(( ديوان الألغـاز ))

[{ أبوفيصل }]

وشهو اللي ثابتٍٍ في ذيل حوت
ما يفكه ... لو يقصون... إذنبه

تاجده في ذيل حتى العنكبوت
لا بِعكرة ضب... ولا ذيل أرنبه

وآخر الوقت إنتبه له لا يفوت
ميِّت(ن) ماهو بحيّ(ن) تندبه

.

.

[{ أبوفيصل }]

ويش بنتٍٍ لونها لون السحاب
كنَّها المزنه لياجت وإنتشت

ناشيه فالأرض ماهي من تراب
وان مشت تكبر وتكبر لامشت

.

[{ أبوفيصل }]

[poem=font="traditional arabic,7,black,bold,normal" bkcolor="transparent" bkimage="backgrounds/8.gif" border="double,5,black" type=2 line=1 align=center use=ex num="0,black""]

حصَّلت رجلٍ كل الألوان تزهاه =رجلٍ تودّه لاصفى لك على جود
اللي تمنّا فيه من شي تلقاه =واللي توسّم فيه من خير موجود
وليا عكسته شان طبعه ومعناه =راعيه معروفٍ بطبعه ومشهود

[/poem]

[{ أبوفيصل }]

ياويش رجَّالٍٍ له اكثر من ألفين
مع مِيزته بنتٍٍ على أسمه تعلا

رجلٍٍ تحدَّر من سلايل كريمين
ماهو من أطراف اليمن والمكلا

💚

[{ أبوفيصل }]

ويش بنتٍٍ عِلمها علمٍٍ ثبات
مايسرك نوم صاحبها أكيد

مع بناتٍٍ شفتهن متشابهات
لو تراها تختلف عنهن بعيد

[{ أبوفيصل }]

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
وشهي اللي تحكم بحكم وعوايد =تِنسب ال رجلٍ ماهو بأبوٍ لها
حدّها صعبٍ تعدَّا له وكايد =بنتٍ على هلها عظيمٍ جِلها

[/poem]

[{ أبوفيصل }]

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
لغزي الليله موديل أحدث طراز =امحدّثٍ تحديث وبْلا فرمته
عن فتاةٍ في طبيعتها نشاز =زِوِّجَت بغلام صارت حرمته
طلّقوها منه من باب اِحتراز =قبل يطلّقها ماهي في ذمته
جِيزةٍ مامستفيد بها وفاز =غير كاتب بينهم بمهمّته



[/poem]

[{ أبوفيصل }]

ويش بنت(ن) قِيلت إِ بكل الأمم
ماأختلف فيها البشر جمعا جميع

في لسان الفرس ولسان العجم
حتى بلسان العرب قول وصنيع

والسِمِي تلقاه رجل(ن) محترم
هو سِمِيّ البنت.. لا قالوا وديع

.

[{ أبوفيصل }]

وش بنتٍٍ تفتح مسار ودرب
وان وقَّف السيل من كثره

السالفه ما هي بأكل وشرب
لا صار.. فيها.. حجر عثره

[{ أبوفيصل }]

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
تومين اثنين اخوان واضداد =بالشكل والمضمون تومين
ياشين الأول سقم الأكباد =والثاني عكس الأوَّلي زين

[/poem]