ذكريات رمضان الطفوله ..............

[سيوف]

المشاركة الأصلية كتبت بواسطة ♥أميرة الـ غ ـيد♥ موضوع جميل سيوووف << الفكره كانت فبااالي بس سبقتيني المهم عندي سواليف واايد :37: بس اشوووف متى مااافضيت جيت هووووون وسدحتها لكم يعطيتس العاااافيه سيوووف

هلا والله بامير ومبروك عليتس الشهر << قلت لكم بتبارك لين يخلص الشهر :37:

توارد افكار لبى قلبنا بقالب واحد وفداتس << يفداتس الاش << عرفته تالي وشو


<< احتري سوالفتس انا والربع والربايع

،،،،،،،،،،،،

[سيوف]

المشاركة الأصلية كتبت بواسطة خيّال الهيلا كل ذكرياتي الحلوه برمضان كانت بالطفوله .. فان فتحت الباب اتوقع بنوصل لصفحة 100 ولاخلصنا:) .. لكن بالامانة كان فيني عرق نذاله .. ينبض بشهر رمضان وبالتحديد الفتره المتأخره من الطفوله كنت اصوم كل اليوم وقبل مايفطرون اسبقهم وافطر .. احيانا اخلص عليهم واحيان كل لقمه بطقّه عالقفا :) .. ولو سبقنا هالفتره بشوي بنشوف ان خيّال كان مجنون وعليه حركات .. يعني مره افطرت مع اللي بالمسجد اكيد كلهم اجانب .. وتابعين لافطار صائم :) هذه المره كانت هبقه كذا حبيت اغير الجو واكل رز ولبن .. مره يعجبني اكلهم .. :) ومره جيت عند الاهل وقلت اطبخوا لجيراننا معكم ويوم بروح باخذها لهم طبعا بعد ماخلصنا الفطور اخذت هاللي معديّنه للجيران جلست بزاوية في الحوش وقعدت اكل :) .. والله العظيم مو دب لكن جات فتره وكنت مستبد لاني كنت الاصغر وقتها .. فكانوا يبون يخلوني رجال واتحمل المسوؤليه .. بس اسلوبهم كان تعسفي :) وكلها من اخواني الكبار يقولون للوالدة خليك شديده معه لاتفلتينه .... مالت عليهم هالحين الأكل بيؤثر على سلوكي او يخافون بكره انتفخ واكبر وانافسهم :) ذكريااات كثيره وشريط الذاكره مايتوقف .. لكن بنترك المساحه لغيرنا .. مشكوره ياسيوف ربي يسعدك لفتح مثل هالمساحة اللي تحمل اشياء حلوه لها قيمة بنفوس الكل وكل عام وانتم بخير .. ... وافر الود

هلا والله بالغائب الحاضر خيال :) وابركها من ساعه يوم تجي لسوالفنا

اما سالفة فطور جيرانكم

والاكل يؤثر ع السلوك :85:<< امي كانت ماتبيني امتن علشان الفساتين تجي علي زينه كان عذاب وربي

والله يسعدك ياحيال وترنا نحتريك بعد تسرد لنا سوالف جديده


،،،،،،،،،،،

[سيوف]

المشاركة الأصلية كتبت بواسطة أخت عبد العزيز موضوع رائع أنا تعجبني الذكريا بس للاسف ما أذكر شي إلا موثق في دفتر مذكراتي

وحياتس اله اخت عبد العزيز << ونحتري الدفتر ينفتح بس عجلي علينا :59:<< ماعنده بس تهدد

،،،،،،،،،

[سيوف]

المشاركة الأصلية كتبت بواسطة الدَعْجَانِـيـْةِ الله الله على عبق الطفولة وشقاوتها وجنانها أكيد رمضان في طفولتنا كان غير أحياناً براءة وأحياناً جنان وأحياناً هبال يعني تلقين فيه حالات غريبة عجيبة نذكرها لترتسم ابتسامة صافيه تتحسر على تلك الأيام / أنا الي أذكره من طفولتي ورمضان هو جناني على الكاسترد ( الططلي ) << كذا كنا نسميه كانت تسويه الوالدة ويبقى شوي بالقدر<< أحس أنها قاصدة :) وحنا نسميه تطلي وربي الدعجانيه له طعم اول غريب الحين اشوف الصغار نغصبهم عليه تغصب مالت صدق :85: عاد نقعد نلحس في القدور << ما هم مشافيح والصيام غالبا يعلّقون علينا من وراء الزير إيييه سقى الله :) / سلمتِ خيتوو دقائق أعادت لنا زمن مضى دمتِ بخير .

