الصبــــــــــــر

[الأدميرال]

هلابك مياح صح بدنك طال عمرك
وشكراا على مرورك

[ناصر بن سعدي]

صح لسانك إخوي


وبغيت أسألك الأبيات لك ..؟

وبالتوفيق لك ..

[الأدميرال]

صح بدنك ناصر
عندك شك با الابيات او القصيده
عطني علمك وخذ علم

[ناصر بن سعدي]

أتأكد بس طال عمرك ..

خايف تكون منقولة ..

[مُهــرة عتيبــة]

والله لون الصبر ياسعود رجال **** ماكان يصبر ربع صبراً صبرته

صبرت صبر أيوب وأثر على الحال **** وأثر على قلبً قسيت وكسرته

والله لعاند قاسي الوقت لو طال **** وأبطش على الكايد بسيفً شهرته

وش عاد لوموجه تلاطم على الجال **** أما ثناني غصب وإلا عبرته

أما نجحت وصرت فالمنزل العال **** وبنيت حلماً في خيالي عمرته

وحققت شيً مشغلً بالي أشغال **** ووفيت نذراً في زماني نذرته

وإلا بقيت بدنيتي شبه رحال **** أبحث عن المقصود مهما أنتظرته

أطوف بالمركب على بحر الأهوال **** وإليا أنكسر مجداف قلبي جبرته

//


صح لسانك ..قصيدة رائعة بمعنى الكلمة
جزالة..وقوة معنى

الله يعطيك العافية أخوي
الأدميرال
وبعد إذنك تم الحفظ :)

[الأدميرال]

تشرفت بمرورك وصح بدنك حتى ترضين
يامهرة عتيبه ولك ماطلبتي
تحيه وتقدير

[الجـآدل]

وش عاد لوموجه تلاطم على الجال **** أما ثناني غصب وإلا عبرته

الله الله

صح السانك

ولا هنت على الأبدااااع

تحيتي لك

الجــــآدل

[شيخ الشيوخـ]

نرحب فيك ياشايف وساكت وانا اللي قمت بحذف ردك والسبب انه خالي من الدليل

ومادامك مصمم على اتهامك نرجو منك كرماً لا امراً ان تأتي بدليل على هذا الاتهام برابط مثلاً او أسم الشاعر ويكون ديوانه موجود في الانترنت او تسجيل او ماشابه

واذا ثبت انها مسروقه تتولا اللجنه الشعريه هذا الموضوع حسب ماتراه
واذا لم يكن هناك دليل فسيتم حذف الرد مره اخرى لان التشكيك سهل جداً واي شخص يقدر يمر على كل القصايد ويشكك فيها

ومايصح الا الصحيح
ونكرر الترحيب فيك

[ضيف الله السميري]

العصيمي


صح لسانك يالقرم

ابيـــــات
فوق المديح

صح لسانك واسمح لي على التعديل

[عادل العصيمي]

الادميرال


صح لسانك على القصيدة العذبة


لا هنت


,