:::: (( مجموعة ألغـاااز العطـاااوي )) ::::

[{ أبوفيصل }]

[poem=font=",6,white,bold,italic" bkcolor="gray" bkimage="" border="outset,10,white" type=2 line=0 align=center use=ex num="0,black""]
ياويش ورعٍ فالأوادم سِميّه =يِدفن قبل موته وهذي سِماته
يبقى سِميّه طول ما الروح حيّه =مربوطٍ ابحياة أبوه ومماته
[/poem]

[{ أبوفيصل }]

وشهي اللي لابدت لك بِشي من العتب
الأدب منطوقها لو تِبان اِحسوفها

بنتٍٍ ما تِزعِل ولا توصِّل حد الغضب
لاعكست حروفها تبقى نفس حروفها

[{ أبوفيصل }]

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياويش بنتٍ علمها عند مولاك =تو مانشت لكن بلا برق ورعود
مالاح بارقها لذولا وذولاك =ياللي على بعد النظر تنتظر فود
ياهل ترى في قادم الوقت تهناك =دام الامل بالله والراي معقود

[/poem]

[{ أبوفيصل }]

يقول اصل المثل ياعين ما تعلا على الحاجب
وانا أقول إنطلاقتنا بٍنقطه فوق حرف العين

بداية إسم رجلٍٍ ما عقل فالموجبه واجب
زعيم(ن) للجموع اللي تَزَعَّمها لِيا هالحين

ترى اللي يلزمه ما هو على من مثلكم ياجب
دليل انه نفر لامن حذفت من أوله حرفين

[{ أبوفيصل }]

ويش بنتٍِ،، معها بالزاد إخشرى
يرقبون اللي لها وسط الصحون

ما هي لا خلفه ولا هي بِعشرى
إخشراها،، عشرة أفواه وبطون

وان بغيت الحل،، باللغز إنشرى
للمثل موروث ،، وتراث وفنون

[{ أبوفيصل }]

يااهل التداول ويش بنتٍِ تحاول
تاصل بلاد الهند والسند والفرس

مزيونتن .. محدن عليها تطاول
كم عذبت عشاقهاكم خذو درس

الاسم .. لو شلْت أوله بالتداول
يبقا سِمِي اللي يجوب الخلا شرس

................

[{ أبوفيصل }]

يقولون الرجال اللي يبي وحده من الثنتين
قبل يختار لايحتار.. ينشد وشهي من لِحيه

وانا حصلت لي بنتٍٍ مضى من عمرها عقدين
وجيت انشد عن أوضاع أمها والبنت مِستحيَه

لقيت العكس بحروف إسمها. بحماه تنام العين
ترى ماهيب من وحي الخيال ولاهي من وحيه

[{ أبوفيصل }]

انا بنشدك عن بنتٍٍ تزوِّد بالرصيد اٍحساب
تزيدك ربح.. لكن الخساره في تجاهلها

ولا يبديبها غير الذي ما يكترث بأسباب
عظيمه في فرح ولاَّ بِحزن النفس قايلها

[{ أبوفيصل }]

المشاركة الأصلية كتبت بواسطة وطن بلا مخالف يامال فرقا العين من سهم الفلس الحظ فيه اذا وقف ساعه جلس ومضاربه ياما سرقنا واختلس هذا الصحيح ولايصح الاالصحيح .................... الجهبذ الشاعر الفذ يعرف لنا سير الأحداث ................................... نبغى شقردي صح والاَّ مستصح يشتال سهمه فوق ثم يضرب به صح وليا ارتفع فوق العوالي ما يكح هذا الصحيح وْلايصح الاالصحيح ..................... ماعنده قم هاته وخذ لو يزرع السوق كراث ....................................

المشاركة الأصلية كتبت بواسطة ألراقي ياصاحبي لا تشكي الحظ التعيس والسوق فيه المال والدر النفيس ومن هو يطب البحر قبل إنه يقيس هذا الصحيح ولا يصح إلا الصحيح لو إنه البحر ينفذ القاف والشعر ميراث عز الله إني خابرك رجل أجودي تشيل سهم السوق من فوق الجدي حتى لو إن السوق بأحواله ردي هذا ……. من كل طيّب وما لذ مابين غارس وحراث

المشاركة الأصلية كتبت بواسطة وطن بلا مخالف هذا الزمان اللي علينا منعكس السوق في جرفٍِ هيال ومنتكس من طاح فيها يا مهذب ينركس هذا الصحيح ولايصح الاالصحيح ................. كم عايذٍِ ماتعوَّذ لاطار بالجو نفاث .............................. الرش ما كنا نشوف الا مطر رش السحاب ورايح المزنه عطر واليوم جانا رش لكن في خطر هذا الصحيح ولايصح الاالصحيح ................ من خالف القوم ما شذ ومن حطم إعداه ماعاث .................................

المشاركة الأصلية كتبت بواسطة ألراقي تحمد الله في درووووووب السلامه ماكل سهم ن مثل زين وسلامه يشوفها الخسران حلم بمنامه هذا الصحيح ولا يصح إلا الصحيح السوق مدخل ومنفذ ماهو حلال ن لوراث لا تحسب إن الرش طلقه ورشاش إن كان يارجال ماتملك الكاش احذر تمر دروب الأخطار وانحاش هذا الصحيح ولا يصح إلا الصحيح اليوم مافيه منقذ لا تعترض درب محراث

المشاركة الأصلية كتبت بواسطة وطن بلا مخالف يهب يادم الحلَم دوم فاسد يجري بعروق كل فاسد وحاسد وشلون وضع المال لوكان كاسد هذا الصحيح ولايصح الاالصحيح ................. الرث والغث يغتذ غاذيه غاذيه ينغاث .............................

...............

[{ أبوفيصل }]

المشاركة الأصلية كتبت بواسطة ابوفيصل ... استلم ... علموني في نسيج وسهم أسيج والشجر دلَّت غصونه وارقه العسل ممزوج والسكر مزيج فرق واضح والمعالم فارقه :

المشاركة الأصلية كتبت بواسطة ألراقي استلم خايف ن تصبح ضحيه للحجيج بين حجاج العرب وأفارقه من يطب السوق وملجلج لجيج يحسب إن الليل شمسه شارقه

المشاركة الأصلية كتبت بواسطة ابوفيصل غرك البراق لويسرج سريج بالخيال اللي تخايل بارقه الثنايا فلج والدعوى فليج والعوارف ما تغر السارقه

المشاركة الأصلية كتبت بواسطة ألراقي استلم المحيط أكبر من أمواج الخليج وفالبحور السبع ناس ن غارقه لا يغرك ثوب زاهي فالنسيج البشوت اللي عليها خارقه

المشاركة الأصلية كتبت بواسطة ابوفيصل منكرين البحر وأصوات الوجيج ما مرقنا من وجيه المارقه وانت لومعك أربعه هجوا هجيج كيف تمرج من نجومٍٍ طارقه

المشاركة الأصلية كتبت بواسطة ألراقي استلم ابتلشنا في وطنا فاللحيج كل لحجي نار قلبه حارقه بين جزر و مد موجه لا يهيج و ( الجبل ) لو صاح وينه طارقه

المشاركة الأصلية كتبت بواسطة ابوفيصل استلم فوق ظهر البارجه صارو فريج والزوارق من تحتهم زارقه والمحيط ازرق ولون البر بيج واهني الطير بالجو فارقه

🌾🌾🌾🌾🌾🌾🌾🌾🌾🌾