وتسلمين يالغاليه ع مرورتس عاد انبشي من الذاكره وتعالي لاخلا ولاعدمناتس

،،،،،،،،،،،،،

[سيوف]

المشاركة الأصلية كتبت بواسطة الزيـــادي ذكريات جميله قرأتها هنا... والسلوك العتيبي واضح في كل ذكريات قريتها من شقاوة ولحس قدور انا كنت اكل الرقاق حتى الوالد طفش يقول هذا عنز ماهو آدمي:85: راح اقول لكم قصتين هذي وصايه لسيوف مشكور بدر سلطان المدلل كان يروح العصر في رمضان للمزرعه يقول العب بخراطيش المويه وجدي الفلاح بالمزرعه ويقول اذا قرب الأذان اروح اجلس على صخره انتظر المؤذن اللي هو جدي الله يرحمه يركب الحمار ويروح للمسجد يأذن وكان سلطان يوصي جدي يجيب له سمبوسه من شخص هو الوحيد اللي حرمته تعرف تسوي سمبوسه وياخذ السمبوسه جدي ويحطها بجيبه علشان يعطيها سلطان واذا جاء بعد الصلاه اعطاها سلطان ينفضها من الغبار وياكلها ويقول سلطان اتذكر طعمها جيدآ لذيذه..<<محروم وش تبيه يقول.. ابوي كان متحضر شوي لانه كان يحب السفريات ويعرف المكرونه ويعرف السمبوسه مره جاب لأم سلطان عمتي:102: رقاق ولحم مفروم يبيها تسوي سمبوسه المهم عمتي اللي يطول بعمرها اخذت الرقاق واللحم المفروم وحطته بالصاج يعني مثل ماهو ماتحشي الرقاق لحم لا كله على بعضه وتحركه كانها تسوي شكشوكه:d فأبوي انصدم وجلس يضحك على الاكله الغريبه..والشعيريه كانت تاخذها وتحط عليها طماطم وصلصه وبصل كانها تسوي مكرونه:111: ومره جاب ماجي اكلها سلطان يحسبها حلاوة شوكولاته وابوي قال له: وش تاكل قال :اكل حلاوة قال ابوي:كيف طعمها قال سلطان:شكلها منتهيه:o يقول سلطان اول مره اشوف ابوي اللي دايم معصب منفجر من الضحك

وربي بدر اني فاطسه من الضحك من سالفتك وعممتها ع رفيقاتي لازم يقرونها

الرقائق والحم والشكشوكه ولا الشعيريه ربي يسعدها

[سيوف]

المشاركة الأصلية كتبت بواسطة الزيـــادي اما جيلي انا مافيه بداوهشعيريه يحطون عليها طماطم:85: المهم كنت برمضان اصوم اللين العصر وتاكلني امي بالقوة عاد لمن كبرت شوي وصوتي راح جهوري قالوا صوم يابدر والله كانت اخلاقي تقفل العصر حتى مره كنا جالسين على السفره والجوع بلغ مني مابلغه اقول هذا المؤذن شكلي بروح لبيته أسحبه للمسجد:59: كان ابوي يضحك علي كثير على السفره لاني كنت افقد قدام الاكل ومره كنت بأول متوسط كنت قليل حياء افطرت بالديره يعني صمت تقريبآ عشرين يوم وخربتها من وسوسة ولد خالي رحنا للبيوت الطين معنا بسكوت بالسمسم وبيبسي وفصفص <<تحس ماهو جوع ورعنه المهم وجلسنا ناكل ونتوزع الفصفص المهم شافتنا بنت خالي وراحت تركض لأبوها وعلمته وجاء خالي وقال ياكلاب رمضان تعالوا ونحلف والله ياخالي ماافطرنا انا اقوله ماافطرت وافصفص قدامه:85: من الخوف مااحسب لتصرفاتي وكفخنا تكفيخ بس حسيت بعد الضرب اني غبي افصفص واقوله مااافطرت عن جد استاهل الضرب وبنفس اليوم ذا انضربت مرتين لاني بالليل كنا جالسين بسيارة خالي وهي سيارة عمله لانه يشتغل بمكافحة المخدرات والسيارة مصادرينها من بياع..المهم وانا ولد خالي كنا نتفحص الاسلاك وحصلنا كيس حبوب بين الاسلاك وعليه لزق ورحنا لخالي مسوين اننا جبنا لك الغنيمه واننا مؤدبين خالي اخذها وحسبها حصلها 28 حبه جاء بباله انها ثلاثين وانا ولد خالي كل واحد اخذ حبه وضربنا مره ثانيه اليوم ذاك احسه عقوبه من الله :(

