشاد وترك كلمته ونرجو منهم العودة لنا بما لديهم

علومكم غانمه وبيض الله وجيهكم جميع
وصح لسانك ياساهر وعساك على القوة
والمنتبه مشاركتك طيبه وصح لسانك
ايضاً عنده مشكله فنية في كتابة الخط نرجو ان اللجنة الفنية تحلها ونأمل انك تراسلهم

والعفو ياسويلم البوادر انتم الي تشجعون عليها ولولاكم ماصار لها نجاح ولاتخلينا من قصيد الخراريص وسوالفهم طال عمرك
ويابو مقعد كفو لابالله ماتحيد ولاتميل وعطنا من الجديد ومن الشوارد يابومعقد انت والربع لاتخلون الديوانيه

[فهيد مقعد الرويس]

ابشر

لايهمك

انتظر قصه لشاعر المعروف سلطان المريبض رحمه الله صاحب البيت المشهور

ياطيب ربعي يامناعير طيباه =ولانوادر نجد محدا حكرها

لولاضيق الوقت لكتبتها الان لكن ان شالله ابي اجيبها

تحيتي للجميع

[وجودك يكفي]

صباح الخير

الله يعطيك العافية ياشيخ الشيوخـ على الفكرة والديوانية الرائعة


وإن شاء الله يسعد الجميع بهذا الملتقى الموفق بإذن الله

[شيخ الشيوخـ]

ووجهك ابيض ياولد ثابت
والمرور وحده لايكفينا منك

نبي لنا لغز حصري لهذه الديوانيه والرمعات للشعراء والجمهور يتابع اللغز...

[الجـآدل]

صبــاح الخــير ..

صــباح مـعـطـر بـريـح الخزامى والنـفــل .. لكل من يمر بـ ديوانية شعراء عتيبة

ويعطيك العافيه أخوي شيخ الشيوخـ على المبادره الطيبه.. وبيض الله وجهك ماقصرت

والله يجعلكم تجتمعون على الخير والعــز ان شاء الله ..

واتمنى تتقبلون ذا المقطع اهداء بمناسبة افتتاح ديوانية شعراء عتيبة

ولكل من يمر من هنا ..

يا محلا الفنجال مع سجة البال....في مجلس ما فيه نفس ثقيله

هذا ولد عم وهـذا ولـد خــال....وهذا رفيق ما لقينا مثيله

((راكان بن حثلين))

[youtube]http://www.youtube.com/watch?v=teoAady1RMY[/yo

وذي الأبيات كانت مجاراتي لأبيات اخوي عادل العصيمي فى المسابقه اللي فاز فيها بجداره

اخوي الساهر شاعر جزل ويستاهل دون قصور فى الباقين ..اتمنى تنال رضاكم


[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
النت واسع والمواقع ملايين =وكل على قده يحصّل نصيبه
وفي منتدى عتيبه كعام المعادين = أهل الفعول الناهيه والعجيبه
نلقى لهومات النشاما مضامين = حي المكان وحي هاك الشبيبه
قوم يدوسون العدا والثعابين =فريقهم فايز نهار الغليبه
قومٍ رغم عيلات الايام وافين = رجّالهم يوم الوغى تعتزي به
أكبر فخر يذكر بعد عزة الدين = أني عتيبيه وربعي عتيبه[/poem]

وســـلامتكم

والله يجعل ديوانية عتيبة عامره بكل علم غانم

الجـــآدل