اول كان صيامنا بس للظهر والله يسمح لنا يالصغار نفطر تقوله جدتي وحنا مصدقين

واحد يقول ماافطر وهو يفصفص عيني عينك بس الظاهر من الخرشه تسلم بدر اضافه وربي تجنن
ونريد المزيد :59:<< تمزح تراهي
،،،،،،،،،،

[سيوف]

المشاركة الأصلية كتبت بواسطة اصايل سبحان الله دايم ذكريات رمضان غير عندنا كلنا انا لو احكيلكم ايامي جاء الصبح ماقضيت :) اكشنات ومغامرات واشياء واجدااااااااااااات :) سيوف بكون متابعه لذكرياتك لاهنتي

طيب اصايل تعالي حكي لنا سولافه منها ولا تبيني :59: اخلصي علينا :)

وتسلمي ع مرورك

،،،،،،،،،،،

[سيوف]

المشاركة الأصلية كتبت بواسطة سلمان الزيادي هههههههههههههههههههههههههههههههههههههههههههههههه كل السوالف ذي كوم وسالفه تبرهن السلوك العتيبي اخيراً لقيت احد مثلي يومه صغير مقتنع ان الماجي حلاوه ههههههههههههههههههههههه لي رجعه

ماجي حلاوه هم لو مايدسونه كان مابقى في العلبه شي << جلي الكرز كانت تسفه سف << وكل يوم مدبوجه ع دربه اقيل عليه

،،،،،،،،،،،

[سيوف]

المشاركة الأصلية كتبت بواسطة أخت عبد العزيز أيه ذكرت سالفه رمضان اللي فات قلت لابوي بروح أصلي معك تراويح أهم شي يالله طاع قالي بسرعه ولا رحت عنس والبس ورحت لغرفه أختي باخذ شب شب و ألبسه وانا مستعجله أنا طلعت ولا أنا زالقه "طحت " والله ما أهتميت أخاف ابوي يروح عني يوم وصلت المسجد دخلت حق الحريم وصليت ويوم سجت يغيت أموت من الوجع لا شعوري قلت أي " من الألم يوم طلعت من المسجد ورحت للبيت ولا ركبتي كلها زرقا قعت أسبوع توجعني

حوف هالعجله الي فينا << كان عند بابنا حفره زمان يسلكون فيها كهرب مدري وش المهم انا ماكنت امشي ع قولت جدتي بس اركض وكل شوي وانا بوسط الحفره << عاد تعالي شوفيني الكشره فاتحتها صياح وهم يطلعوني منها

مشكوره اخت ع هالمرور وتعالي بعد اسردي اكيد عندتس واجد :o

،،،،،،،،،،،

[سيوف]

المشاركة الأصلية كتبت بواسطة البّدر [align=center] " بـ انتظرر ذكريات شمُوخ .. دايم سوالفها كلها اكششـنً .. صفحة رجعتنـا لـ وراء .. لـ رمضان زمان وايامه الحلـُوة .. لي رجعـة من تاني .. شكرا ً سيٌوف يام الافكار .. [/align]

حيالله شموخ وسوالفها :37:

وانت وش افهم من تاني :59:<< جاده هالمره

،،،،،،،،،،